@ من ورى الكيبـــــــورد أسمن مستعاااااار@

[سلطانة الغيد]

[frame="7 70"]
مِن ورا الكيبورد باسمٍ مستعار = يكتبون المسخرة و البلبلـه
نِصفهـــم كــــــبار بعقول الصغار = ما يعرفون السَنَع و المرجـله
شالوا سيـــوف الحســــد للانتصار = مِن يخالف رغبته يستأصله !
سبّـوا أهــــل العِلم مع أهل الوقار = ما سِلم منهم شيــــوخ مهلله
بالإشــــاعة يشعلون النـــــار نار = ــاس تمرضـــها و ناس تقتله
و الجبان الي يخيفه ظِــــل فــــــار = صـــار عنتر بالسنين الأوله !
يظهر إنه لأجل لدين الله يغــــار = و إن نفسه ما تطــيق المهزله
كيف و الغِيبة لِما يكتب شِعار = يدخل بنيّـــــــة نـــاسٍ تجهله
منهم اللي يدخل بأسماء كِـــثار = كِل موقع تدخـــله بتحصـّـله !
مــــا نِعمـــم فيهم رجـــالٍ كــبار = فيهم اللي كـــــل خير يبذله
يا هَــــــلِ النتِ النصيحة بالجهار = كالفضيحة ما تِحل المِشكله
انصحـــوا بالسِـــر تجنون الثِمار = تكسبون الأجر وافي مجــزله
مِن تتـــــبع عورة المسلم و صار = يفــــرح بزلّـــة أخوه و ينقله
يتبــع الله عورته ليل و نهــار = يمهـــله ربّـــــه و لا هو مهمله

[/frame]