(جفيت القلب يالغالي !!)
جفيت القلب يالغالي وطعناتك تقل انياب
تواكلت الحشا من كثر طعناتك من انيابك
جفيت القلب والخافق يقول ان الهوا غلاب
وبصبر مثل صبر ايوب وغصب الغصب ارضابك
الا يامعكر(ن) بالي ألا يالخاين الكذاب
تقول اليوم برجعلك وبعدك طال مذهابك
يطول البعد والهاجس وكل الفكر منّك شاب
وطول اليوم يطريلي هوا صورتك واحيابك
ألا يالي امتلكت القلب الا يالفاتن الجذاب
جذبت القلب بفتونك وقلبي عاشق العابك
تجافيني وتجرحني ولو حتى بدون اسباب
وانا ضيعت من عمري لجل عينك وبسبابك
يذوب الفكر بوجودك وكل اللي بجواري ذاب
الى من هو طرى إسمك ترى مقوى على غيابك
انا صابر على جفوك ولوهي تقفلت ابواب
وبصبر مثل صبر ايوب وغصب الغصب ارضابك
وسلامتكم تحياتي ابراهيم سعد المغامس
أرائكم أنتقاداتكم في محل الاهتمام
العرض الشجري