اشـــهــد انــه مـا رحــمــنـــي يــــوم خـــلانــي وحــيــــد (؟)

[افهمني تملكني]

مــــدخـــــــــــل
علموه إني ذكرتـه بـأول العـام الجديـد
وعلموه أن الجروح بقلب غاليه موجعـه (؟)

.. ..

دخيلك ما أبي تبدي السنه هذي جروح جداد ،
قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
أنا وشلون أغمضها عيوني ؟ وإنت مو عندي !.

يسارك جرح لكن في يمينك لي دوا وضماد ،
غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
حزين اليوم أطالع [ صورتك ] وإيدي على خدي !

مـــــــــخـــــــــرج



علموه إني فقدته وياعسـى عامـه سعيـد
وعلموه أن القصايـد فـي غيابـه تتبعـه (؟)