مقدمة:
عن عائشة_ رضي الله عنها_ قالت : قال رسول الله صلى الله عليه وسلم: ((الرحم معلقة بالعرش تقول : من وصلني وصله الله،ومن قطعني قطعه الله )) البخاري- الفتح10(5989). ومسلم (2555) وهذا لفظه.
الموضوع:
بكل اختصار .. حصلت قطيعة بين أخ وأخته ..وكانت الأخت هي المبادرة بالاتصال بواسطة (رسالة) ... واعتقد أن الأبيات تغني عن الشرح ...
جتني رساله من صدى خافق الروح ***وقريتها بإحساس قلبي وروحي
قريتها وانهدت قصور وصروح *** وأنا من أول عاليات صروحي
تشكي تقول القلب يا خوي مجروح ***ما تدري اني غايرات جروحي
تهل دمع وترفع الصوت بالـــــنوح *** والي فـقد غــاليه لازم ينوحي
ما كلمتني يمكن الصوت مبحوح *** من النوح وإلا ما استطاعت تبوحي
جتني رسالتها بها دموع وجروح ***وإنهد بأســباب الرسالــه طموحي
تقول ياحمود الزمن صار مفضوح ***والشيب فيني لو تشــوفه يلوحي
يا بو علي مالي بالأغراب مصلوح ***مدام قلب اللي نحـــبه شحــوحي
ودي بشوفك دام الاعماربفسوح ***قبل الرحم ياخوي مــنا يروحـي
زل الزمان الي به أفراح ومزوح ***انخاك تكفى لا تظنه مزوحــي
وبعد الرساله صار بالقلب ذابوح ***طار المنام وصار فكري يشوحي
اختي رسالتها لهــا القلب مفتوح ***كلي لها والقلب ينصت ويوحي
اقولها ودموع عيـــني لــها فوح ***وسط المحاجر دمع عيني يفوحي
أجاوب الورقا على عالي الدوح ***وانوح من فرقا الرفيق السموحي
والله لو اني وسط الاطباق مذبوح ***لأظهر كما خطوى الحصان الجموحي
واقول ياعين المها مابها شروح ***لو تطلبين الروح تنفداك روحي
الواضح من القصيده انه كان بينهم زعل لفتره طويله
واخته كبرت في سنها وبدا عليها الشيب
وارسلت رساله لأخوها تطلب انها تشوفه قبل الموت
والرساله حركت مشاعره وقال ابيات قصيده رائعه ذرفت دموعه اثناء القاءها
والقصيده بصوت الشاعر مع انشادها بلحن رائع جدا جداً.. اسمعوها..
http://www.7ail.net/vb/attachment.ph...4&d=1179053395
عاشقة بريدة
العرض الشجري