صحيح ان الزين مايكمل حلاه((ياالبريداويه)) أو...

[ابو ريناد]

[align=center]بحكم اني اعمل خارج منطقتي القصيم يعني متغرب عنها بحكم عملي لكن سرعان ما احن لدياري واشتاق لها


لاكن هيهات ما أقدر آزورها الا في الاجازات الرسميه وفي هذه السنه أكرمنا ملكنا المفدى بمكرمته اطال الله بعمره


ليس هذا ما اريد طرحه لاكن لوضع القارئ بالصوره


قد لا يستغرب المواطن في بريده بعض العادات الغير مرغوبه اذا دأب عليها وتعود عليها وفي المقابل يلاحظ هذه


التصرفات من أتى من خارج الوسط القصيمي وبا الذات البريداوي وقد تبادر الى ذهني علامات استغراب كثيره عندما


دخلت السوق !!!!!! حول قبة رشيد وما حولها ياملا السيل


لقيت البريداويه مسترجله بمعنى الكلمه تلقاها تكاسر البائع وبصوت عالي لا وتكاسر ولا همها احد بكم ذا بستين

وراه مابو ه اقل من ذا السعر وصوتها لس عاااااااااالي وما كن بالمكان رجال وكأن البائع من اهلها وما كن صوتها عوره

ذهبت هنا وهناك بالسوق لقيت اغلب البريداويات صوتهن عااالي لا وازيدكم من الشعر بيت تلقاها آخذه من البوفيه

بطاطس او همبرقر وتلقى الكولا بيد والشيبز بيد وكانها ببيتها ومشيت شوي وسمعت اصوات مرتفعه وانا ماشي

كنت اهم بركوب السياره ظنيتهم بائعين متخاصمين وناظر ولا الصوت من عند نافذت الخياط النسائي وكانن

حاقطاته ثلاث نساء واصواتهن ملفته شكل الهندي المسكين مخرب تنورت وحده وقامن عليه ما بقى الا الطق

قلت في نفسى مع أنك ايه البــــــــــــــــــــــريداويه محتشمه بلبسك من عباءه اسلاميه وحجاب شرعي

وسمعه طيبه تصفكن بالجمال و الحشمه هذا مانحسبكن والله حسيبكن

ما دار في نفسي من حوار قلت هي احدى اثنتين الأولى: اما ان ينطبق عليكن المثل ((الزين مايكمل حلاه))

اما الثانيه : ان ما نسمع عنكن من زود مديح لا تستحقنه وكان هراء وفيكن المثل ((شين وقوي عين))


السؤال اللي يطرح نفسه ماهي الاسباب اللذي أدت الى استرجال البريداويه وخروجها بهذه الصوره؟؟؟[/align]

[!!نوف!!]

مشكور اخوي ابو ريناد موضوع رائع

السؤال اللي يطرح نفسه ماهي الاسباب اللذي أدت الى استرجال البريداويه وخروجها بهذه الصوره؟؟؟
.................................................. .................................................. ........................

اولا اقول مو كلنا كذا الدنيا مازلت بخير

وبعدين هذي النوعيه واكثرها تكون امهاتهم اجانب مايهتمون كذا

او الفئه التي زحفت الينا من الباديه ودخلت على الحضاره عرض من دون توجيه او ارشاد

[ام الحلو]

اخي هذا اللي يقهر قليبي
بديت ماواطن اروح اسوق بسبتهن حسبي الله عليهن
وياليت ماتعمم على الكل لانه فيه الصالح والطالح
ماشالله بعض الاخوات لاشفته هبته من احتشامه ماتسمع ولانفس منه
وفيه من اللي تقول عنهن وازود
هداهن الله

اختي بنوته نت
انا ضد ماقلتي انه امه اجنبيه او من الباديه
فيه بنات اصل وفصل وبنات حمايل اشوفهن بالسوق اللهم لك الحمد
بس هذا عذر البعض .........اجنبيات او امهن اجنبيه ..........ليه ليه ليه
ليه مانعترف

[الوطني]

اخي ابو ريناد ..

مصداقية لكلامك .. ذكرتني بما قاله احد المسؤلين هنا ..واصله من خارج منطقة القصيم .. حينما قال بشئ من التعجب والاعجاب .
النساء عندكم جريئات .. ووضح ذلك بمقارنتهن بنساء المناطق التي سبق له العمل بها حيث ذكر انه لم يقابل نساء اكثر قدرة على المطالبة والتحدث بجرأة امام الرجال ممن قابلهن هنا.
ومع ذلك وكما نعرف جميعا بحكم انك من بريده .. فأنهن لسن واحد ... مثل كل شئ في بريده .. مدينة المتناقضات كما قيل ..

وتقبل تحياتي وتقديري

[ابو ريناد]

اقتباس:  المشاركة الأصلية كتبت بواسطة بنوته...نت     مشكور اخوي ابو ريناد موضوع رائع السؤال اللي يطرح نفسه ماهي الاسباب اللذي أدت الى استرجال البريداويه وخروجها بهذه الصوره؟؟؟ .................................................. .................................................. ........................ اقتباس: اولا اقول مو كلنا كذا الدنيا مازلت بخير وبعدين هذي النوعيه واكثرها تكون امهاتهم اجانب مايهتمون كذا او الفئه التي زحفت الينا من الباديه ودخلت على الحضاره عرض من دون توجيه او ارشاد

[align=center]بنوته اشكرك على المرور وكلام أم الحلو عين الصواب ورد على من يضع الاسلوب الغير حضاري بالغير [/align]

[ابو ريناد]

اقتباس: اقتباس:  المشاركة الأصلية كتبت بواسطة ام الحلو     اخي هذا اللي يقهر قليبي بديت ماواطن اروح اسوق بسبتهن حسبي الله عليهن وياليت ماتعمم على الكل لانه فيه الصالح والطالح ماشالله بعض الاخوات لاشفته هبته من احتشامه ماتسمع ولانفس منه وفيه من اللي تقول عنهن وازود هداهن الله اختي بنوته نت انا ضد ماقلتي انه امه اجنبيه او من الباديه فيه بنات اصل وفصل وبنات حمايل اشوفهن بالسوق اللهم لك الحمد بس هذا عذر البعض .........اجنبيات او امهن اجنبيه ..........ليه ليه ليه ليه مانعترف

[align=center]ام الحلو اشكرك على قول أيضاح الحقيفه وعدم المجامله ومرورك عطر[/align]

[ابو ريناد]

اقتباس: اقتباس:  المشاركة الأصلية كتبت بواسطة الوطني     اخي ابو ريناد .. مصداقية لكلامك .. ذكرتني بما قاله احد المسؤلين هنا ..واصله من خارج منطقة القصيم .. حينما قال بشئ من التعجب والاعجاب . النساء عندكم جريئات .. ووضح ذلك بمقارنتهن بنساء المناطق التي سبق له العمل بها حيث ذكر انه لم يقابل نساء اكثر قدرة على المطالبة والتحدث بجرأة امام الرجال ممن قابلهن هنا. ومع ذلك وكما نعرف جميعا بحكم انك من بريده .. فأنهن لسن واحد ... مثل كل شئ في بريده .. مدينة المتناقضات كما قيل .. وتقبل تحياتي وتقديري

[align=center] ما قاله هذا المسؤل هي الحقيقه التي دعتني للكتابه لاكن في رأيك ماهي الاسباب وماهي الحلووول؟

اشكرك الوطني على المرور[/align]

[سيدة الحور]

لان الرجـــــــــــــــال أستثورو

[Ya sMjY]

خخخخخخخخخخخخ معليش يمكن البريدويات يلبسن عباة عالراس


بس من قال انهن دلوعات او رقيقات


معروفة البريداوية بالعربجه

[ابو ريناد]

اقتباس:  المشاركة الأصلية كتبت بواسطة سيدة الحور     لان الرجـــــــــــــــال أستثورو

[align=center]سيده الحور افهم من كلامك ان القوامه أصبحت في بريده بيد المرأه عشان كذ1 استرجلن الله يردهن الى جادت الصواب مرورك سيده الحور جميل[/align]

[الوردة]

لان الحياء قل بسبب قلت الايمان
(والحياء من الايمان)

[البـــBADERـــدر B.D.Q]

[align=center] حيا اللله ابو رناد ومشكور على موضوعك الحلو
وتعليقي على الموضوع يقول لك اننا مانشوف المسترجلات الي على قولك الا بالاسواق القديمه يعني مثل قبه رشيد وسوق الصناعه وانا اعتقد ان هذا الشي ناشي من الحي والمجتمع الي حولهم وصدقني مافيه وارق واجمل من بنات بريده ماعدا الي بالسوق الداخلي تحياتي لكم [/align]

[خالد الشمالي]

اقتباس:  المشاركة الأصلية كتبت بواسطة سيدة الحور     لان الرجـــــــــــــــال أستثورو

والله يمكن

[بريدة.. معشوقتي]

اقتباس:  المشاركة الأصلية كتبت بواسطة ام الحلو     وياليت ماتعمم على الكل لانه فيه الصالح والطالح ماشالله بعض الاخوات لاشفته هبته من احتشامه ماتسمع ولانفس منه وفيه من اللي تقول عنهن وازود هداهن الله

صح لسانك اختي / ام الحلو \ .. وأزيد على كلامك بأن بعض الحريم ( قبلها طاهر وعلى نياتها، تتصور إنها تتكلم مع واحد زي أحد اخوانها ).

*والله أعلم*

[الوطني]

اقتباس:  المشاركة الأصلية كتبت بواسطة ابو ريناد     [align=center] لاكن في رأيك ماهي الاسباب وماهي الحلووول؟ [/align]

لاتوجد غرابه أو مشكلة حتى تبحث عن حل لها .. خاصة اذا ماكنت انت في سوق معروف انه بكامله مخصص للبضائع النسائية ... وأن اكثر الرجال المرافقين يتحاشون النزول له .. ولا استبعد ان ايا منا قد يشعر احيانا ان وجوده في ذلك السوق شبهه ... اذن من الطبيعي ان يتعاملن ويتصرفن النساء هناك بالتلقائية التي يكون عليها حال اي متسوق.. حيث ان وجودنا بينهن هو الغريب ... وحيث انهن وان كان صوتهن مسموع فهن يتحدث بما يتناسب مع المقام .

كما انه لايعيب الاخريات والنساء بشكل عام .. في أي مكان آخر سماع صوتهن وهن يتحدثن عن مصالحهن مع الاشخاص أو في الاماكن المختصه.