من شافت المهزله اليوم

[علمتني الحياه]

السلام عليكم



صراحه الي صار اليوم شي لا يوصف مهزله بمعنى الكلمه شي ماينوصف تقل والله بسوق غنم



الي صار سلمكم الله الزحمه وعدم النظام في التقديم اليوم بقسم الاختيار والتوزيع على وظائف البند والله ماحد يصدق الي صار
طبعا ان تقديمي ضمن التخصصات العلميه كانت الموظفه المسوله عنا وحده بعد الزحمه قالت صفو طوابير وين نصف مو وحده ولا ثنتين بل بالمئات حاولنا نصف يعني شوي مشا الحال وبعدين باسلوب غير حضاري زمرت باعلى صوتها "قسما بالله لو ماتصفون مراح أخذ ولا ملف" وحنا وش ذنبنا حاولنا والعدد كثير والمكان ضيق المهم والله العظيم نفذت الي قالت وراحت وتركت المتقدمات لمده نصف ساعه المهم حنا ماندري وش السالفه ومشاالله بالعكس منها وعلي نفس المكتب أستاذه فاضله قمه قمه في الاخلاق جزاها الله خير وجهها سمح والابتسامه لاتفارقها وتتكلم باسلوب لبق مع المتدمات بعد ماسئلت عنها قالو لي هذي أ/مها النومسي


المهم قعدنا ننتظر والموضفات الباقيات من شده الفراغ قاعدات بالدربزين فوق يكلمن جوال ويتفرجن تقل بحديقه حيوان ولا وحده كلفت نفسها ونزلتتاخذملفاتنا

المهم بعد نصف ساعه الاوحده من الخالات قاعده فوق جدار وتجدع اوراق وتشوفون الا هالمسكينات يطامرن من مكان الى مكن


وعلى هالحاله الى ان استقرت بمكتب ويله كلنا رحنا وراها





صراحه منظر جداجدا موسف صارت حالات أغما وماتسمع الاصراخ هالمتقدمات وكان المكان حار بدرجه كبيره




بس حبيت انقل لكم الي صار وهذي والله مو اول مره كل مارحت اقدم اشوف هالشي


وياليت مره ثانيه يصير تنظيم اوعلى الاقل توزيع ارقام ولا هالمطاريس



وياليت اي وحده قدمت تقول وش صار على تقديم الاقسام الي

واي أحد شاف حوسه السيارات الي بالشارع يقول لنا



والله يكون بعون الجميع

[نحت الغلا]

اختي مافيه شي يجي بالساهل الله يعينكم=
بس المفروض مايكون يومين بس لتكميل الااوراق مفروض اكثر ويكون بالتخصصات ولاا وش رايكم-

[الذاهبة]

مرحبا بك حبيبتي

أولاً أتمنى لك التوفيق و لكل أخواتي البنات القديمات و الخريجات ..

و يارب يحقق لكم أمانيكم و يكفيكم كل شر ..

شفت الزحمة اليوم و السيارات و العالم اللي باسطين برا و يفصفصون بهالشموس

و الشيّاب اللي رايحين راجعين بملفات بنياتهم ..

و أحصوا البنات المتقدمات بما يقارب سبعة آلاف متقدمة ..

و المشكلة المبني ما يؤهل .. و زحمة موظفات و نفوس قشرا .. و ربك يعين بس و يكتب لكن الرزق الطيب الحلال ..



بالنسبة للموظفة / مها النومسي

أسمع عنها كثير و بالفعل الكل يثني على أخلاقها الطيبة و ابتسامتها الدائمة ..

الله يعينها و يوفقها و يسدد خطاها و يكثر من أمثالها ..

لكن عندك بعض زميلاتها بالاختيار و التوزيع ..

ياشيخة تحسين أنها هي اللي تبي توظفك !!

شوفة نفس ع الفاضي .. و وجيه مكفهره مكشرة .. و لسان يلوط أذانها .. و هواش و تعطنز وووو

خير يا عماتي ؟؟

يعني عشان موظفات و تمشي لكن رواتب ، و بالاختيار و التوزيع ماصاءالله تقل شغالات ..

خلاص تمنن على الخلق !!!!!!!

والمشكلة .. لو تبي تقول نشتكي على إدارتهم أو رئيساتهم .. عشان يضبطونهن ..

تجد ان الثانية أردى منهن ..



أتمنى أن يحظين بدورات مكثفة في :

فن الاتيكيت و تعلم الذوق و مقابلة الجموع و السيطرة على الأعصاب أوقات الضغط .. و هكذا

أما يرضون بها الوضع و بعض موظفاتهم يكلمون البنات ياشيخ ولا كأنهن جراد .. !! فما ينفع هيك .. !!

[علمتني الحياه]

هلا بنحت الغلا على مرورك



وهلا والله بالذاهبه الي يقهر طول الايام متسدحات على هالمكاتب

بس الضغط عليهن بيومين بالسنه

ويقابلن الناس بنفوس قشرا



والي يقهر حنا طوابير وغيرنا بس تتجه لاحد المكاتب وبثواني توخذ أوراقها ولا تمر بالزحمه الي مرينا به


بس لنا الله

[بريدتي]

[align=center]وياقلب لا تحزتن[/align]

[الواثقة]

ياحول يا واثقه معه شهادة خبره وكمبيوتر ولا عينوها

............. اختي داقة علي(( يعني مقومتن من نومي ))
تقول به بنات يقولن انهن اول سنه يتخرجن ولقوا اسمائهم روحي شوفي
ماتدري اخيتي انهم ياكلون فيتامين واو
المهم اني ماشفت السوق
ههههههههههههههه
قصدي الاختيار والتوزيع

[الشامخة]

الله يعينكم ويساعدكم 00

[فتى الأسياح]

هذا حال الدوائر الحكومية والله المستعان

المفروض أن كل قسم في يوم محدد وبتنظيم

ولكن بيومين هذا شي مأساوي

[@ ابتسام @]

ما شافت عيني مثل استغلال موظفات الاختيار والتوزيع لمناصبهن { يعني اللي ما اعرفه ما يسوي شي } الظاهر هذا

شعارهن .... تقول رزق العالم بايديهن ؛؛؛ حاقراتن العالم والله الواحد يجيه غثيان اذا قرب لذاك المبنى ... الله لا يربحهن

[جلوي العتيبي]

وتتكرر المأساة مع كل تقديم للقبول

وظائف ..قبول طلاب أوطالبات

انا بس ودي ادري وش اللي يمنع المسؤلين من الحضور في هذه الأيام ؟

يعني زياره تفقديه وتشجيعيه للمتقدمين والمتقدمات

أو جلسة المكتب أبرد !!!

والله إن مناظر وطموح المتقدمين والمتقدمات تستحق الإهتمام وتستحق التضحيه فكيف يقابلون بهذا الإسلوب!؟؟

كان الله في عونك اختي علمتني الحياة وأسأل الله لك التوفيق ولجميع المتقدمات

[العشة]

[font=Arial Narrow]أنا سمعت عن السالفة من صديقي وذكر قصص حول سوء التعامل وعجبت من عدم احترام الآخرين الذين وضعت الموظفات لخدمتهم !!! كلمات غريبة صدرت من مسؤولة لن أذكر اسمها /
* بروح أفطر وأجيكم !! ترى هل جاؤوا يطلبون وظيفة في بيت أبوك أو زوجك !![/font]
* وش هالحر والزحمة في الغرفة صفوا طوابير ( تقولها بتعالي ) !!! تذكري " إذا دعتك قدرتك على ظلم الناس فتذكري قدرة الله عليك "

هذا غيض من فيض للتعامل الفوقي مع خريجات مؤهلات بشهادات نفتخر بهن ويجدن هذا التعامل المحقر لهن !! كيف سيكون عملهن بالمدارس كتربويات ننشد أن يكن قدوة للطالبات وهن يجدن معاملة جافة من مسؤولة من المفترض أن تكون قدوة لمعلمات المستقبل ؟؟؟
نداء للمسؤولين بإدارة التربية والتعليم للبنات بمحاسبة المقصرات ووضعهن في الحجم الذي يناسبهن ،،

وحتى لا أبخص من تعاملن بمثالية وبخلق يعكس البيئة التي تربين فيها شكرا منالأعماق وجزاكن الله خير الجزاء على جهودكن مع مواطنات حضرن لخدمة الوطن من خلال سلك التربية والتعليم ..

[موبايل]

انا مع كل كلمة من كلمات العشة

نطالب المسؤولين بوضع الموظفات المناسبات ونحن نقدّر أنهن قلة
لكن هل مناسبة التقديم طارئة أم مناسبة دورية فإن كانت طارئة ولم تحصل من قبل فنحن لانلومكم

وأما إن كانت دورية نصف سنوية أو أقل أو أكثر فلماذا لايتم دراسة آلية تخدم المراجعات وتسهل العمل واستقبال الملفات فصدقوني يامسؤولوا الإدارة أنها سوف تخدمكم انت أولاً

وأما ماحصل فإنه ظاهرة غير حضارية في زمن السباق على حسن الأداء والتنظيم

والحمدلله ان ماعندكن ياموظفات الاختيار والتوزيع استقبال اكتتاب كان نروح فيها....
.
.
.
.
.
.
هل من آذان صاغية.

[أبو حكيم]

بعض الدوائر الحكومية تعيش في ظلام العصور الوسطى ....


خذ مثالاً كلية الملك فهد الأمنية وروعة التنظيم ..... وإدارة تعليم البنات سوء في التنظيم



يكون التقديم كل يوم على تخصص واحد ........ خاصة ان المكان لايشفع لتحمل أعداد كبيرة



يومين فقط للتقديم على الوضائف ............... قرار خاطيء بكل المقاييس ,,, لماذا لايكون اسبوعاً مقسم على حسب التخصصات ,,



استخدام التقنية الحديثة لاتكلف كثيراً ........... شاشة عرض الكترونية + المتقدمة تأخذ رقم = تقديم سريع ومرتب


من وجهة نظري لابد من تغيير الكادر الإداري ممن أعمارهم مابين الأربعين والخمسين إلى الستين وتغييرهم بعقول شابه وتجديد الدماء .......... الحاصل اكبر دليل على تعطل فكر المسؤول حتى عن ابسط الأمور التنظيمية ..


تحياتي للجميع

[ابوقش]

الوظائف ياحبيبتي اول اما اليوم لا

توظف بشركه ولا ما فيه وظائف

[مطنش]

[align=center]الله يساعدكم ولا يجدعكم لأحد ..يا بنات هالبلد والله لا يحرمكم ما نتمنى لكم .....

الاختيار والتوزيع .............. خشاش موظفات ...ما عليهن شرهه ..لكن زعمة العمل وظغوطه لها دور كبير ...اعذروهن ياأخياتنا ............


لكن ما ننصح به هو العمل على ضغط النفس واحتساب الاجر بالتحمل .. وعامل الناس بما تحب ان تعامل ...


امر جد طبيعي .... نساء ...ضغط عمل + ضعط زوج +ضغط ابناء+ ضغط الحموله +ضغط الدم ..اذن هناك اعذار ..



الله يرزقكن ...وييسر امركن ....ويسعدكن [/align]