السلام عليكم ورحمة الله وبركاته
على طول ابقول لكم السالفه:
وانا ماشي بالسياره تعرفون الشرطه الجنوبيه الي بالساده على يساره في دحديره
تنزلك تحت إذا نزلت تخلي الملاعب الترابيه على يمينك وانا والله ماشي اشوف الي قدامي
سياره كورلا وقدام الكورلا جيب المهم الجيب ذا اشوفه ممايعرف يسوق ابدا
المهم الكورلا هذي المرور السري جا الجيب ياخذ يوتيرن تخلي شركه الكهرباء على يمينك
وانت تمشي ومخليه على يمينك تجيك لفه على اليمين بعد حتى إذا لفيت تسير على يمينك
عند اللفه فيه جدار المهم الجيب ذا وهو يمشي مايدري وين يروح شكله يلف او يطول
صدم الجيب بالجدار يوم نزل راعي الجيب اثره واحد يمكن عمره بين 12 و 13 نزل ولدين صغار عيال ******
وقف المرور مانزل ولا شي هم جو الولدين يركضون لمه شكله قاعد يكلم المرور على احد او شي
انا وقفت قلت لهم كم رقم ابوك عشان ادق عليه واقول له المرور كان اظنه يبي يوديهم
قال لي الولد قل لأبوي ان فيه واحد حاده طبعا لا واحد حاده ولا شي هو حاد نفسه
قلت له خير إن شاء الله
كلمت على الرقم الي عطان طلع خطأ شكله ماظبطه لي من الروعه قلت له عد لي الرقم
وعاده لي وكلمت قلت للولد كلم ابوك عشان يدري ان مابك شي قال لي لا لا لا قل له بس
ان فيه واحد حاده وطبعا المرور إلى الحين بالسياره قاعد جا المهم ابوه وقلت لأبوه ذي السالفه
يوم قلت لأبوه انه قايل لي الولد قل لأبوي ان فيه واحد حادن الأبو قال لا والله ماحده احد هو حاد نفسه
ههههههههههه الأبو عاد مرتاح انه شايف الولد والولد عاد سنه ينزف دم
وهذي السالفه
لاحول ولا قوة إلا بالله
انا اقول ان العيال هذولا مايحط قدامهم المفاتيح
إذا كان فيه اي إستفسار تبي تستفسرونن عن الحادث ترا انا حاظر
تحياتي
قايد الريم
[/align]
العرض العادي
