:: حــنــانـ :: صورة جديدة ..

[بريماكس]

السلام عليكم ورحمة الله و بركاته
تحية طيبة مباركة للجميع هنا .. فأهلا بكم على ثرثرتي !

.
.


الحنان .. و هو من ( حن ، يحن ، حان) .. <== يفت لغة عربية ..

المهم ..
هذي صورة جديدة .. عليكم .. و إلا هي موب جديدة عندي .. لأني مصوره قديمة ..
مصوره في رحله سابقة (نفس الرحلة اللي صورت فيها (عزيزتي) و سبق و أنا طرحتها هنا ..

الصورة السابقة (عزيزتي) و هذي (حنان) شكل اللي بعده يبي يصير أسمه (رومانسية) خخخ
عاد وش نسوي هذي تعليمات الرمادي .. يقول أنتم ناس ما تفهم بالرومانتك .. <== اللي يسمعه يقول هذا عايش بضيعه بـ(لبنان) ..
ما يدرون أنه يتغدى تحت نخله بمزرعة بالخبوب .. هع هع هعاااات

.
.



المهم .. شكلي طولت و أنا أهذي عليكم ..

هذي صورة .. صورة في رحلتي السابقة لـ (البسيتينات)

صورة (أم حمد) و ولده (حمد) الله يخليه له .. و يخليه له ..



.
.


تقول الصورة :




SONY P200


.
.



أنتظركم .. و آرائكم ..
و مداخلاتكم


.
.

دمتم في خير و عافية
و السلام عليكم ورحمة الله وبركاته


.
.



من خلف الشاشة
بريماكس

[عبدالله القيعاني]

اخي تسلم على النقله والتي رائعه بجمال الطبيعة ما اروع ما صورت لنا ..

دمت بكل الود والاحترام ،،

[إماراتيه والنعم]

ابصراحة صورة جميلة جداً

روووعه

أخوي

بريماكس


عاجبتني الصورة حيل

يعطيك العافيه

واصل إبداعك

واحنا بإنتظار المزيد منك

[شقرديه]

ههههههههههههههههههههههههاااي

وااااااااااااااااااااااوووك


معليش بريماكس والله غصب عني ضحكت

متحمسة بشوف حنان

وقسم اهوجس اقول شكله داخل على زواج والا وش هالرومنسية والحنية اللي جت جميع


شوي اقول اكيد حنان ام مع رضيع


والا اب ماسك يد ولدة المعصقل الشين

آخرتها بعير مع ولدة

فرحت على حنان انها صارت بعير

البعير حلو مرة وابيضاني يفتح النفس

بس التصوير موب يم جادة <<<خربتها ما تعطى وجه

لأن موضوع الصورة اللي هن البعيرات على جنب الصورة واتوقع لو انهن بالنص كان اوجه <<وش دخل الوجاهه بالتصوير



<<< تفلسف كنها تعرف تصور طب على مين !!!!

مشكور على الموضوع والعنوان الحلو جدا

[MiSs_7o0oRyAh]

[align=center]
السلام عليكم ورحمة الله وبركاته
يا عيني ع الحنان
استاذنا بريمكس
تصوير متقن ولقطة رائعة من عدستكم الاروع

وبيني وبينك
راودني الشك اللي راود شقرقر
يوم قريت عنوان الموضوع قلت وش عنده حناااان حته وحده

واول ما جا في بالي صورة طفل وابوه
او شي زي هيك

لكن بصصراحة اللقطة روووووعة
والصورة حلوووة
وبعد اذنك تم الحفظ


ننتظر جديدك من لقطات الرومنسية

[/align]

[o0 Humer 0o]

التقاااااااطة بارعة اخي بريماكس

وصووورة جدا رائعة كيف لا وهي تبيعييية ميا ميا (اذا تحتاج ترجمة قلي ) خخخخخخخ

الله يخلي حمد لأم حمد

[كسرة سكر]

أخي بريكامس .. صووورة جدا جدا جميلة ,, لأم أحمد وولدها



ننتظر أبو أحمد ,,

[ميدوو]

اخي ابو خالد


وقفة أم أحمد مع ولدها خياليه


ومثل هذا التصوير غير مستغرب عليك

[بريماكس]

الأخ الكريم بدر 730
صاحب التواجد الطيب ..

يا هلا فيك .. و مشكور على المرور
و أحفظ لك هذا

.
.


من خلف الشاشة
بريماكس

[بريماكس]

اماراتية و النعم

أهلا بالمشرفة المتألقة .. صاحبة الفرشة الإبداعية
تشرفت بمرورك ..
و الحمد لله أنها نالت على إعجابك

.
.


دمتي في خير ،،


.
.

من خلف الشاشة
بريماكس

[عيون الصقر]

حلوه الصورة بس القعود غبي لو ناظر بنفس اتجاه امه كان تكمل الحلاوه ويتغير الاسم الى نظرة امل بس جميله الصورة حتى وضعها بجانب الصورة كان جميل وعتبي على القعود ونظرته للكميرا بدل ماينظر بنفس اتجاه والدته البعيره.

[بريماكس]

شقردية

أهلا بزعيمة الجبهة النسائية .. <== داخلين معركة

.
.

أشكرك على رأيك الصريح .. على الصورة و هذا يهمني جداً .. لأن المجاملات لا تزيدني إلى إنحدار للأسفل ..

عموما ..
الحنان يجي أنواع .. حنان بشري و حنان حيواني .. و حنان بنت جيراننا هع ..
و الصورة هذي من النوع الـ(حنان الحيواني)
و الحنان الحيواني أيضاً ينقسم إلى أقسام :
حنان ثديي ، و حنان طيور ، و حنان زواحف

و هذا الحنان من النوع الـ (حنان الثديي)
و الحنان الثديي أيضاً ينقسم إلى أقسام :

حنان لطيف و حنان غير لطيف ..

مثال على الحنان اللطيف مثل ( بسه عاضة بزارينها مع الظهر و تركض تحت السيارات )
و الحنان الغير اللطيف مثل هالبعير اللي فوق و هو و البزر اللي معه اللي كبر قريح ..

.
.

8
8
و الله شكلي أصلح أدرس علوم خخخ ..

.
.

عموما ..
ملاحظتك جميلة على أن الصورة لم تملتئ بالهدف .. و هذا فن من فنون التصوير ..
و يقال أن هناك (قاعدة الأثلاث) أسمع فيها و لا أعرف تفاصيلها بشكل علمي .. لكني فسرتها بفلسفة شخصية .. و لم أحرص على معرفتها لأن يقال أن الشخص المبدع لا يسير على قواعد و قوانين محدده .. ..

.
.

أنا أعتقد أن إخفاء جزء من صورة الهدف عن كادر الصورة أمر جيد و يحسب لجماليات العمل ..

لا سيما إن كانت أم حمد الله يجزاه خير .. الجزء الخلفي من جسمه يحوم السبد .. يعني وسخ ..

و هذا يصنع نشاز في إيقاع الصورة ..

.
.

عموما شكراً جزيلاً لك على إبداء الملاحظات
و السلام عليكم

.



من خلف الشاشة
بريماكس

[بريماكس]

MiSs_7o0oRyAh


أهلا بالمشرفة السابقة .. و حياك الله

تشرفت بمرورك .. و أنا سعيد لأن الصورة نالت إعجابك

و مدري ليه أنتم حصرتوا أنفسكم على بزر مع أبوه أو مع أمه يوم صار العنوان (حنان)

تراه الحنان أنواع .. <== يبي يعيد رد شقردية هع ..

.
.

و حقوق الحفظ محفوظه لكل أعضاء و رواد هذا الموضوع ، يعني حلالكم

.



شكرا لك


.
.
من خلف الشاشة
بريماكس

[بريماكس]

o0 Humer 0o


هلا والله بأخونا العزيز

تشرفت بمروك .. و ردك اللطيف
بس و الله بيني و بينك أنا محتاج للترجمه لأني ما فهمت الكلمة اللي مدري وشي

بس شكله مدح ..

دمت بحفظ الله

.
.



من خلف الشاشة
بريماكس

[الشماسي]

هلا ابوخالد
عاش الحنان وعاش اللي جاب الحنان
الصورة رائعه وجميلة
بس ناقصه زيادة الربيع
ووظهور صاحبة الحنان بالكامل
لكن هذا مايعني أنه ينقص من جمالها بالعكس كل شيء منك حلوو ياعسل
وخصوصاً وإن نظرات الاثنين صوب العدسه

بانتظار جديدك يابوخالد
ومع التحية