مطاَ..مطاَزيز..

[ام المقداد]

السلام عليكم..
نظراً لطلب الكثير من الجماهير لهذا الطبق << احلا يااسامه السيد
وخاصه اخي البراق ..اللذي كتبت الموضوع ليرى بساطة تطبيقه..
يعني بالعربي ممكن هو يسويه ويفاجئ المدام بحركه رومانسيه
غير متوقعه..
يالله الى العمل:
حالياً يوجد في الأسواق مطازيز جاهزة مغلفة بطريقة جيدة وبأكياس بلاستيك محكمة ، وهذه المطازيز من عمل بعض المصانع التي لا تمسها الأيدي ، هذه الأكياس تأتي بوزن واحد ( كيلوغرام واحد ) بداخله أقراص المطازيز المبردة وليست ناشفة ..

**
من الممكن الاستعاضه عنها بعملها بالبيت وحفظها بعلب مجمده الى وقت الحاجه.
يجب عليك أن تقوم بفتح الكيس وفرد أقراص المطازيز في صحن واسع قبل البدء في عملية الطبخ لتصبح بهذا الشكل

ترى هذا مطبخ بيتنا فارشينه ثيل << اها بس

المقادير : لعمل مطازيز لعدد ثمانية أشخاص تحتاج إلى الأشياء التالية :
1- عدد ثلاثة أكياس مطازيز .
2- ثلاثة كيلو لحم حاشي ( وجربته مع القميري والقطا وكانت النتيجة رائعة )
3- ثلاثة روس بصل صغير مقطع قطع صغيرة .
4- عدد أربع إلى خمس حبات طماطم .
5- أي نوع أو نوعين من الخضار .. في هذه التجربة استخدمت الجباء والباذينجان الأسود . يمكنك استخدام القرع والكوسة . وفلفل حسب الرغبة .
6- بهارات وثلاث حبات ليمون أسود .
7- ثلاث علب صلصة ( معجون الطماطم )
8- بيالتين زيت ذرة .
هذه المقادير التي ذكرت أعلاه موجودة في الصورة التالية :

طبعاً بالامكان التقليل من المقادير على قدر الحاجه

الطريقة : نقوم بحمس اللحم مع الزيت والبصل والطماطم داخل القدر الكاتم ، مع ملاحظة أن المطازيز يحتاج إلى قدر كبير في مثل مقاديرنا هنا ليس أقل من 15 لتراً ، ثم بعد ذلك البهارات قبل أن نسكب الماء المغلي وبواقع ثمانية كؤوس لكل كيس من المطازيز.
ونتركه على أعلى درجة من النار حتى يبدأ بالفوران بقوة ، نضيف علبة واحدة من معجون الطماطم لكل كيس ، فالمطازيز يحتاج إلى كمية كبيرة من معجون الطماطم حتى لا يصبح لونه باهتاً ، ثم نضع الخضار والملح ، ولكن تأكد أن الملح يجب أن يكون أقل من المعتاد لأن المطازيز أصلاً مملوحة ، بعد ذلك نبدأ بالعملية الأكثر أهمية في طبختنا هذه وهي وضع أقراص المطازيز واحداً تلو الآخر على المكان الذي يفور بقوة من القدر .. انتبه يجب أن يكون واحد بعد الآخر وليس بشكل جماعي حتى لا تلتصق الأقراص مع بعضها البعض ويجب أن تكون النار على أعلى درجة ، نستمر بالعملية حتى تنتهي جميع الأقراص ..

اللي يحب الصلصه يحطها بهالمقدار ولا نظرا لخبرتي اشوف واحد ونصف كفايه جداً..



نقوم بإحكام القدر وعند بدأ دوران الصمام نخفض النار إلى النصف تقريباً أو أقل قليلاً ، وننظر إلى الساعة .. بعد دوران الصمام بخمس وثلاثين دقيقة نقفل النار ، ثم ننزع الصمام ونفتح الغطاء فنجد أحلى مطازيز وبسهولة .. نضعه في صحن واسع ليصبح مشابهاً لما في هذه الصورة

***
تنبيهات مهمه..
اشوف ان طبخ اللحم بالكاتم يكفي ..يفتح القدر ثم يضاف المطازيز والخضار ويستخدم القدر كقدر عادي بدون كيم..
لأن النتيجه راح تكون مطازيز منهرس..هذا من تجربتي..
الشي الخطير والاهم لما نسكر على المطازيز ونكتمه بعد ماتنتهي المده ونجي نفتح الصفيره راح يطلع
مع البخار نافورة صلصه حااااااااره لذلك علينا ان نتبع خطوتين ان اردنا كتم المطازيز:
1- ان ننتظر الى ان تسكت الصافره تماماً
2-ونكون مجهزين فوطه رطبه نضعها مباشره بعد رفع الصافره..لتمتص
الصلصه المتسربه..
لاتصير وحده منكم توه منظفتن الفرن ثم تدعي علي << مجربه
****************
منقول لعيونكم..
والتعليقات باللون العنابي تعليقاتي على الموضوع

[جناان]

مشكوره ام المقداد
شكلهن شهي للي يحبهن ..
وين البراق عنهن ..خخخ

[ريــــــــــانه]

السلام عليكم ورحمة الله وبركاته

مشالله يام المقداد مطازيز شكلها موت والله شهتين ,,,,وحطي بعد مع الصلصه فلفل احمر مطحون يطلع موت ولونه يهبل ..


تحياتي

[البراق999]

اقتباس: المشاركة الاصليه بواسطة جنان مشكوره ام المقداد شكلهن شهي للي يحبهن .. وين البراق عنهن ..خخخ

[align=center]وش دراك ياجنان اني اموت فيهن اما الصحن يم يم رقت لهاتي عليه وتسلمي ياام المقداد الله يعطيك العافيه ولو تسمحين اباخذه واتعشى انا واميمتي [/align]

[iiigil]

وين تباع الجاهزه فيه

[ام المقداد]

هلا والله بكم كلكم..

اقتباس: مشكوره ام المقداد شكلهن شهي للي يحبهن .. وين البراق عنهن ..خخخ

نبي نحل ازمه ..وجربيهن ترى طعمهن شي..
تسلمين على المرور يالغاليه..
***********

اقتباس: السلام عليكم ورحمة الله وبركاته مشالله يام المقداد مطازيز شكلها موت والله شهتين ,,,,وحطي بعد مع الصلصه فلفل احمر مطحون يطلع موت ولونه يهبل ..

هلا وعليكم السلااااااااام ورحمة الله وبركاته
فلفل احمر الصراحه احس طعمه بيطلع رهيب
تسلمين على مرورك يالغاليه
************

اقتباس: وش دراك ياجنان اني اموت فيهن اما الصحن يم يم رقت لهاتي عليه وتسلمي ياام المقداد الله يعطيك العافيه ولو تسمحين اباخذه واتعشى انا واميمتي

جعله بالعافيه ..
تسلم على مرورك.
*************

اقتباس: وين تباع الجاهزه فيه

هلا طنوشه
بكل محل يباعن بالمخابز ..بس دوري النوع الزين..
او خلي شغالة (ش) تزين لتس وتثلجه وشو اخت بلاش
مشكوره على مرورك يالغاليه.

[ثامر الناصر]

مشكورة ام المقداد ..

شي رائع الحقيقة المطاطيز ولكن .. اهم شي يصير فيه الفقع واللحمة

ولو يشوف ابوي الموضوع كان يستانس >>>>>> يدوخ على المطاطيز ههههههههههه

ودمتمـ

[ام المقداد]

اقتباس: مشكورة ام المقداد .. شي رائع الحقيقة المطاطيز ولكن .. اهم شي يصير فيه الفقع واللحمة ولو يشوف ابوي الموضوع كان يستانس >>>>>> يدوخ على المطاطيز ههههههههههه

اووووووووه
فقع وقرع ولحم هذا مطازيز ملكي
الله يخليلكم ابوك ويقر عينه ببركم..
مشكور على المرور اخي الفاضل.

[كرباج]

اجل هذا المطازيز تصدقون اسمع به ولا قد شفته احسبه صينية حلا !!!

لاتشرهون علي هذي مشكلة اللي خواله لبنانين ولا يعرفون الا الصواني والمحاشي والمقبلات

بس شكله لذيذ خاصة اللحمه

عاد تبون الصراحه قبل امس دخلت على امي وابوي الا يتعشون مطازيز يوم قالت لي قرب يالمصفور !! قلت بس مامن شهوه يوم قال ابوي مايبي الا من مطاريس المطاعم ههههههههه

تسلم دياتك ام المقداد

تشاااااااااو

[سيدة الحور]

السلام عليكم ورحمة الله وبركاته


تسلم أيدينك أم المقداد على هامطيزيزات يشهن والله الله يعطيك العافيه......

كرباج المصفور الله يقطعك مت من الضحك على كلامك<<ههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه