اربعين يوماً منتهى الحرية من الطلبات اليومية بعيداً عن استخدام البندول!!!!

[أبو حكيم]

ليكن حجم المقال له نصيباً في محيطكم النفسي ......




اولاً .... الرجل في الأربعين يوماً تأتيه بشارتان الأولى ,,,,, المولود ..... والثانية ,,,,, الحرية

الرجل يقع على عاتقه جملة من المسؤوليات التي تثقل كاهله من الأعباء المتراكمة من العمل والمنزل وطلباته وطلبات الأطفال ومسؤلية البيت بأكملها ,,,,ناهيك عن حق الوالدين اليومي في زيارتهم والأطمئنان على راحتهما وكذلك متطلباتك الشخصية ومتطلبات السيارة ..... وحقوق الأصدقاء والزملاء ...وحقك النفسي في متطلبات الراحة لها




ولكن في الأربعين يوماً ينطلق الرجل من حيث لايدري إلى عالم الحرية يتكرر عليه كل سنة أو كل سنتين ,,, هذا الجزء من الحياة مطلب ضروري للرجل فبرأيي هي الأجازة الحقيقية للرجل ,,, اما الأجازات العادية العطلات ,,, فهي في الحقيقة خاصة للعائلة وللأطفال فقط ........ الرجل خارج اطارها



السبب هي شقيقة الرجل .... المرأة بصراحة شغلها الشاغل ارباك الرجل في كل احواله حتى يكون لها وحدها فقط ولا ينشغل بغيرها ....


احد الزملاء دائماً مشغول وإذا تحدثنا معه عن حقنا عليه لماذا لانشاهده إلا كل شهر ساعة فقط أو اقل يقول مشغول

وفي احد المرات اسر لي ان زوجته حامل وبعد الولادة في الأربعين يوماً سوف اعود لكم وللمجتمع والكشتة والوناسة

وبعد مارزقه الله طفلاً ...... جاء إلى اصدقائة وقال بالحرف الواحد ياجماعة اليوم عندي عيدين ( الأول الطفل الجديد ... والعيد الثاني الحرية ) قال احد الزملاء ...... مبرووووك طلعت من السجن !!!!!!



اترك لكم حرية الرد ........... نقبل الرأي الآخر



إلى اللقاء

[الرمادي]

أخي الغالي ابو حكيم



أحيانا تكون تلك حريه واحيانا تكون زيادة مسئوليات !!

وضع الزوجه الأسري في بيت اهلها هو مايحكم مثل هذه الأمور

فوجودها هناك لايعني اخلاء مسئولية الزوج بل بالعكس تزيد المسئولية تجاهها وتجاه مولودها .. لكن قد تصبح حريه اذا ماكان هناك شخصاً او اشخاصاً قد يتحملون تلك المسئوليه




كل ذلك يهون ابوحكيم عند نقطة أهم ..


تذكر ان هذه الحريه قد تؤدي بك إلى وجبة عشاء من الفول والخبز الحار



تقبل تحياتي ,,,

[أبو حكيم]

اخي الغالي .... الرمادي أبو فهد انا معك ان الفول تعتبر الوجبة الرئيسة في هذه الحالة ناهيك عن نصف مضبي لو سمحت .... ترددها كثيراً بالمطاعم

ولكن هناك مساحات فارغة في حياة الرجل كانت مشغولة ,,,, خذ مثلاً التفرغ للقراءة والأطلاع وزيادة الحصيلة العلمية معدومة بوجود الأطفال وكذلك النت لاتستطيع الدخول فيه إلى في بعض الأوقات المسروقة وبدون مايشعرون ..... خلسة

[شقرديه]

يؤ يؤ يؤ

غلطاااااااان

الأربعين خاصة البكر

بلالالالالالالاوي

الو

هلالالالالالا

هيء هيء هيء هيء

وش فيتس ؟؟؟؟ <<<يحسب ولده مات

الولد مدري وش فيه تعال وده للدكتور

هو زيها عليمي ما يدري وش يسوي

زي زين الحين أجي

الوووووووووو

هلالالالالالالالالا

تهيء تهيء تهيء تهيء

وش فيييييييييييه بعد؟؟؟؟؟؟

((طهار الولد )) مدري وش فيه

اخاف يموت

الووووووووو

خيررررررررر

ما فيه حليب للولد

الووووووووو

نعمممممممممم

نبي حفايظ لـ وللبيبي

الووووووووووو

وشوووووووووووو

نبي مسحة طبية وبودرة جروح ومعقم وأرطى ومحلب وحلبة و..و........و........


يخلص الاربعين والطلبات ما خلصت

حالات نادرة

يصير عند اهلها سواق او اخو توه طاف بالسيارة يريحهم



ابو حكيم

الى اعرست لا تسميها حبس وما فيه حرية

لا

قل صار لي خانة بالحياة ولي احد يدور علي حتى لو هو يدورني له حويجة

تحتح

[أبو حكيم]

كان الله بعون الرجل المسكين ........ النساء ومشاكلهن !!!!!


الأتصالات اليومية والطلبات مهما بلغت لاتكون اصعب بقدر ماتكون بشكل مباشر ,,,,,,, الحمد لله شهد شاهد من اهلها ( شقردية )



اما بخصوص التلفون فأستطيع ان اسميه الخط الساخن الذي لايهدأ ابداً من الأتصال والطلبات مسكين هذا الرجل !!!!!!




يانساء ارحمو ا الرجل فمن حقه ان يخلو بنفسه ولو جزء من الوقت ......... اليس كذلك ؟

[بنت الشرقيه]

[align=center]ابو حكيم

كلامك صحيح الرجل يعتبر اجازته الاربعين
بس تعال بعد الاربعين المسكينه المره وش تجي تلاقي البيت
عشه تروع والمواعين تارسه المطبخ
والجرايد على ارض الغرفه ماتقدر تمشي كل يوم جريدتين ودبل اربعين جريده على الارض حوسه
غير اكواب الشاي الي على كل طاوله بالغرفه او الصاله
وكل شي تلاقيه بغرفه النوم ناقلينه من محله
والمشكله الاكبر انكم تسمونها حريه امحق حريه
واخرتها الزوجه المسكينه تجي تنظف
ولا تكلفون انفسكم بتنظيف البيت وشراء مايلزم قبل وصول الزوجه كل شي لازم هي تسويه
الله يكون بعونها
لكن ابشرك انها هي بعد في اجازه
اجازه من طلبات الزوج والاولاد مبسوطه اخر انبساط
الله يخليلها اهلها اخواتها يمسكون عيالها عنها وامها تمسك المولود الجديد
وهي تنام وترتاح لا هم رجال ولا اوامر وطلبات بس مرتاحه
يعني مثل ما انتم ترتاحون هي ترتاح
بس مشكلتها برجعتها لحوستكم وعدم اهتمامكم بالبيت في غيابها[/align]

[خـــــــــــــــالـــــــــد]

اخي ابو حكيم


بصراحه ماتقدرون النعمه


فيه احد يلقى ناس بس تلزق فيه و تخاف عليه و تشعر انها ملكها وحدها و تحبه ويزعل ويتذمر !!!



و المفروض الواحد ما يتزوج الا لين يشبع عزوبيه


لان علاقته بزملائه واصدقائه بعد الزواج ستتاثر لان اصبح له شريكا في حياته .




وين كرباج عنكم ما شفته رد هنا , بالتاكيد له راي مختلف

[iiigil]

هذاك اول يوم النساوين تستحى لاكن الحين لا مافيه حريه ابد
خلاص اعرست انثبر

[جناان]

ابو حكيم وشرايك بهذا ....!!!!!!!

[rams]http://www.anashed.net/audio/hawrnyat_2/al_3zobyah.ram[/rams]

[شقرديه]

تدري ان زوجات الحين تفضل تتنفس الأربعين ببيت زوجها

يعني اللي يبي الفكة لا يعرس من حينة

[أبو حكيم]

بنت الشرقية .... اشكرك على ردك
اما بخصوص ان الرجل لايهتم بالبيت وان المطبخ تارس المواعين فيه ,,,,,,,,,, لا يا اختي أصلاً الرجل لايستخدم مواعين ,,,, من المطعم ياكله ( بصحنوه ) !!! شغل عزابية بحت



وساخة البيت هذي راجعة لنظافة الرجل في حياته الشخصية إذا كان رجل يهتم بنفسه ورجل يعتبر النظافة هي الاساس في حياته فهذا لايمكن ان يكون كما تقولين ...... يعني مستحيل الرجل يوسخ بيته ( وين حنا ساكنين بحوش غنم )


ما اقول إلا الله يعز الشغاله ..... بعد عودة المرأة إلى منزلها بعد العيد الأربعيني !!!!!! هي اللي تنظف وتشتغل المرأة دورها اشرافي فقط !!!



لاكن مانكون حنا انانيين كثر خيرها المرأة جابت ولد او بنت تعبت وتستاهل من اللي يقدرها على مشارف الأربعين ,,,,, طقم او حركات حلوة ( تطليعه )



آآآه نسيت في اول ايام الأربعين كيف يتكبد الرجل مالله به عليم من الناحية المادية .....

اولها ....... استعدادات ماقبل الولادة .... تجهيز المولود .... كانك تجهز لعروس !!!!!! وتجهيز مفرش الزوجة عند اهلها ,,,, على فكرة طايحين الحريم بمفرشين واحد للأستقبال ويكون كشخة والثاني بعد كشخة سرير مع مفرش بقيمة مايعلم بها إلا الله ,,,,,,, كأنها تبي تضني لبناني !!!!!!!!!!



ثانياً ,,,,, إذا ولدت في مستوصف اهلي ,,,,, مالايقل عن 2000 ريال .... إذا كانت طبيعية

ثالثاً ...... وبعد (( ماتجدعها )) ببيت اهلها تروح وأنت زي ؟؟ إلى جهينة حقين الشيكولاتات ( الله لايكثرهم ) لأنهم غالين ,,,, تروح وتشتري لك سلة بقيمة 500 ريال ( وتحلتها عليها عند اهلها )

رابعاً ..... ويستلمونك بالجوالات ... جب جلوكوز ؟؟؟ جب رضاعة ؟؟؟؟ جب ..... الباقي مايصلح اقولها تكرمون

وينتهي مسلسل الطلبات عندما ينتصف الأربعين يوماً من الأنتهاء ولكن قبل الأنتهاء انت مطالب بتطليعة بقيمة 3000 ريال طقم او تروح وتشريلها أحدث جوال ,,,,, على بالها جايبة ولد لبناني !!!


كان الله بعون الرجل دائماً يحمل على عاتقه الشيء الكثير ,,,,,, كان الله بعوننا


ارحمونا يالحريم شوي شوي علينا ,,,,, حنا نصفكم الآخر ,,,,, أو تبون تخسّرون الرجل وتنتفونه عشان مايعرس .... !!!!!!!!



خــــــالـــــد .... اشكر مرورك يالغالي ,,,,,, صدقت الواحد المفروض مايتليقف ويستعجل بالعرس إلا بعد مايشبع من العزوبية

قالوه ,,,,,,,,,,,, قفص الزوجية ( قصدهم سجن )


صدقتي اختي مطنشه ........... كانت الحريم من زمان تستحي الحين تخاف تمشي جوار امرأة بالسوق خطر تاكلك تناظرك وكأنها تطلبك فلوس ..... بعين حارة
لا والحريم الحين صارت ترد على الرجل وتجادل وسقط الأحترام ,,,,,,,, موكلهن عشان ما اكون ظالم .... القلة فقط اما البقية نساء على مستوى




شقردية ....... ( انتي صادزه ) أكيد اللي تقولينه ؟ لا تكفون ,,,,,, صدق الحريم اكتشفت ان الرجل يتمتع بالأربعين من القهر اللي بهن يبن يحرمنه من الأجازة ..... تسلط مابعده تسلط ,,,, يارب يهونون عن هالعاده






تحياتي المفعمة بالشوق لكل سطر تسطرونه بالرد إما بالموافقة أو بالضد

تحياتي ...................... ابو حــــــــــــــــــــــــــكيم

[خـــــــــــــــالـــــــــد]

كأنها تبي تضني لبناني !!!!!!!!!!


ههههههاااااااهااااااااااااااهههههههههههههههه


هووووووووهوووووووووووهوووهوهوهووهو


هيهيههيههيههيه هيههي ههيي


هع هع هع ههعه ههع هع




مت من الضحك اخي حكيم على هالجمله ولسببين ...


انك قايلها من قلب و شكلك تبي تحلف على المدام ما تحمل ثانيه


والثانيه ان هذا اقرار خطي من ضباننا ان اللبناني احسن منهم

صورة مع التحيه لسحلياتنا

[جناان]

ماااااقلت راااايك اخي ابا حكيم بالقصيده وسهجتناااااااا ...اكيد ماأعجبتك

[أبو حكيم]

اختي جنان .... لم اكن مهذباً ان اشاهد احد ردود اخواني وأخواتي الأعضاء ولا اقوم بالرد ........ انما العتب على ان في ردك لم ارى القصيدة التي تذكرين ,,,, فلم ارى من ذلك شي !!!! هناك صورة في ردك لاتضهر عندي .... ربما هي ماتقصدين



اكرر اسفي رغم اني لم اشاهد شي ............ إلى اللقاء ابــــــــــــــو حكيـــــــــــــم

[رفآت]

ياأخي أبو حكيم.. أشكرك على السب للحريم الله يسامحك ..لكن أقول لك أولا: ماتستغني عنهن.

الثانيه: تكفيييينا الولاده فقط.. لا تخلينا ندعي عليك بالامساك المزمن أقل شي تحس بخروج أصبع

الطفل فقط.!!! ومن ناحية التكاليف: الولد نعمه لايعرف قدرها الا من حرم منها (تبي ولد بلاش)!!! وماهو كل

مثل ماتقول هديه بثلاث آلاف (كان نولد كل سنه)!!!!مع انه هذا أقل مما تستاهله لأنها ليتها تولد وخلاص ...تبدأ تسعد

لزوجها بالكريمات والحركات والمفاجآت وبس تفكيرها ايش تأكل علاج وايش تسوي حركه جديده لزوجها ( مع أن

الصدمه بالسعوديين هي الاقرب )!!!!

الاجنبي اذا ولدت راح يطبخلها الفرخه والحلبه وأشياء تغذيها وجاء وقت الزياره وجهه طاير من الفرح بسلامتها ويجلس

عندها ولا يروح لحد مايطلعونه بالغصب !!!! بعكسبعض الرجال الي اذا ولدت زوجته راحوا يراسلونه( بالكنود) بكل مكان يبشرونه!!!!

أو بعضهم اللي :عند قرب موعد الولاده يتجه لتجديد الجواز هذا اذا كااان منتهي !!! ويالله متى تولدين ؟؟ كل يوم

هالسؤال .....(بدال مايدعيلها بالتيسير والفرج....).

احياناً يصبر وأحياناً يقول ماأقدر الشباب يبي يروحون علشاان الحجز وووو ....!!!!

واذا قرربت نهاية الأربعين يالله بدأ يلعب على هالحرريمه أنتي وأنتي ....... يالله بدأت المصالح !!.. أحمد الله على هذه النعمه.. وأفضل شي تقوله :هو أن التغيييير من قبل الزوجين جيد.. العذر على الاطاله ..