::..كيف تكون طريقتكم عند الأفطار في::..رمضان..::

[الشماسي]

السلام عليكم ورحمة الله وبركاتة

بما أننا الأن متوجهين على موتر السيد شعبان ... وباقي كم يوم على باص الرمضان .... ومتندى الرحلات راح والله المستعان...وراح الجمل بما حمل وعلى الله التكلان...

نطرح عليكم ونحن في هذه الأيام ... مقبلين على شهر الخير والصيام ... عن طرق إعداد الطعام

لكل عائلة من العوائل في جميع الدول العربية المسلمه طرق في إعداد الفطور في رمضان ... ولهم عادات وتقاليد أو ربما البعض يحب كل بين فترة وفترة يشكل ويغيير من الأصناف والمأكولات و لهم طرق خاصه في تناول الفطور


على سبيل المثال هناك بعض العوائل تفضل التمر والماء عند الأذان وبعد المغرب حركات خفيفه إلقيمات قشطه شوربه أشياء خفيفه ...وبعد التراويح تبداء الوجبه الرئيسيه

بالنسبة لي أنا أحب أكل مره وحده مماتقدمه الوالده الله يجزاه خير وجبات أساسية بالنسبة لي تتكون ممايلي:
تمر...شوربه ...عصير تانج...خلية فطاير بالجبن ... قشطة المراعي ...>>>إذا فيه نقص بأحد الأشياء المذكورة سلفاً اعتبر نفسي ماأفطرت .... والوعد بعد صلاة التراويح نكمل ماتيسر من عشاء خفيف ...حتى السحور

كثيراً ماأواجه إحراجات بسبب العزائم ... بعض الناس الله يهديه بنظري مايعرف يفطر الصراحه

تحصل فطوره عصير وقهوه وتمر وقشطه وإلقيمات ...وبعد المغرب يجي ويكمل شوي وبعد التروايح يجي ويضرب عشاء مستقل وصار الليل كله أكل بأكل ..

لا ومن الشين واحد من الشباب يضحك علي يقول فطوركم مدري وشلون قايل ..
قلت وشف فيه ...
قال ياخي مايصلح تضرب مره وحده عقب الصوم ...
قلت والله أضرب مره وحده... ولا أقعد كل الليل ألخف وأضحك على نفسي وأقول أني أكل أكل خفيف

كل واحد الان ياشبابنا الحلوين يقولنا وشلون طريقة إفطاره ونشوف من الأفضل


ومع التحية إلكن

[خـــــــــــــــالـــــــــد]

اممممممم رمضان وافطار


اييييييييه عسى الله يبلغنا اياه <<<<<<< جدتي اللي تحكي


اهنيكم جميعا برمضان نسال الله ان يبلغنا اياه بنصر للاسلام والمسلمين والجميع باحسن حال واتم عافيه

شف الله يسلمك طريقتنا تعتمد على عدم ملىء البطن مباشرة مع الافطار


= مع الافطار تمر طبعا وقهوه و قشطه وشوربا فقط


= بعد الصلاة نتقهوى شاي وقهوه


= بعد التراويح ماتيسر من معجنات ومحاشي وحركات بعيدا عن الاكلات المعتادة من رز ومكرونه وماشابهه



= الساعه 12 قبل ماننام ما تيسر من كريمه او نشا او مهلبيات مع فواكة


= السحور منوع كل حسب رغبته ...

احد خبز وجبن

احد تمر ولبن

احد ( مصقعه )


احد ما ادخر من وجبه المنوعات

احد عجز يقوم كاس ماء فقط وهو في منامه <<<<<<<< مب انا


شكرا اخي الشماسي

[الشماسي]

[align=center]

اقتباس: كاتب الرسالة الأصلية: خـــــــــــــــالـــــــــد اممممممم رمضان وافطار اييييييييه عسى الله يبلغنا اياه <<<<<<< جدتي اللي تحكي اهنيكم جميعا برمضان نسال الله ان يبلغنا اياه بنصر للاسلام والمسلمين والجميع باحسن حال واتم عافيه شف الله يسلمك طريقتنا تعتمد على عدم ملىء البطن مباشرة مع الافطار = مع الافطار تمر طبعا وقهوه و قشطه وشوربا فقط = بعد الصلاة نتقهوى شاي وقهوه = بعد التراويح ماتيسر من معجنات ومحاشي وحركات بعيدا عن الاكلات المعتادة من رز ومكرونه وماشابهه = الساعه 12 قبل ماننام ما تيسر من كريمه او نشا او مهلبيات مع فواكة = السحور منوع كل حسب رغبته ... احد خبز وجبن احد تمر ولبن احد ( مصقعه ) احد ما ادخر من وجبه المنوعات احد عجز يقوم كاس ماء فقط وهو في منامه <<<<<<<< مب انا شكرا اخي الشماسي

هلا والله وغلا بالغالي خـــــــــــــــالـــــــــد

طريقتكم حلوه ويمكن قريباً نوعاً ما إلى طريقتنا لكن بخصوص الرز أو المكرونه لازم مع السحور

احد ( مصقعه )>>>>عاشت أيامك والله يالمصقعه .. وحط معه زنتاك عقب

حياك الله وبياك
ومع التحية[/align]

[خزامى نجـد]

[align=center]موضوع حلوووووووو

كل عام وانتم بخير وصحه وعافية والله يبلغنا صيام رمضان وقيامه

في الحقيقة تختلف كل عائلة بطريقة أكلها في رمضان
ولكن يغلب على الناس في رمضان اللخبطة في الأكل وخصوصا انه فيه دراسة وعمل تقيد الجميع وتضيق عليهم وتلزمهم


في عائلتي نفطر ب (( قهوة وتمر ولقيمات بالعسل وأصابع العروسة وماء وفيمتو)) بس

وما نتعشى إلا بعد العشاء والتراويح والعشاء يكون (( شوربة وسمبوسة ومعجنات وسلطة خضراء ))

والسحور (( حسب التساهيل (( ما بعد قررنا وش نسوي هالسنة ))[/align]

[* الدانه *]

السلام عليكم
موضوع رائــــــــــــــع .... شكرا ..... وكل عام وانتم إلى الله اقرب..

بالنسبه لنا ..

الفطور: تمر..قهوه..لقيمات او اصابع العروس او جبنيه اودونات ..وقشطة المراعي ...

بعد صلاة المغرب .. شوربه وسمبوسه او فطاير

بعد التراويح .. رز أو مكرونه أو مرقوق اومطازيز اوقرصان ...

السحور : مصابيب او توست وشاهي .... وبس

تحيــــــــــــــــــــــــــــــــــــاتي

[الشماسي]

[align=right]

اقتباس: كاتب الرسالة الأصلية: *طيف* السلام عليكم موضوع رائــــــــــــــع .... شكرا ..... وكل عام وانتم إلى الله اقرب.. بالنسبه لنا .. الفطور: تمر..قهوه..لقيمات او اصابع العروس او جبنيه اودونات ..وقشطة المراعي ... بعد صلاة المغرب .. شوربه وسمبوسه او فطاير بعد التراويح .. رز أو مكرونه أو مرقوق اومطازيز اوقرصان ... السحور : مصابيب او توست وشاهي .... وبس تحيــــــــــــــــــــــــــــــــــــاتي

وعليكم السلام

طريقتكم حلوه كلها أكل بأكل

بس مصابيب بالسحور أحس أنها ما تشبع البطن

شكراً لمرورك

ومع التحية[/align]