العودة   منتدى بريدة > المنتديات العامة > إستراحة المنتدى

الملاحظات

 
 
 
أدوات الموضوع انواع عرض الموضوع
 
قديم 13-06-05, 10:17 am   رقم المشاركة : 1
A-دلوعة حبيبها-A
عضو نشيط






معلومات إضافية
  النقاط : 10
  المستوى :
  الحالة : A-دلوعة حبيبها-A غير متواجد حالياً
Wink جبت كذا اسم وشخصيته..(طبوا يابنات وتثقفن) والشباب اللي بيقول اسمه يتفضل الله يحييه..


العنوان يبين لكم المضمون... يا..الله نبدى بهالأسامي والشخصيات الخطيرة....
(بس لحظه..أنا شرطت اللي بيقول اسمه يتفضل..ok اتفقنا خلوكم رجال وقد الحركة وكل واحد يقول اسمه..
"""""""""""""""""""""""""""""""""""""""""""""""""" """""""""""""""""""""""""""""""""""""""""""""""""" """""""""""""""""""""""
أحمــد..: طيب القلب قديغفرلك أكبر أخطائك في حقه, دمه خفيف,,ورزين عند الزوم.
إبراهيــم..: خلوق, بار بوالديه, يحب إخوانه وأخواته كثيراً وعطووووووووف بهم.
بـــدر<بدر730>..: إسم على مسمى خير ملجأ عند الأزمات بدونه تضيع كما يضيع الإنسان في الليلة الظلماء,وجوده ينير لك دربـــــك.
باســـم..:يضحك دائماً ,غير أن هناك حزن عميق به يحاول إخفاءه دائماً.
تركـــي..: يحب السفر كثيراً,يخاف الإرتباط ويهرب منه, يحب أن يكون حراً طليقاً.
جاســم..:شخصية محبوبة,قائد بطبيعته,المهم لديه الفعل لا القول.
حمــد..: شخص تثق به ,إذا حبك تضحك لك الدنيا(لاحبتك عيني ماضامك الدهر),يقف معك في الأزمات مادياًومعنوياً.
حسيــن..: دمه ثقيل غالباً, مايعرف يعبر عن حبه وعاطفته حتى ولو كانت صادقة.
خالـــــد..:ماهر جداً في إخراجك من حزنك,ذويق جداً في كل شي,أسلوبه مميز في الكلام, يحب ويهتم بالكشخة.
راشــد..: غيور في علاقاته العاطفية لايحب الخيانة(أفا من يحبها!)ويخاف منها ,متطلب كثيراً ولايرضى إلا بالأفضل وغالباً يحصل عليه.
سعــد..: يايكون نحيف وإلا دب مافيه حل وسط,يحب الأكل كثيراًوينطبق عليه (الطريق إلى قلب الرجل معدته) تلاقيه آخر الليل عند الثلاجه,بس جاد في حياته العلمية والعملية,يحب الألعاب الإلكترونية حتى ولو كان كبير في العمر.
سعيــد..: وسيــم,غالبا يكون شاعر أو يهوى الشعر ويتفوق في المجال الذي يحبه, لكنه يبين أنه مسكين ويكسر الخاطر مع أنه أبعد الناس عن هالشي.
سلطــان..: محبوب من الفتيات, مهمل قليلاً في دراسته وربما العمل,يحب الرياضة كثيراً, ومخلص للنادي الذي يشجعه.
سيــف..:شخصية جادة, يحب التفلسف مستحيل تطلع منه بشي غصب عليه(يعني داهيه مايهك عليه!)أفكاره غالباً قديمة ولكنه أيضاً غالباً يكون شاطر وناجح في عمله ودراسته.
صالــح..: إنسان حساس, ذوقه ممتاز عند اختيار الهدايا يضحي بنفسه في سبيل أسرته ومن يحب, يتغاضى عن الأخطاء كثيراً, وما يحب يغلط على أحد, بس عنده إحساس بأنه أفضل من الجميع.
طــارق..:صاحب ذوق رفيع جداً, يصلح يكون مهندس ديكور, يحب التكنولوجيا والأشياء الجديدة ,إذا حط شي براسه مستحيل ييأس ولازم ياخذه, متواضع جداً,ولايبخل عليك بالمساعدة لوطلبتها بس يمكن يتأخر عليك في تنفيذها.
عــادل..:يحب يعرف غلاه عندك لذلك غالباً يحاول معرفة هالشي سواء بالسؤال المباشر أو بإفتعال المشاكل ليرى ردة فعلك..!
عبدالرحمن..:يزداد وزنه كلما كبر,دمه خفيف, يشغل باله في التفاصيل,مسألة الإخلاص عنده نسبية قليلاً.
عبدالعزيز..:يحب طلعات البر والحدائق,تقريباً مستبد برأيه,لايحب أن يقول له أحد أنت غلطان بل هو الصح دائماً.
عبـــد الله..:طيــــــب جداً,,مخلـــــص و..وفــــي مهما طال الوقت والفراق,بس عليه طلعات شوي إذا خربت عليه.
عبدالمجيد..: شخص شديد جداً يحب أن يكون كل شي حسب الأصول,وعصبي جداً, بس ياحليله إذا كان رايق وهادي.
علــي..: شخص مريح في التعامل معه,لكن مع أسرته فيه شوية عصبيه<تنبيه>لاتقرب منه وهو معصب نهااااااااااااااااااااااااااااائياً...
عيســى..:طيب وحنون, ويدخل القلوب,بس مايعرف يحتفظ بالصداقات كثيراً, غالباً يكون ذو عقلية تجاريه.
فــارس..: غالباً يكون فاقد المسؤولية,همه الأساسي راحته وبس...,,ومع ذلك طييييب.
فهـــد..: شخصية قوية جداً, يحب التمسك بالأصالة,ويتبع العادات والتقاليدفي معظم تصرفاته.
فـــواز..: شخص رائع,, غالبا يكون فيه بقايا طفولة يحن لها, حنون مع الأطفال,(زوج مثالي)غير أنه لايستطيع أن يقاوم أصحاب العيون الكحيلة>>قصدي البنات<<ويحب المغازل.
فيصــل..:فيه شوي ثقل دم, ولكنه وسيم غالبا, ومغرور جدا,حتى لو حاول يبين العكس, وعليه الطول بعد غالبا فوق 170 سم.
مبــارك..: ذكي جدا(متى مابغى)مخلص جدا في علاقاته وحبه, لايحب القيل والقال,ومنسي جدا, وهو قد المسؤوليه غالبا.(ليت لي أخو اسمه مبارك)
محمــد..:طيب و متسامح,لكنه لاينسى إذا غلطت عليه لاتستغرب إذا عقب 5أو6 سنوات قالك تذكر يوم تسوي كذا وكذا!!ويبدى يقلب لك الموااااااااااااجع...!!!
مشعــل..: كريم جدا, ويحب السفر والطلعات والوناسة,مايحرم أهله أونفسه شي..(والله فيه خير).
ناصــر..:مربرب شوي ,غير جاد في معظم علاقاته, يبحث دائماً عن المرأة الكاملة والتي نادراً مايجدها وغالباً يتزوج في سن متأخره.
يوســف..: جاذب أنظار الفتيات, فيه وسامه ويحب أن تكون سيارته كشخه وآخر موديل بس فيه شوي..وسوسة..

ياالله عاااااااااااااااااد بلا لف أو دوران كل واحد يدخل ويسجل حضوره...واسمه...
أدري إنه فيه خالد اللي يدلعونه رقيه وبدر وهذولا اللي بيكونون صريحين والبقية ننتظر...
عشااااااااااااااااااااااااان نعرف شخصياتكم الفذة..!!!

بقلم..: ملطوشة بنت الملاطيش...
وفقــــط.







التوقيع

مصير الحي يتلاقى ولو هي طالت الأيام
ولو طالت بنا الفرقا وغابت شمس أمانينا
تمـر سنينا وأحلامنـا تبكـي على الأحلام
تفارقنــا (كذا فجـأة) وحنــا ماتـلاقينــا!
خطـاوينا بلا سكة ونتحرى الفرج قدام
نمنـي نفسنا في يوم تتلاقـى خطاوينا
يجي عام بلا لقيا..يجي عام ويرحل عام
يضحكنــا الزمـن مره...ومــرات يبكينا!
أمـل لكن بلا معنى..وليـل كل أبـوه آلام!!
وحزن فيه كـم عشنا!!وحزن عاش كـم فينا!
بوسط قلوبنــا لــوعة محت فرحة سنين قدام!
كرهنـا الحـب..أو..حنـا كرهنـا لييييه حبينـا؟!

 
مواقع النشر
يتصفح الموضوع حالياً : 1 (0 عضو و 1 ضيف)
 
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

الساعة الآن 12:43 am.


Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة

المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها

 

كلمات البحث : منتدى بريدة | بريده | بريدة | موقع بريدة