هذه القصيدة وجدتها في موقع عراقي شيعي رسمي
***ممنون الك سيد بوش****
ممنون لــــبلير الوفــــــــي ممـــــــنون الك سيد بوش
بسلا لنه صـــار العـــــنب ديس العنـــز كَمــنه نحوش
نحوش بس ديس العنــز كَـــــــــــــلمن ترسله سلــه
توه انصف ويانا الوكَـت من عكَــــــــــــــب ذيج الذله
ريوكَنه كاهي وعســل صرنــــــــه الكبـــــــــــــاب انمله
والمــشتهايه زلابـــــــــــيه ومنْ السمـــــــــــــــا مـــن نعوش
*** ممنون الك سيد بوش***
جِـــــنه فلا ناكل سمــــــج بــــس ابو زريده وحــرشه
واللـــــــحم بـــس نتأملـــه وما نشـــــــتري الا الكرشه
هســـــــه كَطاطين الغــــــده وتــــــــكه شــــــوي نتعشه
وكَليـــــجه من بـــــــــعد العشا متروســــــــه لوز ومبروش
***ممنون الك سيد بوش***
كَلمـــــن يكَلك هاك اخــــــــــذ مو نقــــــــــدي ابيعك بالدين
وشمـــــا ردت منـــي اشتري واوفـــــــي على كيفك بعدين
نــــــأكل ســـمج ناكل لحم مو كـــــــــــت واحــــد وكتين
والبيبســــي نشــرب اجنبي خـــــاف الــــــــعراقي مغشوش
***ممنون الك سيد بوش***
الحمـــــــد لله والشـــــكر صـــــــــــــارت ثخــــــينه المركَه
وكـــــــل غـــــــــرفة جبسن(*) يشتغل لا كَـــــــــــــــارص ولا بكَــه
الصــــبح اغــــــسل والعصـــــر وباللـــــيل مــــــــــــــــــــــثل الركَه
وبشـــــــــامبو اســــــــبح صرت كل ســـــــــــــــــاع اطب اخذ دوش
*** ممنون الك سيد بوش***
ياربــــــي الف شـــــكران الك والنــــــــعمه شــــــــــــــكران اتريد
!!!كــــن يكــــــــن امرك لو ردت نـــــــــــــــحلم خلصــــــــــنه من يزيد
لا جـــيش شـــــــــــعبي ولا قدس ينفـــــــــــــــــخ اعلــــــــــينه التبريـــد
والدش نصــــــــــبته على الســطح ذاك الصــــــــــــــــــــحن فوكَ الحوش
***ممنون الك سيد بوش ***
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
* الجبسن* نوع من انواع مكيفات الهواء*
هذه القصيده ارسلت لنا من قبل الزميل والصديق العزيز ابو وضاح الركابي
----------------------------
العرض العادي
