جربوا إيزي نت .. في بريدة شغالة زي الحلاوة

[الذاهبة]

السلام عليكم ..

أسعد الله اوقاتكم بكل خير ..


تفضلوا الرقم الجديد للخدمة الجديدة ***** كله جديد في جديد *****

Easy Net

رقم الإتصال : 3660222

طبعا بدون اسم مستخدم و كلمة مرور ..



جربوها ... ماراح تخسروا شي !!

[العريف]

وهل هي مجانية أم ماذا ؟؟؟



خدمة جديدة من الاتصالات ؟


ما انها هي الخدمة الموعودة من قبلهم ؟

[الذاهبة]

مممممممممممممممممممم

سؤال محرج @@


تعرف وأنت ^^ العريف^^ بذاته .. اليوم مافيه شي ببلاش for free ما نتعامل معها ..

اللي أعرفه أنه في الرياض و الدمام و عدد من المناطق مجاناً و لمدة شهر .. و هذا المصدر :

[align=center]http://www.easy.net.sa[/align]


يعني تمتعوا فيها قبل ما تحسب الحسابة ..



بس تأكدوا أنها مجانية (( اللهم إني بريئة من ذنوبكم ))

..

و هي نفسها الخدمة اللي يوعدونا فيها ،،



و إذا مالك خلق تفتح روابط ،، هي ببساطة خدمة مقدمة من الإتصالات ما تستخدم معها الإشتراك التقليدي المحدود أو المفتوح ولا تحتاج إلى مزودي الخدمة .. اللهم إلصق رقم الإتصال و تمتع بالنت الميسرة .. و الساعة بثلاثة أريل ..



دمت بحب !

[ماجد الأول]

ليست مجانية .. الساعة بثلاثة ريالات وتكلفتها مقاربة للبطاقة المدفوعة ..

[السعودي]

لعلكم لم تنتبهوا للرابط التالي :

http://www.buraydh.com/forum/showthr...531#post299531

[c][FL=http://www.buraydh.com/sign/flashs/sacatoo1.swf] width = 415 height = 141 [/FL] [/c]

[الذاهبة]

مرحبا بكم من جديد :

باقي 4 أيام و تنطلق الخدمة رسمياً ..

و الاتصالات طرحت الخدمة للتجريب حالياً

يعني باقي 4 أيام و تبدأ الحسابة تحسب ..


_________




مرحبا بك يا أستاذنا المشرف الفاضل //

نورت مشاركتي يالسعودي


شكراً للإضافة ..

[المستشار القومي]

نصيحتي (انه ما تصلح ) قولوا ليش .....انا اقولكم :

اذا اشتريت بطاقه مدفوعه (نسما ...زجول ..الخ ) عشر ساعات مثلا فأنهم الله يجزاهم خير ينسونك ويعطونك زود ساعات وهذا شي مجرب .لا احد يقولي انك واهم .

الشي الثاني اكيد زود على شين الخدمه المقدمه اكيد تبي تصير اشين واشين





وانتم عاد بكيفكم

[الذاهبة]

المستشار القومي :

مرحبا بك ..

المشكلة عويصة .. و نحتاج سنوات و سنوات حتى ننعم بشبكة معقولة مثل الناس في بقية دول العالم ..

تعرف مشكلتنا في (( البنية التحتية )) للإتصالات ..

الوضع سيء ..

يعني كل مرة نغير مزود الخدمة .. و تزال عندنا مشاكل بالاتصال ..

سواء كان اتصالك ( دايل أب ) أو ( دي اس إل ) أو ( بالدش ) أو بأي شيء آخر ..

**

لكن لامانع من تسلية أرواحنا و تغيير الطرق و إكتساب الخبرات ..






أشكرك على المشاركة و : اقضب قردك لا يجيك أقرد منه ..




ملاحظة ::

يا أخوان أنتم كلكم مناصب ؟؟ اللي مشرف و اللي مدير عام و اللي موزع ألقاب و اللي ابن الوطن ..


مافيه أعضاء من عامة الشعب مثلي !!


يخزي الواسطات .. الله يرزقنا

[المستشار القومي]

الا فيه ...وش رايك ب(( مساعد المستشار القومي)) ؟؟؟؟؟


يحقلك ...احس انك منتب مهارج احد!!!

[الذاهبة]

والله لقب رنان .. ما شاء الله

بس وش وظيفتي بالضبط ؟؟

وش أزين ؟؟

أرتب لك الاستشارات حسب الأولوية ؟؟

[Zizoo]

الخدمة الجديدة ايزي نت
مجانيه
والله العظيم انها مجانيه

يعني مافيه رسوم الشركة
اللي هي البطاقة اللي تشتريها

لاحد يجي ويقولي مهب ببلاش لانها الساعة ب ثلاثه ريال
الثلاثة ريال هذي هي رسم الاتصال

يعني استخدمت بطاقة
او استخدمت ايزي نت
الثلاثه ريال بك بك

نعطيكم مثال
اذا اشتريت بطاقة نسمة مثلا ب10 ريال
و استعملتها
يصبح اجمالي ما دفعتة هو
10 ريال بطاقة
+ 30 ريال رسم الاتصال
لان 3 ريال x عشر ساعات = 30
يعني المجموع 40 ريال


بس لو اتصلت بأيزي نت لعشر ساعات
مايكون عليك الا 30 ريال ثمن الاتصال

واضح الحين

[ثامر الناصر]

وشي هذي ايزي نت

ودمتم

[الذاهبة]

مرحبا زيزوو

واضح الحين .. يعطيك العافية و الله على الشرح ..

................. تصدق ! ماكنت فاهمة شي

_________

سلطانكو المغترب :

تستهبل ؟؟ !!



وشكرا على المشاركة .

[السـامر]

ياحليلكم

العمليه مافيها فرق ولايحزنون

كل اللي يبي يصير انك ترتاح من غثاء شراء البطاقات

ولا القيمه هي هي

يعني اذا اتصلت عن طريقهم الساعه بثلاث ريال

واذا اتصلت عن طريق البطاقه فهم يعطونك خصم مقداره 25 بالميه اللي هي قيمة البطاقه

بمعنى تطلع الساعه بريالين ونص وشوي تقريبا

وشكرا لكم

[الذاهبة]

مرحبا بك يا السامر ..



مشكووور على المشاركة ..


بس حنا نقصد إنها متاحة هاليومين مجاناً . .

يبدو أنكم ما فهمتوني ..









تحية للجميع .