ياجميله حبكم لاقى مصيره . .... وسط قلبي واندفن بين الضلوع
امسحي دمعك عسى بالامر خيره ..... انتهى ليلك وطفيت اشموع
ساعده يارب لايحاسب ضميره ... لايعض من الندم روس الصبوع
ويا دموعه بس لايتعب نظيره ... مابغيت اشوفها بلحظة خظوع
كنت انا ذكر وقتها وكانت صغيره ... لافترقنا لحظة قالت قطوع
والكرهه لاشوي ولاكثيره ... ما تعرفه رابيه حسن الطبوع
ليتها بديره وانا عايش بديره ... ولاجتمعنا بشارع عشرين بوع
ماهو قلبي من الزينات غيره . .. كلمة مرة ولافيها رجوع
كلمة من قلتها شبت سعيره . .. كن كبدي من حرارتها تموع
قلت اببعد قاصد فيها بريره ... راي امحق والبلا برايي قنوع
لين راحت وتركتني وسط حيره ... صمت دمع وحالتي حاله تروع
وردة فايح مع النسمه عبيره ... تلها ورع غشيم من الفروع
ثم رماها ذابله كانت نظيره ... ماتركها بغصنها بين النبوع
اجتمع فيها الجمال وحسن سيره ... وخف دم وعيبها الواحد دلوع [/align]
الشاعر /صالح حمد الزيد
العرض الشجري