هل انا صح والا هم الصح..؟؟

[مدير خبرة]

قال لي أحد الاشخاص وانا احاوره بالمسن:
وراك انت كلامك كذا .. ؟ تلكم زي الناس..

يومها اندهشت واستغربت .. قلت لايصير اتكلم روسي والا نيبالي وانا ما ادري

وتكرر هالشي معي مرة ثانية في تويتر بحوار مع بعض المغردين
وايضا وحده قالت لي : ليش أنت معقد كذا..؟ خلك كلامك مفهوم..

وأيضا ثانية قالت : ذابحن روحك بالفصحى.. نبي مترجم عشان نفهم عليك


هالحين عيوني صارن فوق راسي
وصارت العين الوحدة كبر الكورة
والبوهة شاخصة ...
>> تخيلوا عاد الموقف..!


المهم
واللي خلان اكتب هالموضوع
هو هل صارت اللغة المرتبة والتي تعتني بالاسلوب الجميل
حتى وان كانت مليانة من الاخطاء النحوية والاملائية
لغة غير مفهومة..؟ وصعبة..؟

طيب أجل اللي يكتبون بالفصحى.. من بيقرأ لهم...؟

وهل لغة الصفصفة وكتابة حروف انجليزية هي اللغة المفهومة بهالوقت.. ؟

يعني باختصاااار

هل انا صح والا هم الصح..؟؟

[جلوي العتيبي]

والله اللي اشوفه لغتك مفهومه وليست متكلفه

لكن هل انت هناك مثلما انت هنا ؟

[الزنون]

سادة وقلعك
احد قال كلم بنات


موظة البنات الحين كل كلمه وكلمه
يكون بينها كلمة انقليزية
ولو تسألها وش معناها قالت ما ادري خخخخخ

تدري وش اللي مستغرب منه و وش اللي محيرني
كلامك يوم تقول قالت لي وحده
وقالت الثانية

او يعنني مسدحهن خخخخخخ

[مليار]

^^^^^
خخخخ

تكلم على حسب المكان ونوع النقاش
يعني مومعقول سواليف تكلم فصحى !!

[pepsi]

وانا بعد اشوف لغتك وكلامك مفهو م وسهل هنا!!!

كلم الناس حسب ثقافتهم ومفهومهم
حاورهم بالغتهم وبيئتهم لاتتكلف
اممممم جلستكم العائليه مع الاهل
والاقارب هل تتحتاج ان تتحدث
بالفصحي ولا العاميه اذا عامل الناس
حسب قدرة استيعابهم وفهمهم

[رفيــع الشــان]

التكلم بالفصحى شي جميل
لكن الان الثقافة تغيرت
ونحاول نتكلم حسب ثقافة المتلقي بدون تكلف

[امرؤ القيس]

[frame="1 80"]
وايضا وحده قالت لي : ليش أنت معقد كذا..؟ خلك كلامك مفهوم..

وأيضا ثانية قالت : ذابحن روحك بالفصحى.. نبي مترجم عشان نفهم عليك

[/frame]


يوم تكلم هذولي معهن محرم

[مدير خبرة]

اقتباس:  المشاركة الأصلية كتبت بواسطة جلوي الشقير     والله اللي اشوفه لغتك مفهومه وليست متكلفه لكن هل انت هناك مثلما انت هنا ؟

هلابك مديرنا..

يمكن عشان رقي ذوقك ولغتك..

شفتي لغتي مفهومة..

والاكيد انه لكل مقام مقال...

لكن الغالب مثل هنا

شكرا لك

[مدير خبرة]

اقتباس:  المشاركة الأصلية كتبت بواسطة الزنون     سادة وقلعك احد قال كلم بنات موظة البنات الحين كل كلمه وكلمه يكون بينها كلمة انقليزية ولو تسألها وش معناها قالت ما ادري خخخخخ تدري وش اللي مستغرب منه و وش اللي محيرني كلامك يوم تقول قالت لي وحده وقالت الثانية او يعنني مسدحهن خخخخخخ

هلابك الزنون

السالفة وانا اخوك مافيها بنات والا عيال

وراك عفطت وجه ابو السالفة

ومابه تسديح ولا هم يحزنون..

انا كنت اتكلم عن (تويتر).... مهب عن (مسن) وعلاقات خاصة

وانت تعرف تويتر ... مهب لازم انك تصير ضايف احد او داق معه الميانة عشان تقدر ترد او يرد عليك..

ومع ذلك... حياك الله اخوي الزنون... وتمون

[مدير خبرة]

اقتباس:  المشاركة الأصلية كتبت بواسطة مليار     ^^^^^ خخخخ تكلم على حسب المكان ونوع النقاش يعني مومعقول سواليف تكلم فصحى !!

هلابك ملبار

مثل ماقلت

لكل مقام مقال

وويننا وين الفصحى..؟ الله يرحم الحال بس..؟

القصد الكلام العادي غير مفهوم...

[مدير خبرة]

اقتباس:  المشاركة الأصلية كتبت بواسطة بيبسي     وانا بعد اشوف لغتك وكلامك مفهو م وسهل هنا!!! كلم الناس حسب ثقافتهم ومفهومهم حاورهم بالغتهم وبيئتهم لاتتكلف اممممم جلستكم العائليه مع الاهل والاقارب هل تتحتاج ان تتحدث بالفصحي ولا العاميه اذا عامل الناس حسب قدرة استيعابهم وفهمهم

هلابك بيبسي..

مشكور اخوي..

والله يسهلها عليك يارب..

والمقصود كما ذكرت.. ليست الفصحى.. من كيف حالك ياهذا.. وثكلتك أمك..؟

لكن كلام مفهوم...

بس احس هناك ميل للغة بسيطة ... تعتمد احاينا على الحروووف

مشكور لمرورك

[ام مشقاص]

خلك على طبيعتك
وتكلم بالهجتك
ولاعليك من احد
انت صح وهم غلط

[روح لايسعهآ جسـد]

ماتوا اللي يستخدمون الماسن انت للحين ما مت ؟
يامخضرم !!

[غنيمه]

يمكن لأن كلامك رسمي شوي مالها علاقة بالفصحى ابد واغلب كلام الشباب

سوالف شات وكلماتهم انجليزية بالعربي .

[مدير خبرة]

اقتباس:  المشاركة الأصلية كتبت بواسطة رفيــع الشــان     التكلم بالفصحى شي جميل لكن الان الثقافة تغيرت ونحاول نتكلم حسب ثقافة المتلقي بدون تكلف

هلابك اخوي رفيع الشان

كلامك سليم..

والفصحى هي لغة الأصل

وكما تفضلت المزج بينها وبين لغة الحديث افضل

لك تحياتي