حافز يعلن مستحقي إعانة البحث عن عمل لشهر محرم .. الحقيقة الغائبة .!!

[تركـي]

السلام عليكم ورحمة الله ....


قبل فترة آسبوعين أو آقل
ظهر في برنامج دآود الشريان الذي يذاع ظهر كل يوم
ويتم آستضافة أو بمعنى ( حشر ) المسئولين في آجهزة الدولة
تم آستضافة مسئول لايحضرني آسمه ..
وكان مستلم البرنامج هذا المسئول عن صندوق الموآرد البشرية
وكان وآثق بالآجابة على الآستفسارات ..
وشطح بمعلومة مكذوبه حاول آن يمررها على المستمعين
وهو آن البرنامج يكلف الدولة حوالي 36 مليار ريال هي قيمة الصرف
للمستفيدين من البرنامج ..
وآنه سيتم تأمينها من وزارة المالية بجهودهم .. للمستحقين ..

وخاصة وهو يناقض نفسه بنفس البرنامج وظهر يدافع ويحارب عن نجاح البرنامج
وكان وقت التسجيل ينتهي بنفس يوم البرنامج الذي ظهر فيه في الساعة الــ12 ليلا
وآستطاع آن يقدر المبالغ بحساباته ..
..

بينما ظهرت الحقيقة ..
عندما آعلن عن مستحقي البرنامج
وعن اللذين لم يكملو بياناتهم ايضا
وكل ذلك
لم يتعدى
مليار واحد 100 مليون وقد تزيد ..

من المستفيد من تسريب هؤلاء لتلك المعلومات المغلوطه ..؟؟

وحتى لو كان يقصد جميع عدد اللذين سجلو بالبرنامج ..

هل تدفع من جيبك ..؟؟

وهذه النتيجة الأولية لمستحقي البرنامج كما ورد بالخبر :

اقتباس: عاجل - ( سامي العبدالعزيز ) أنهى صندوق تنمه الموارد البشرية "هدف" إعلان الدفعة الأولى من مستحقين أعانة الباحثين عن العمل "برنامج حافز" عبر الموقع الكتروني، وقام البرنامج بإرسال آلاف الرسائل النصية للمتقدمين للبرنامج الذين أكملوا بياناتهم ويدعوهم إلى زيارة موقع حافز الكتروني للتحقق من استحقاقهم لتلك الإعانة . وبحسب الرياض فإن عدد المستحقين الذين انطبقت عليهم ضوابط حافز تجاوز الـ 700 ألف مواطن ومواطنه، وكشفت مصادر مطلعة عن ان ما يقارب الـ 150 ألف منهم يحتاجون إلى تصحيح أرقام حساباتهم البنكية او إكمال إقرار الدخل الثابت حتى يمكنهم الحصول على الإعانة. وسيبدأ برنامج حافز بصرف ما يقارب مليار و 100 مليون ريال , وشدد برنامج حافز على انه يحق للمتقدم تسجيل اعتراضه ومعرفة سبب عدم قبوله ضمن الإعانة , وذلك عبر الهاتف رقم 920011559.

[أم سلطان]

36مليار كانت تبي تروح للشركات المدربه على حد قولهم الله العالم منهي له لكن ربك ستر ..
أربعة ملايين مسجل نخلوهم الى سبع مائه الف !!

قل لاهل حافز ادعو بسلامة ثورة تحضرية سعود .
بعد قالو انه دين وبحال الوظيفه ترد لدوله اليوم انكرو الخبر؟؟؟
قالو دوره اربعة اشهر اليوم انكرو سالفة الدوره.

عساهم ينكرون سالفة العمر بعد .

[المنطق]

تخبط في القرارات والأنظمة ..

ينتظرها على احر من الجمر ..

المواطن العاطل عن العمل..

كان الله في عونه ..

[الـــفـــ@ــــد]

نقدر نسميه قافز الحواجز بسرعة التنفيذ واستفادة المواطن المتسول

[تركـي]

اقتباس:  المشاركة الأصلية كتبت بواسطة أم سلطان     36مليار كانت تبي تروح للشركات المدربه على حد قولهم الله العالم منهي له لكن ربك ستر .. أربعة ملايين مسجل نخلوهم الى سبع مائه الف !! قل لاهل حافز ادعو بسلامة ثورة تحضرية سعود . بعد قالو انه دين وبحال الوظيفه ترد لدوله اليوم انكرو الخبر؟؟؟ قالو دوره اربعة اشهر اليوم انكرو سالفة الدوره. عساهم ينكرون سالفة العمر بعد .

بالفعل ام سلطان ..
سالفة الشركات التدريبية
حاليا لا ذكر لها ..؟؟

يمكن توهقو آنهم آعلنو الصرف قبل ما يدرجون هالشركات في ميزانية البرنامج ..

[تركـي]

اقتباس:  المشاركة الأصلية كتبت بواسطة المنطق     تخبط في القرارات والأنظمة .. ينتظرها على احر من الجمر .. المواطن العاطل عن العمل.. كان الله في عونه ..

هذي نتائجهم اللي يتغنون فيها
بأنهم آستطاعو آن يكملو البرنامج خلال 6 شهور ..

والصحيح آنهم خلال 6 شهور
آستطاعو آن يقلصو وينتفون آجنحة هذا البرنامج ..

[تركـي]

اقتباس:  المشاركة الأصلية كتبت بواسطة الـــفـــ@ــــد     نقدر نسميه قافز الحواجز بسرعة التنفيذ واستفادة المواطن المتسول

ابومحمد ..

هم آستطاعو بفترة وجيزة
آن يدعمو البرنامج بالمسببات اللتي تحرم المواطن والمواطنة من هذه المكرمة
اللتي آصبحت بنظرهم آعانة
مثل الضمان الآجتماعي .. وغيرها ..

[ع ـروووبة]

-

اقتباس: 36 مليار ريال

اي دوله راح تتحمل هـ المبلغ بشكل شهري .. !

صعبه انه 36 مليار توزع على مواطنين الدوله
وسهله جداً انه تحول لحساب وآحد .. !

انا مستغربه الدول اللي يصرفون رواتب لكل مواطنيهم
ليش ما اثرت على مزانيتهم بــ قد ما صارت هـ الشوشره تجاه حافز
والمقصود فيه فئه وحده وعلى كلامهم تُشكل نسبه ضئيله من المجتمع

هــ العدد الكبير يعني ان شبابنا كانوا فعلاً بحاجه
وين القطاعات عنهم موب معقول ما فيه وظايف .. !

ما نقول الا سبحان الله ... !
زمن تناقض اسهل شي تطلع الكلمة بدون ما يفكرون وشي ,,

[مهندس الكلمات]

حافز هذا بيصير فيه تلاعب
أصبروا لمين يبدأ
وراح تشوفون عجايز تعدن الستين ويمشي لهن راتب من حافز
وبتشوفون بنفس الوقت شباب في ريعان شبابهم ولهم سنوات عاطلين بيطلعون من حافز بلافول ولا حمص !!!

[تركـي]

اقتباس:  المشاركة الأصلية كتبت بواسطة roobah‏Э     - اي دوله راح تتحمل هـ المبلغ بشكل شهري .. ! صعبه انه 36 مليار توزع على مواطنين الدوله وسهله جداً انه تحول لحساب وآحد .. ! انا مستغربه الدول اللي يصرفون رواتب لكل مواطنيهم ليش ما اثرت على مزانيتهم بــ قد ما صارت هـ الشوشره تجاه حافز والمقصود فيه فئه وحده وعلى كلامهم تُشكل نسبه ضئيله من المجتمع هــ العدد الكبير يعني ان شبابنا كانوا فعلاً بحاجه وين القطاعات عنهم موب معقول ما فيه وظايف .. ! ما نقول الا سبحان الله ... ! زمن تناقض اسهل شي تطلع الكلمة بدون ما يفكرون وشي ,,

الــ 36 مليار
شكل الرقم طلع منه بالغصب ويحاول يرقع ..

الدولة بأمكانها توفير المبلغ
وحتى ضعف المبلغ
من الموآرد اللتي تنتجها الدولة ..

لكن هناك من يريد آن يحظى بالكعكة
أو يكون شريك ..

ولا بد من مكافحة الفساد الآداري
المتفشي ببعض الوزارات بالرقابة الصارمة
حتى يكون هناك علم بكل الميزانيات والمشاريع والمناقصات
اللتي تذهب بأضعاف المبالغ المترسية عليها ..

[رفيــع الشــان]

تعودنا كثير من المسؤولين يصرحون تصاريح مغلوطة
المشكلة اذا صرح اكثر من مسؤول في جهة وحده او لجنة واحدة وتصاريحهم تختلف عن بعض

بخصوص ان المبلغ كبير والدولة ما تقدر تغطية
الحمد لله الميزانية ها النسة تعتبر اكبر ميزانية على مستوى السعودية
بنسبة زيادة مرتفعة
وفيه فائض 185.3 مليار يال
ودعم الشباب من اولويات الدولة

[الفتى السمنسي]

اقتباس:  المشاركة الأصلية كتبت بواسطة تركـي     تحرم المواطن والمواطنة من هذه المكرمة ..

تدري وش معنى (مكرمه) ؟؟ يافرحة العدوين فينا ياسي السيد .
ياحظ وزير العمل وباقي بشكته فينا وهذا تفكيرنا. أجل مكرمه!!!!

[تركـي]

اقتباس:  المشاركة الأصلية كتبت بواسطة مهندس الكلمات     حافز هذا بيصير فيه تلاعب أصبروا لمين يبدأ وراح تشوفون عجايز تعدن الستين ويمشي لهن راتب من حافز وبتشوفون بنفس الوقت شباب في ريعان شبابهم ولهم سنوات عاطلين بيطلعون من حافز بلافول ولا حمص !!!

اذا الدعوى بتسير على خططهم
ليش لا ..
مو بعيده يصير مناخ شهري لهم ..

[تركـي]

اقتباس:  المشاركة الأصلية كتبت بواسطة رفيــع الشــان     تعودنا كثير من المسؤولين يصرحون تصاريح مغلوطة المشكلة اذا صرح اكثر من مسؤول في جهة وحده او لجنة واحدة وتصاريحهم تختلف عن بعض بخصوص ان المبلغ كبير والدولة ما تقدر تغطية الحمد لله الميزانية ها النسة تعتبر اكبر ميزانية على مستوى السعودية بنسبة زيادة مرتفعة وفيه فائض 185.3 مليار يال ودعم الشباب من اولويات الدولة

الله ينفع بها الميزانية الخير للمواطنين ..

ولا تستعجل ما بعد نزلت الميزانية
يمكن يتغير هذا الرقم ..

[تركـي]

اقتباس:  المشاركة الأصلية كتبت بواسطة الفتى السمنسي     تدري وش معنى (مكرمه) ؟؟ يافرحة العدوين فينا ياسي السيد . ياحظ وزير العمل وباقي بشكته فينا وهذا تفكيرنا. أجل مكرمه!!!!

مو عشانك عاطل حسب كلامك بردودك ومواضيعك
يمكن كلمة مكرمة .. ماتبرمجت لسآآ عندك ..

المكرمات اللتي آمرفيها خادم الحرمين ابومتعب
ومن ضمنها راتب شهرين وتثبيت الموظفين على البند و تعديل الحد الآدنى للرواتب
لكل مواطن ومواطنه بحيث يكون آقل شيء 3000 ريال
وصرف 2000 ريال للباحثين عن العمل وغيرها
اللتي صدرت كلها بيوم واحد بأمر الملك ..
وش نسميها ... ؟؟

الآ اذا لها مسمى ثاني
منكم نستفيد ....