**دمعة البوح**

[غفوة الذيب]

(( دمعة البـــوح ))

إلى من سكن قلبي ووجدااااني .....



للضي للإحساس الوفا لدمعة البوح
للشوق و آخر ما ارتبك فيه ( كفي ) !


للشرهة اللي حسّها صاح مفضوح
للحزن وآخر ما أشتعل فيه نزفي ..!

مدري غدينا أغراب ما تضمنا روح
مدري ولكن ضقت من فقد ( نصفي ) ؟!

مجروح من فعلتك مجروح مجروح
مجروح حتى الحبر من ضيق " حرفي " !

حاولت أعديّها وحاولت أنا أروح
من غير لا أخفف من هموم كتفي ؟!

ما كانت النيّة أزوّد بك / جروح
تعبان أدري ! بس أنا ذقت ( حتفي )

والغيبة اللي شفتها تخفي فروح
خلتني اشعر كيف الأشواق تنفي ؟!

خلتني أشوف الجفا يبني صروح
ويحيل كل اللي بقى لركن " مجفي "

ماعاد باقي قلب للوصل / مفتوح
وما عاد باقي ود يحتاج عطفي ؟!

والحزن و إحساس الجفا و دمعة البوح
والضيق و آخر ما همى فوق كفي ..!

ما كانت إلا صدق ٍ يهادي / الروح
" وماكنت أنا نصفك ولا كنت نصفي ! "
...............................
مما راق لي ......

وتقبلوا تحياتي :غفوة الذيب