يا سميـــــــــــنة

[محمد عبده]

ياسميــــــــــــــــــــــــــــــــــــنة

شفتهم جامعين الورد كله
في يدينك
(يا سمينة...ياسمينه)
وما عرفت اختاروردة فل ... وإلا ياسمينة...؟!
قلت من ذيك البنية ...
ناظرتني ... وضحكت
قالت أنا "ياسمينة"
قلت واللي في يدينك ...؟!
قالت اللي في يديني
ورد نرجس مع بنفسج وهذي "وردة ياسمينة"
وكانت الليلة براااد
واجتمعنا
وحقق الله حلمنا اللي كلنا البارح سوى
يوم نمنا حالمينه
والهوى أسرار
وسرنا بقلوبنا يحيا ويموت
وباقي ما انتشر
حافرينه في خفايا قلوبنا
وفي خفاياها بعد حافرين و دافنينه
وحلفنا اللي قد تعاهدنا عليه
ناقشينه حرف حرف وفوق هذا حافظينه
والسماء حاضن قمر
والهوى حاضن عمر
والثرى حاضن مدينة
وموج ... موج
والهواء هب ... وكلنا قمنا نتمايل
والبحر تلعب على حضنة سفينة
وانا لعيونك بحر ... وأنتي لعيوني سفينة
والعبي ...
لا يردك شي
وانتي بعيوني " ذهب " ...
والذهب " زينة وخزينة "
يا حزينة
ما بقى بالعمر ما نحزن عليه
باقي ايام ... او شهور ... او سنين ...
الله اعلم
خلي نحياها فرح
ونسكن في زواياها غرام
و وش يكون يكون
وكل راس مايدله غير عينه
وانا لعيونك غدير
وانتي بحضني غصن ... فيه وردة ياسمينة
آه ...
يا فديتك
وين ابلقى مثل خصرك ...؟!
هو مثل خصرك خصر ...؟!
ان مشيتي قلت انا لا ينهصر
وان جلستي قلت انا لا ينكسر
وفيك خد ... وفيك قد ...
وفيك للعشاق ود
وعد وإلا لاتعد
لا طويلة
لا قصيرة
لا نحيفة
لا سمينة
بس وردة ياسمينة
كل شيٍ فيك يصرخ
" انا أُنثى "
"أنا أُنثى "
" أنا أُنثى ومن هويته صرت خاتم في يمينه ...
يااااااااااااه ... ومن تولع في هواي الله يعينه "
شوفي اللوحة بعيني
بنية ... يغازلها ولد
والبنية تحتها وردة ربيع وراوية
والولد تحته صحاري ... ظامية
والبنية كن ضحكتها سحاب
والولد يبكي قهر ... و فوق هذا حاسدينة
والعيون تموت في حضن العيون
واحلى انواع الهوى " عشق الجنون "
وانا مجنونك
وافخر انواع المشاعر " عشق شاعر "
وانا شاعر
يوم يتغزل تذوب له البنية
ويعرف انواع الهوى
ويعرف انواع الغرام
ويعرف انواع البنات
بالهوى افنى سنينه
والمشاعر بالهوى طهر ... ونقى
والوعد يموت ما شاف اللقاء
والمعاني سامية
يا سامية
يا ... ياسمينة ...!!
والهوى مهما تخبى ... صايدينه لجل عينك صايدينه
ولوحتك اجمل كثير من ملامح لوحتي
فيها شمس ...
وفيها ليلٍ ما ينام
والقمر فيها بعد ... فوق صدرك راسمينه
يا غنج
يا دلع
يا ولع
يا دلال
يا نعومة
يا ميوعة
يا تغلي
يا حبيبة
يا لبيبة
يا طبيبة
يا بعد كل البنات
يا بعد عمري انا
يا شموس
ياضنينٍ مات في ضمة ضنينه
ردي لجفني ولو ساعة منام
وش تبين بموتتي ...؟!
ما خبرتك قاسية
وانتي تاجي فوق راسي
وكل ناسي
بذمتك ماهيب شينة ...؟!
إلا والله ...حيل شينة

حروف العز

[ملكه بعز الخوالد]

بوح راقي جدا
وكلمات تخطت الصمت
ونطقت لنا بمعانيها
أحاسيس أزهرتوتفتحت
وفاح عطرها فغفينا على
نسماتها ورشفنا وارتوينا
هنيئا لنا في هذاالقلم
النابض بالحيويه والعطاء المميز
لك مني كل الشكر والتقديروالاحترام
على هذا البوح الراقي
دمت بحفظ الرحمن

[محمد عبده]

اقتباس:  المشاركة الأصلية كتبت بواسطة ملكه بعز الخوالد     بوح راقي جدا وكلمات تخطت الصمت ونطقت لنا بمعانيها أحاسيس أزهرتوتفتحت وفاح عطرها فغفينا على نسماتها ورشفنا وارتوينا هنيئا لنا في هذاالقلم النابض بالحيويه والعطاء المميز لك مني كل الشكر والتقديروالاحترام على هذا البوح الراقي دمت بحفظ الرحمن

اشكرلك مرورك الانيق واطراءك الشيك . كشياكة حضورك , واسف على التاخير باالرد لابتعادي عن النت .

عموما اضفتي لموضوعي الق حضورك المايز . كوني بالقرب دوما . لك الشكر والتقدير