الجــــــــــوال !!

[عاشق ديرتي بريده]

الجوال

هو النعمه والنقمه بنفس الوقت

هو من يخدمك ويريح بالك وانت جالس

هو الوباء الذي يجبرك على ان ترد على من لاتريده ان يجدك او اصحاب المصالح

هل اتى الوقت لكي اضع جوال خاص لعائلتي فقط وجوال ثاني لباقي البشر !

ماجعلني اكتب عن الجوال هو زعل بعض الناس حينما لاتقوم بالرد على مكلاماتهم

حتى خدمة موجود اللي اراحتني قليلاً لكن لم تدم طويل حتى اكتشف الناس التفرقه بين الاغلاق والتحويل !

سؤالي هل انا مجبر على ان ارد على كل اتصال ؟

وهل يحق لمن اتصل ولم اقم بالرد عليه أن يزعل !!!

بصراحه كرهت رنة الجوال بسبب اللي يتهددون على الزعل

[التنين الصيني]

المشكلة ان حطيت جوالين قالوا راعي بنات ....!

[To Be]

خل عنك الخربطه وخلك على جوال واحد

قال إيه قال: حان الوقت اطلع جوال ثاني



وبعدين اصنع لك سياسة مع الجوال وافرضها علي من يحتفظون برقمك وأخبرهم في كل مره يتذمرون من عدم ردك

بالسياسة المعتمده من قبلكم


وسيعتادون على ذلك مستقبلا


تحيتي لك عاشق

[تَـرفْ ♪]

إذا ماتبي ترد على أحد
أول ماتدخل بيتك قفله

ولامن حس ولا من زعل

شف , اللي راعي مكالمات وكل يوم والثاني داق عليك
لاترد عليه دايم , وقله مشغول , إذا بغيت شيء ارسل رسالة

أما اللي قليل يدقون , ف حرام لاتسفهم , رد عليهم

عاد تراها شينة اللي مايرد ع المكالمات

[عاشق ديرتي بريده]

اقتباس:  المشاركة الأصلية كتبت بواسطة التنين الصيني     المشكلة ان حطيت جوالين قالوا راعي بنات ....!

قالوا عنا اننا راعين بنات وحنا مانرد على كل اتصل ولامعنى الا جوال واحد

خلهم يقولون اللي يبون

التنين يعني انت مع فكره جوال خاص للعائله ؟

[دِيم]

اقتباس:  المشاركة الأصلية كتبت بواسطة التنين الصيني     المشكلة ان حطيت جوالين قالوا راعي بنات ....!

اقتباس:  المشاركة الأصلية كتبت بواسطة التنين الصيني

واللي تحط ثلاث جوالات .. ؟ هه


**

أخوي عاشق .. :
أحذرك من المجاملة في العلاقات الإجتماعية ,,
أهم ماعليك أهلك المقربين . . وأصدقائك القويين ..

+
في حل حلو لهالمشكلة ..
إنك تخصص يوم بالأسبوع تتصل فيه على اللي يتشره ..
أو لا تنساهم من المسجات .. تصبيحة على الطاير .. أو قبل تنام قل لهم إنك دعيت لهم مثلاً ...


القطاعة مرة وحدة شينة ..

وأبعد الله عنكم خدمة موجود ذلك البعبع .. الشرير

[زين نجد]

نفس المعاناة..
الناس ما تفهم إن الجوال شحصي
المشكلة إنه بقدر ما يخدمك إلا أنه يحرجك

تقديري لك عاشق،،،

[عاشق ديرتي بريده]

اقتباس:  المشاركة الأصلية كتبت بواسطة To Be     خل عنك الخربطه وخلك على جوال واحد قال إيه قال: حان الوقت اطلع جوال ثاني وبعدين اصنع لك سياسة مع الجوال وافرضها علي من يحتفظون برقمك وأخبرهم في كل مره يتذمرون من عدم ردك بالسياسة المعتمده من قبلكم وسيعتادون على ذلك مستقبلا تحيتي لك عاشق

يعني انت ضد الجوالين

توبي لي سياسه وسياسه قوه واللي يعرفوني يزملون قبل يكلموني

لاني ماحب احد يقولي وشلونك عساك طيب وعلى طول اقول وش تبي اخلص

ومع ذلك يتشرهون علي لاني بعض الاوقات والله لو يدخن الجوال من كثر الرن مارد اذا مسكت غلط

[عاشق ديرتي بريده]

اقتباس:  المشاركة الأصلية كتبت بواسطة تَـرفْ ♪     إذا ماتبي ترد على أحد أول ماتدخل بيتك قفله ولامن حس ولا من زعل شف , اللي راعي مكالمات وكل يوم والثاني داق عليك لاترد عليه دايم , وقله مشغول , إذا بغيت شيء ارسل رسالة أما اللي قليل يدقون , ف حرام لاتسفهم , رد عليهم عاد تراها شينة اللي مايرد ع المكالمات

قاعدة سكر الجوال اذا دخلت البيت هذي مطبقه من عهد قارون <<< عاد متى عهده مادري والله

وفيه ناس غصبن عني ارد عليهم لان لهم مكانه لكن مالي خلق ارد على كل من هب ودب الا اذا كنت رايق

وياكثر اللي ماريدت عليهم ومادري عن بعضهم هم زعلين والا لا

[عاشق ديرتي بريده]

اقتباس:  المشاركة الأصلية كتبت بواسطة دِيم     واللي تحط ثلاث جوالات .. ؟ هه ** أخوي عاشق .. : أحذرك من المجاملة في العلاقات الإجتماعية ,, أهم ماعليك أهلك المقربين . . وأصدقائك القويين .. + في حل حلو لهالمشكلة .. إنك تخصص يوم بالأسبوع تتصل فيه على اللي يتشره .. أو لا تنساهم من المسجات .. تصبيحة على الطاير .. أو قبل تنام قل لهم إنك دعيت لهم مثلاً ... القطاعة مرة وحدة شينة .. وأبعد الله عنكم خدمة موجود ذلك البعبع .. الشرير

وين ياديم الحين مالي خلق ارد وتبيني اتصل

ام القلنقس ساكنه بي دايم وماتطلع علشان احاول اتصل على احد

[قلب الأسد]

الحين انت وراه ماترد طيب اذا اتصل احد ؟؟

تصدق انك تبلش احيانا مالك خلق واذا مارديت زعلوا

بس احسن حل اذا صرت مالك خلق تسكر الجوال ..

يعني اذا مارديت علي ادري ان مالك خلق هههه

[عاشق ديرتي بريده]

اقتباس:  المشاركة الأصلية كتبت بواسطة زين نجد     نفس المعاناة.. الناس ما تفهم إن الجوال شحصي المشكلة إنه بقدر ما يخدمك إلا أنه يحرجك تقديري لك عاشق،،،

اثرك نفس معاناتي

تعال اقعد بجنبي ورد على الاعضاء لانك تعرف معاناتي تراي مليت

حياك الله

[عاشق ديرتي بريده]

اقتباس:  المشاركة الأصلية كتبت بواسطة قلب الأسد     الحين انت وراه ماترد طيب اذا اتصل احد ؟؟ تصدق انك تبلش احيانا مالك خلق واذا مارديت زعلوا بس احسن حل اذا صرت مالك خلق تسكر الجوال .. يعني اذا مارديت علي ادري ان مالك خلق هههه

عاد انت اكثر واحد بالعالم فاهمني ويعرف مزاجي

المفروض ماتسألني ليش ماترد

ياخي به ناس تكسل انك ترد عليهم يحومون السبد خخخخخخخخخخخخخ

[قلب الأسد]

اقتباس:  المشاركة الأصلية كتبت بواسطة عاشق ديرتي بريده     عاد انت اكثر واحد بالعالم فاهمني ويعرف مزاجي المفروض ماتسألني ليش ماترد ياخي به ناس تكسل انك ترد عليهم يحومون السبد خخخخخخخخخخخخخ

هههههههههه ايوالله فاهمك بس اسالك

اخاف من هالمزاج الحين بعد يقلب علي هههه

ياكثرهم اللي يحومون التسبد خخخ

[>ريانه<]

عساي برد عليهم وانا مالي خلق

اللي يتهدد خله يتهدد يافرق عين جدي

حتى بالجوال فيه قيل وقال

اهم ماعلي راحتي <<نذله

لكن ياعاشق لاصرت مشغول او جيتك ام العبيد او فيك نوم اقفله وريح نفسك

تحياتي