أيهم أفصل نيتروجينا او كلين اند كلير .؟

[ما يهزني مخلوق]

السلام عليكم أخواتي .. أبدخل دغري 3 الموضوع


أنا قبل سبوعين تقريبا شلت وجهي بحلاوه طلع بي حبوووب والحين راحن حبوب وطلع لهن اثار


واستعملت خلطه ... وطلع لي حبوووب مره مره بلحيتي صغيررره جدا وطبعا تركته او ماطلعن لي . مدة استعملي لهن سبوع تقريبا والحين تاركته لي خمس ايام


ومدح لي كلين اند كلير وبرضوا نيتروجينا


ومن ظمن تصفحي بالنت لقيت بنات كثير يسبنه وفيه احد يمدحه


فـ ماابغى منكن غير انكن تقولن لي بكل أمانه ايهم احسن كلين اند كلير او نيتروجينا


أو أي وحده عنده غسول يبعد الاثار السوداء تقولي





’’ لا عدمنا إخلاصكن أخواتي ’’

[(*§ حـــــور §*)]

اهلا بك مايهزني مخلوق

ليش تشيلين وجهك بحلاوة ؟!

الحلاوة حااارة على بشرة الوجه

كاان سويتي فتله بس قبل ماتسويها لك
خليها تحط بوجهك بودرة جنسون
ثم اذا وجدتي شعرة كثيفة شيليها بالمنقاش
بعدين اذا رجعتي للبيت حطي على وجهك مرة وعسل
وبعد نصف ساعة اغسليها بصابونة دووف
وبالنسبة للكريمات اللي قلتي
مااعرف عنهن شي
اتمنى حدى العضوات يفيدنك

تحية

[دلال الحربي]

كل الأثنين حلوين بس الأفضل نيتروجينا وبعده كلير اند كلين

لكن اذا انتي تقصدين تشيلين اثار الحبوب فأستخدمي مقشر طبي لحد مايروح الاثر

اسئلي دكتور جلديه او اسئلي الصيدلي وانا ارشح لك مقشر حلو جدا اسمه رتن اي Retin a
قبل النوم يوضع المقشر- رتن اي - على الوجه ويترك

وفي الصباح يغسل الوجه بغسول مناسب للبشره اي غسول ترتاحين له ويفضل غسول من (نيتروجينا)

ويجب عدم التعرض لاشعة الشمس وان كنتي مضطره استعملي قبل الخروج كريم واقي من الشمس

[عناية بالبشرة]

الحبوب بعد الشيل بالحلاوه او الفتله بالوجه سببها التلوث ..
بشرة الوجه حساسه جدا فلما تشيل العامله وجهك ايديها وسخه وتلمس
في وجهك وهو مشيول وحساس ..فمباشرة يتلوث
ويتحسس ويحبب .. فالافضل لما تروحي لمشغل لشيل وجهك او تنظيفه
خوذي معك قفاز عطيه العامله تلبسه وهي تشتغل
بوجهك مهما كان... ايضا ادوات التنظيف خوذي معك لاتستخدمي
حقهم واسفنجهم الملوث جدا بكل افرازات بشرات الناس.


ولا اويدك اختي بشيل شعر وجهك .. يسبب ترهل مستقبلا
ومظهر غير جميل ويكون فيه لمعه مثل وجه العجوز .



كل التوفيق لك



/

[ما يهزني مخلوق]

حور

همه نحو القمه

تحدوها البشر

يعطيكن الف عافيه على الردود ’’ لا عدمنا إخلاصكن أخواتي ’’

3 القــوهـ