للجـاديـن لغيـر السعووديين فقـط

[خــارج السيطرهـ]

اتكلم طبعاَ عن قناعة تامة

للتنازل عن الجنسية السعودية حقتي الي ماحصلت وراها الا فقر وهم وعدم احترام الكل
لاحد يجين ويقول ماكبر اكتافك غير هالبلد الي كبر اكتافي خير ابوي الله يطول بعمره

لاوظايف لاسكن للمواطنين وووووالخ ...........!

واذا احد بيرد علي قبل كل شي يسأل نفسهُ وش اضافت لك جنسيتك غير ارفع راسك انت سعودي ؟

ولا قبل انسى ابشركم اني مو محسوب من التعداد السكاني يعني مافرقت معهم انحسبت او لا الوكاد كنت نايم حزتها يوم يحسبون


قبل لااانسى شرطي الوحيد اني اتنازل عن الجنسية مقابل خمسين ريال ع الاقل تنفع لي اعبي بنزين لارحت لقطر او الامارات او الكويت
وسلام

[أمير الشباب]

انا اشتري منك البطاقة الشخصية وجميع الاثباتات الشخصية ولكن بصراحة انت طالب 50 ريال وهذا شيء كثير .

شو رائك بـ 5 ريالات فقط . لانك انت أخذتها بدون مقابل مع العلم انك لست مؤهل لها .

[التنين الصيني]

عاطل .... !

معقولة .... !

طيب .... ما دام انك بـ راس تنورة .... قطر قريبة منك ....

اهم شي خذ لك كم دورة " حاسب , انجليزي " .... وتوكل على الله ....

[نــف نــف]

سعوديه ولآ تونسيـه يَ آبن آلحلآل

[جُ ـمُوْحُ ~||]

صدق مو كفـــو.. احد يرفس النعمه بيديــه !!!

السعوديه لاتقارن بغيرهـــــا .. كله من خير ابوك
اوكي هل كانت تذهب الى المستشفيات الخاصه ع حساب ابوكـ
هل كانت تذهب الى المدراسه خاصه !! وغير وغيره

لاتلوم المجتمع في سبب فشلك
اتاحت لك العلم والتعلم لكن انت من لم يحسن
التصرف والادارك الامور لماذا لم تكمل تعليمك
وتاخذ الماجستر والدكتوره ..
هل كانت نسبته الثانويه ضعيفه !!
اذا انت السبب في الفشل ليس المجتمع ..
تريد تروح روح الابواب مفتوحه لكن مصير يوم ترجع
مهم نعمة بالمال هناك ينقصك الوطن ..

الطريق لك مفتوح اللقــــاء ..

انتهـــى .."

[نجداوي]

الجنسيه مالها اي دور بالوضع لان القآئمين على الدوله مصرحُين بالمصروفات والمداولات وب الارقام

لماذا لاتلوم الموظفين ووالوزااراء وطريقه التخطيط العشوائيه
المتبعه بجميع الوزارات والجهات الحكوميه وعدم انتاجيه الموظف الفرد


لماذا لاتلوم الجهات التنفيذيه ب صد هجمات السرقات من الممتلكات العامه وغيرها وغيرها

وبخصوص قطر والدول المذكوره

انظر ل اليٌة عمل الجهات الحكوميه ومن قآئم عليها

واناظر الى الصادر والواارد وضع ميزان المقارنه بين عدد السكان

امور كثيرة ومتعدده سبب بنسبه فشل ليست بالبسيطيه ل رفاهيه المواطن

شكرآ لك اخ خآرج

[هلاوين]

لاتظن الجنسية مليء للبطون وجمع الفلوس فقط


يكفيك من الجنسية الأمن وجمع الشمل الذي فقده غيرررررررك


ممكن اعطيك مليون ريال بشرط ارسلك للصومال او العراق او فغانستان تسكن فيه


شكرا لك

[امـــ نفسي ـــير]

عندي بنقالي يقول يبادلن واعطيه بقرتي اللي في بنقلادش
وش رايك ؟
تروح تعيش هناك ويصيرهو كفيلك ويعطيك راتب ست ميه وخمسين ريال بس الدوام حقه يقول عشر ساعات
على فكره تراه شغلته مرتبه ماغير يكنس في هالشوارع في عز البرد ؟

[رمز الحياة]

البلا من المسؤولين اللي يلهفون ويصادرون ابسط حقوق المواطنين
والا بلدنا كل واحد يتمنى ينتسب له

[ام الزعيم]

واسفاه على هذا التفكير من لايوجد له وطن يبحث عن وطن

اتريد ان تعيش بجنسية البدون فى دول الخليج وما يعانونه البدون

فذرة من تراب وطنك تعادل الدنيا وما فيها

[●● غندوره ●●]

لو كنت تتكلم عن جنسية اخرى غير السعودية
تدرس و تتعالج على حسابك.او.من المستحيل ان تحصل على بعثة دراسية حكومية.او.الجميع يحسدك على بلدك.او.عندا زيارتك لاي دولة اخرى تفرض احترامك اجباري بجنسيتك.او.او.او.........الخ



ولكنك تتحدث عن الجنسية السعودية ..
يبدو ان موضوعك فقط للفة الانتباه ولو ناتي الى الحققية حتى لو اعطوك ملايين الدولارات لان تتنازل عنها

[خــارج السيطرهـ]

اقتباس:  المشاركة الأصلية كتبت بواسطة أمير الشباب     انا اشتري منك البطاقة الشخصية وجميع الاثباتات الشخصية ولكن بصراحة انت طالب 50 ريال وهذا شيء كثير . شو رائك بـ 5 ريالات فقط . لانك انت أخذتها بدون مقابل مع العلم انك لست مؤهل لها .

لا وش دعوه خمس ريال ترا محافظ عليها بقوه يعني جنسيتي معها بدل سمعه طيبه وكل شي لاتسترخص الخمسين ع الاقل قدر التعب

[خــارج السيطرهـ]

اقتباس:  المشاركة الأصلية كتبت بواسطة التنين الصيني     عاطل .... ! معقولة .... ! طيب .... ما دام انك بـ راس تنورة .... قطر قريبة منك .... اهم شي خذ لك كم دورة " حاسب , انجليزي " .... وتوكل على الله ....

ههههههههه تصدق ضحكت
قطر بيني وبينه 300 كيلو
شهادات واخذت ودورات واخذت وخبرات واخذت لو اني اشتغلت بالمجان بس عشان اطلع خبره والنهاية ؟ يفتح الله
ع فكره تصدق اني درست انجليزي وصرت بلبل بس نسيته الحين مدري

[خــارج السيطرهـ]

اقتباس:  المشاركة الأصلية كتبت بواسطة نــف نــف     سعوديه ولآ تونسيـه يَ آبن آلحلآل

اتوقع الثانية افضل عقب الي صار

اقتباس:  المشاركة الأصلية كتبت بواسطة جُ ـمُوْحُ ~||     صدق مو كفـــو.. احد يرفس النعمه بيديــه !!! السعوديه لاتقارن بغيرهـــــا .. كله من خير ابوك اوكي هل كانت تذهب الى المستشفيات الخاصه ع حساب ابوكـ هل كانت تذهب الى المدراسه خاصه !! وغير وغيره لاتلوم المجتمع في سبب فشلك اتاحت لك العلم والتعلم لكن انت من لم يحسن التصرف والادارك الامور لماذا لم تكمل تعليمك وتاخذ الماجستر والدكتوره .. هل كانت نسبته الثانويه ضعيفه !! اذا انت السبب في الفشل ليس المجتمع .. تريد تروح روح الابواب مفتوحه لكن مصير يوم ترجع مهم نعمة بالمال هناك ينقصك الوطن .. الطريق لك مفتوح اللقــــاء .. انتهـــى .."

النعمة الي اعرفة هي الي ناكله بس ماعلينا
وش دخل فشلي الحين بعد ماجبت لهم احسن شهادات ودورات وخبرات صار فشل اييه ماعليه نقول انوه فشل
اذا بتكملين عن الماجستير والدكتوراة لاتقصررين ترا لتس اجر اشوى انتس ماقلتي الطريق الى كابُــل من هنـا

[خــارج السيطرهـ]

اقتباس:  المشاركة الأصلية كتبت بواسطة نجداوي     الجنسيه مالها اي دور بالوضع لان القآئمين على الدوله مصرحُين بالمصروفات والمداولات وب الارقام لماذا لاتلوم الموظفين ووالوزااراء وطريقه التخطيط العشوائيه المتبعه بجميع الوزارات والجهات الحكوميه وعدم انتاجيه الموظف الفرد لماذا لاتلوم الجهات التنفيذيه ب صد هجمات السرقات من الممتلكات العامه وغيرها وغيرها وبخصوص قطر والدول المذكوره انظر ل اليٌة عمل الجهات الحكوميه ومن قآئم عليها واناظر الى الصادر والواارد وضع ميزان المقارنه بين عدد السكان امور كثيرة ومتعدده سبب بنسبه فشل ليست بالبسيطيه ل رفاهيه المواطن شكرآ لك اخ خآرج

اهلا نجداوي
دايم اسمع بالمجالس والمساجد البطانه الصالحة ولاادري منهم
بس بهالوقت عرفت ان البطانه الربع الي يقولون سم طال عمرك واذا ترك لهم الحبل بالغربال قال للثاني شد لي واقطع لك !!!!

الي يحزنك اكثر ان قطر والامارات والكويت اننا حنا من سبقناهم بهالشي بالاليات وغيره
لاتقارن لي التعداد السكاني الخاص فينا بدول الخليج والله لو سكان السعوديه 50 برضة بنصير احسن ناس عايشين برفاهية وخير ونعمة انت بس احسب المبالغ الي تروح من هنا وهناك عموما انا حبيت اوضح لك لستُ الوحيد الي تعتقدون اني الوحيد عندي بس خوياي عددهم 12 مابين دبلومات تمريض وبكالوريوس من كليات معلمين الى معاهد وبلاش نعد ونحصي بغيري