اختار عضو واطلبه أجمل قصيدة

[البارق]

تحية طيبة للجميع ... وبعد

حبيت اليوم اطرح عليكم فكرهـ أعجبتني

وهي ليست من بنات أفكاري ولكن من إختياري

والبركة في راعي الأوله قوقل

وأتمنى انها تنال على إعجاب الجميع
وتكون فكرة حلوة وجديدة

وهدفي من الفكرة تنشيط القسم أكثـر وأكثـر..**

وجلب الأعضاء الذين يغردون خاج النوافذ الأدبية

المهم الفكره هي اني اختار عضو ويقوم
بوضع قصيدتـه المفضلـة

وبعد ذلك العضو اللي انا اخترته يختار عضو ثاني
وهكذا تستمر الفكرهـ بتواجدكم وتفاعلكم

على فكرة العضو عنده ثلاثة أيام ولو تأخر يتغير

وهذه لكم مني

لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو نبض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احبك .. وماقدر انسـى واخليـك
((يعني بدونك ويش تسـوا حياتـي؟))

واختار العضو اللي بعدي هو :

حبيبنا عادل الحبيتر