** طـبـخـتـي .. الـديــك الــرومــي **

[عادل الحبيتر]

السلام عليكم

طبختي لديك الرومي .. هذي الطبخه اللي أنا سابقت فيها بمسابقة المنتدى ..

طبعا أنا بحياتي كله ما قد ذقت الديك رومي الا مرتين بس .. وأيش اللي خلاني افكر أطبخ ديك رومي ..
اللي خلاني هو أني قبل خمس سنوات كنت مسافر أزور بعض أصدقائي المبتعثين اللي يدرسون برا . وعزموني على ديك رومي . ويوم جابوا العشاء . وأثاري فوق الرز مثل الدجاجه لكن حجمها كبير .. ويوم قلت أيش هذا .. قالوا لي هذا ديك رومي .. ويوم ذقته . وأثاري طعمه حلو .. لأنهم يعرفون يطبخونها .. وبنفس الوقت ضبطوا طبختها ..!

وهذا هو اللي خلاني أفكر أني أطبخ ديك رومي بمسابقة المنتدى ..
رحت أنا لهايبر علشان أشتري ديك رومي . قالوا لي ما عندنا . وبلشت مدري وين أحصل الديك رومي .. ومع مرور الأيام كنت رايح لمشوار للرياض . وانا راجع لبريده . قلت أبشوف يمكن الاقي بالرياض .. والحمد لله لقيت ديك رومي بأحد الأسواق .. لكن ديك رومي ( مستورد ) . ويوم شفته حجمه واثاري حجمه خمس كيلو ههه . قلت وشلون أشيله هذا .. عاد توكلت على الله وأشتريته .. وطبخته . مع أني أول مره أطبخ ديك رومي ...

ملاحظه \ تراه الديك رومي البلدي أفضل من الديك رومي اللي يجيك مستورد .. لأنه غالبا يكون فيه مواد حافظه ..! علشان كذا أقول الديك رومي البلدي أفضل بكثير

اللي وده يطبخ لا يطبخ الا ديك رومي بلدي .. او لا يطبخ ..!

أنا بعدها جهزت أغراض الطبخ .. ثم فكرت وقلت وشلون أحط الديك رومي بالفرن .. واخيرا لقيت الحل ..!

لقيت هذا أحط بوسطه الديك رومي ..!

طبعا دهنت الغطاء بزيت . علشان مايلصق بالغطاء . وحطيت قصدير فوق الديك وغطيته بالغطاء ..!


جبت بصل وقطعته . وقطعت طماط وقطعت ثوم وحطيت بهارات وليمون أسود مطحون وفلفل اسود وفلفل بارد . وحطيت صلصه . وطحنتهم . ثم حشيتهم جوا وبرا الديك .. وعلى فكره يوم احطه بالفرن . خليته جوا الفرن لمدة 3 ساعات .. لمين أستوا

وهذي هي بعض المقادير

واليكم النتيجه بعدما خلصت طبختي ..!

[الحبيبـــة]

[align=center]ماشاء الله طبخة متعووووب عليه...
والصور مشهية ولذيذة ...
ماقصرت على الطبخ والتصويرصرااااااااحة خيااااااااال ...
ننتظر جديدك وابداعاتك...[/align]

[عادل الحبيتر]

اقتباس:  المشاركة الأصلية كتبت بواسطة زهور الكادي     [align=center]ماشاء الله طبخة متعووووب عليه...[/align][align=center] والصور مشهية ولذيذة ... ماقصرت على الطبخ والتصويرصرااااااااحة خيااااااااال ... ننتظر جديدك وابداعاتك...[/align]

الله يعطيك العافيه
ومرورك وطلتك اسعدتني
لك مني كل الشكر والتقدير
تحياتي لك
عادل

[ام تولي]

ماشاء الله يالحباتريعطيك الف عافيه واش فرق الديك الرومي والديك العادي او الدجاجه

[عادل الحبيتر]

اقتباس:  المشاركة الأصلية كتبت بواسطة ام تولي     ماشاء الله يالحباتريعطيك الف عافيه واش فرق الديك الرومي والديك العادي او الدجاجه

الفرق بينهم هو الحجم والطعم يختلف .. عندك مثلا الديك رومي طعمه يختلف عن طعم الدجاج لكن مو اختلاف كثير .. والفرق بينهم ان الديك رومي يطبخ لساعات . عكس الدجاج العادي

تشرفت بمرورك

[زعيـــــمة]

يعطيك الف عافية ...

بس والله ماني متقبله ديك رومي...؟

يمكن عشان شكله وهو حي مو عاجبني عاد كيف طعمة

بس تسلم يدينك

تقبل مروري

[عادل الحبيتر]

اقتباس:  المشاركة الأصلية كتبت بواسطة بسمـ الهلال ـة     يعطيك الف عافية ... بس والله ماني متقبله ديك رومي...؟ يمكن عشان شكله وهو حي مو عاجبني عاد كيف طعمة بس تسلم يدينك تقبل مروري

والله كثير ما يتقبلونه علشان شكله
لكن طعمه زين للي يعرف يطبخه

يمكن علشان ما تعودتوا عليه . علشان كذا ما تتقبليه


تشرفت بمرورك

[تركـي]

عادل ......

ليه ماقلت لي وانا ارسل لك واحد عبر فيديكس هع هع
عاد الديك الرومي عند المصريين نشوفه يطبخ ببيوت المعلمين الكبار بس هههههههههه

ماقصرت والله يعطيك العافية على كل الطبخات اللي اتحفتنا فيها ..

[عادل الحبيتر]

اقتباس:  المشاركة الأصلية كتبت بواسطة تركـي     عادل ...... ليه ماقلت لي وانا ارسل لك واحد عبر فيديكس هع هع عاد الديك الرومي عند المصريين نشوفه يطبخ ببيوت المعلمين الكبار بس هههههههههه ماقصرت والله يعطيك العافية على كل الطبخات اللي اتحفتنا فيها ..

خخ . لكن عارف انك ما راح تقصر . بس هماه صار مشواري لمكم وجي اشتريه ..

تسلم لي . عاد بقى الصياديه تحطها لنا ههه

تشرفت بمرورك

[>ريانه<]

تسلم الايادي

يعطيك الف عافيه

[الخيآلي]

ما شاء الله ابداع ×ابداع
التصوير زاد الطبخه جمال اكثر
تونا نشوف التبوله هه
شغل عدل مدل متعوب عليه
يعطيك العافيه

[سلفـsilverـر]

شغل عدآل


عوافي لك ومبروك فوزك

[اوكسجين بريده]

يَ سسسسسسسلام
الصوره خطيره قوه
بسس ماش الدجاج شكله مغطي عليه
يعطيك العافيه

[ابو ريما الخالدي]

ماشاء الله طبخة متعووووب عليه...
والصور مشهية ولذيذة ...

بس مالك حق وراك ماعزمتني

[فراااااولة]

سفرة أكـــــــثــــر من رااااآااائــــ ع ــــــــــــة

سلمت يدااااااك ياشيف ..عاآادل ... وألف مبرووك الفوز