اين الصف الثاني بنادي الرايد

[القلب المفتوح]

لاعب اجنبي مدفوع عليه مبالغ كبيره الهدف منه صنع اللعب وتسجيل الأهداف يتحول بقدرة قادر الى خانة الضهير الأيسر..
كل ذلك يحدث بنادي الرايد الي اشغلونا بطرحهم ان الرايد يملك فريقين فريق اساسي وفريق رديف لايقل مستواه عن الاساسي وفي اول اختبار عندما اخفق الضهير الأيسر احمد سعد لعب بخانته اللاعب الأجنبي البرازيلي وهو اصلا لاعب نص متقدم ؟؟؟؟؟؟

انكشف المستور
ومن المستحيل ان يصنع الأعلام والطهبله والماده دون فكر فريق يقارع الكبار

وين الرايد وين ............. وين الرايد وين

[شاطئ الراحة]

هلا ..

تصدق بالله أستغرب من نظرتك الرياضية هذي ..
قل لي ليه ..؟!

في الغالب تكون خطة المدرب و تكتيكه قائم على الخصم
و ليس على الفريق ..!
فتغيير مواقع اللاعبين يقاس على إمكانيات لاعبي الخصم ..!

فكون الرائد يلعب تشارلز ظهير ..
هو ظهير بالاسم و لكن بالتشكيلة
هو مهاجم و صانع لعب خفي ..

لا تحسب الظهير ظهير
تغيرت الامور عقبكم سنة 1997م

ارجع لمبارات النصر و شف تحركات غالب لما كان ظهير ..
و تعال هنا ..

نراك على خير ..

[القلب المفتوح]

^^^^^^^^
والدليل ان الرايد فاز اربعه كلهن من صنع البرازيلي الي مادري وش اسمه حتى المعلق ماذكر اسمه ولا مره من قل مايستلم الكوره او يسلمها
يارجال اجانب الرايد كلهم لم ينجح احد .... سلملي ولله على المهندس محمد السراح ال جلب لتعاون اجانب كل واحد افضل من الثاني وبتكلفة ىتعادل ربع اجانب الرايد
انه الفكر ياصاحبي وكفى

[شاطئ الراحة]

^

إذا أنت ما تعرف اسم لاعب الرائد ، فهذا يوضح لي خلفية نقدك وين واصل ..!
تنتقد لاعبين الرائد و لا تعرف اساميهم ..! و الله مسطت العمر ..!

من قال لك أن السراح ما عنده فكر ..!
السراح فكره أد الدونيا .. و الدليل يتعاقل مع الحارس البلوي
و عنده ضائقة مالية ..
و يوم جاه الرائد راح يدوّر الثنيان بطل الاحتياط ..!

حبي ..
خلك معي صريح لو مره بس ..
و لا تكابر ترانا كلنا اعيال بلكونه ..

[ابراهيم المزيني]

الرائد بمن حضر

حتى وان الرائد اجانبه لايرتقون لدرجة الامتياز, الإ انه افضل من نادي التعاون الذي ترى انه استفاد من الاجانب...
والدليل مراكز الناديين في الدوري


بعدين وش فادوكم به اجانبكم ..؟؟

مافيه الا واحد يلعب مباراة كاملة

[القلب المفتوح]

اقتباس:  المشاركة الأصلية كتبت بواسطة شاطئ الراحة     ^ إذا أنت ما تعرف اسم لاعب الرائد ، فهذا يوضح لي خلفية نقدك وين واصل ..! تنتقد لاعبين الرائد و لا تعرف اساميهم ..! و الله مسطت العمر ..! من قال لك أن السراح ما عنده فكر ..! السراح فكره أد الدونيا .. و الدليل يتعاقل مع الحارس البلوي و عنده ضائقة مالية .. و يوم جاه الرائد راح يدوّر الثنيان بطل الاحتياط ..! حبي .. خلك معي صريح لو مره بس .. و لا تكابر ترانا كلنا اعيال بلكونه ..

حراسة التعاون ... الثنيان / البلوي / الخالدي / الدوسري
حراسة الرايد ... الخوجلي / الكسار ...............................

الفرق واضح مايحتاج تعليق
التعاون الاحتياط والاساسي كل واحد افضل من الثاني
الرايد الخوجلي ومستواه عادي واخرتها البيضه التي لم يكتب لها النجاح والاحتياط لم ينجح احد حتى الأن ..

اترك عنك التعاون يحتاج خبره فقط وسيزيد توهجه مع مرور الجولات والعكس بالنسبة لرايد بداء يتراجع وهو لم يقابل الفرق الكبيره حتى الأن .

[شاطئ الراحة]

أحلى ما فيك أنك ترد على نفسك ..

اللون الأحمر غيرته أنا و اللون الأسود كلامك ..!

تقول : اترك عنك الرائد يحتاج خبره فقط وسيزيد توهجه مع مرور الجولات والعكس بالنسبة لتعاون بداء يتراجع وهو لم يقابل الفرق الكبيره حتى الأن .

وش رايك بالتحجيرة ..
تستاهل تعزمن عندكم بالاستراحة الليلة ..

رديت عليك من كلامك ..

[القلب المفتوح]

اقتباس:  المشاركة الأصلية كتبت بواسطة ابراهيم المزيني     الرائد بمن حضر حتى وان الرائد اجانبه لايرتقون لدرجة الامتياز, الإ انه افضل من نادي التعاون الذي ترى انه استفاد من الاجانب... والدليل مراكز الناديين في الدوري بعدين وش فادوكم به اجانبكم ..؟؟ مافيه الا واحد يلعب مباراة كاملة

اي مراكز الي تتكلم عنها ترى الفارق بين التعاون والرايد ثلاث نقاط فقط اب مباراة واحده وصدقني ان اجانب الرايد نكبة الموسم وكله من طيب القلب المطوع البرازيلي عن طريق المدرب ابن جلدته واقدار عن طريق عقال ابن حتته . وعقل بعد المعسكر الانفرادي عند ماماه و باباه عجز يتأقلم على اجواء حي الزهره ..

[القلب المفتوح]

اقتباس:  المشاركة الأصلية كتبت بواسطة شاطئ الراحة     أحلى ما فيك أنك ترد على نفسك .. اللون الأحمر غيرته أنا و اللون الأسود كلامك ..! تقول : اترك عنك الرائد يحتاج خبره فقط وسيزيد توهجه مع مرور الجولات والعكس بالنسبة لتعاون بداء يتراجع وهو لم يقابل الفرق الكبيره حتى الأن . وش رايك بالتحجيرة .. تستاهل تعزمن عندكم بالاستراحة الليلة .. رديت عليك من كلامك ..

شكلك ودك انك تعاوني بدى يعجبك مايكتب عن التعاون ههههههههه

على العموم وين خبرة الرايد الي تتغنون بها انه صاعد لدوري الممتاز قبل ربع قرن ؟؟؟؟؟؟؟؟

[ضربة شمس]

مبروووووووووووووووووك لأول نقطه تاخذونه من خارج أرضكم
فعلا طلع الحكم العريني تعاوني صميم روحوا حبوا على رأسه
هذا هو الولد المخلص لناديه أقل شي جلب لكم نقطه من فم الاسد مثل ماقال صاحب الفكر لديكم
وفم الاسد بدون أنياب لأنه في المركز ماقبل الاخير.. هذا والرطوبه مأثره فيكم كما قال صاحب الفكر
هذا فكر ريسكم !!
عادي من حقكم تفرحون بعد تعادلكم مع الاهلي .. فلما السكوت وعدم اظهار الفرحه ..
لاتخجلون أبدا .. فريقكم يلعب 9 - 0 - 1 بالاضافه لضعف الفريق المنافس والحكم
يعني ماذا تريدون ؟؟ أكيد التعادل ولو كانت من الحكم ..

[شاطئ الراحة]

أعلمك أنك غبرت علينا بالهجة
و لا ناقشت سبب خلافك مع نفسك ..
ترد علي و أنت بردك ترد على نفسك ..

بعدين وشبوه التعاون ما اشجعة ..
يا حلاتوه بس ..!

ياليت تحط ببالك ان الخلافات الرياضية
ماله دخل بكيان النادي فقط
العوق من هالجمهور الحووووون ..

فهمت الحين وين الخلاف بوه ..

[ولد الزعيم]

القلب المفتوح عزيزي:
نادي
هذه السنه راح يقبع في المركز الاخير او قبل الاخير
يعني الاهلي يبي يشيله ويحطه مكانه
بس ياهل ترا يصدر قرار للزيادة ام لا ..
اما اجانب السكري بالامس كنت اشاهد مباراتنا مع احد صحفيين الهلال
وقال لي بالرف الواحد بامبا العاجي مكانه ليس الدوري السعودي بل
الدوري الاوربي ياعيني عليك يالسراح انت وفكرك ..

[ضربة شمس]

اقتباس:  المشاركة الأصلية كتبت بواسطة ولد الزعيم     قال لي بالرف الواحد بامبا العاجي مكانه ليس الدوري السعودي بل الدوري الاوربي ياعيني عليك يالسراح انت وفكرك ..

ماشاءالله على هالفكر !!
طيب .. ليه حاطه بالاحتياط ؟؟!!

قال الدوري الاوروبي قال

[عقب العصر]

تصدقون ياعيال انه معجب بالي يتكلم عنه
وخصوصا بعد مباراة الحزم التي أثبتت أن من يتكلم عنه يلعب بخانتين وهو ما اكتشفه من يدعي الفكر وهو خاوي يقول أثر كل خانة ازين من الثانية
تبون أثبت لكم انهم أصحاب الفكر المزعوم
تأملوا لاعبهم الخميس ورجيعنا الحربي كلهم في الهوى سواء من الإصابات فبالأمس الخميس تغلب على الإصابة ولعب للمرة الاولى 90 دقيقة بينما الحربي لم يستطع

[ولد الزعيم]

^

شفت انك حدك اجانب من ابو رياليين
العاجي قلي من يظمن بداله عندنا

لكن لو اجيب مبرك والعراون احلف لك بالله ان يضمنون بالرايد