أيها الاباء هل خلقتم للإستراحه .... افيقـــــوا !!

[العنقريه]

{بسم الله الرحمن الرحيم}

السلام عليكم ورحمة الله وبركاته

ـ ايها الاباء هل خلقتم للإستــراحه ..؟

نعلم في زماننا ان تلك االمسماة بالاستراحه هي من اولويات الاب بل فاقت عند احدهم واصبحت الاستراحه اهم من البيت .
ينطلق اليها يوميا , كأنه موظف لايفّوت يوماً بل لايفّوت ساعةً

ابروح للستراحه ,
معزوم بإستراحه ,
بوديكم مبكرين لاني اخاف اتأخر عن الاستراحه ,
منب موديكم الحين تعرفون ان عندي استراحه ,
القطه(فلوس) الاستراحه ,
هندي الاستراحه ,
نبي نغير الاستراحه ,
الاستراحه الاستــراحه الاستـــــــــــــــــراحه ............

فأصبح الاب غير مسؤول عن بيته ,
يقول صلى الله عليه وسلم :
(كلكم راع وكلكم مسؤول عن رعيته , فالإمام راع ومسؤول عن رعيته، والرجل راع في أهل بيته ومسؤول عن رعيته ..)

الكل مسؤول عن هذه البذره التي التي زرعها
الله خلق هذه البذره من اجود الاصناف (وخلقنا الانسان في احسن تقويم ثم رددناه اسفل سافلين)
ثم امرنا بمتابعة هذه البذره لتصبح نبات حسن , ولاتكون اسفل السافلين
البعض لايعرف من ابنائه الا "اركب اوديك المدرسه" وبعدها لايعرف عنه شيأُ
حتى اذا كبر هذا النبات (الابن) وقف الاب يزمجر بإبنائه قائلا : فشلتون كلن يقول عيالك سرابيت ياحسافة تربيتي !
اي تربيه هداك الله ! وهل كنت تدري عنهم وهم صغار !
هل حفظّتَهم سوره واحده على الاقل من القران وجعلت هناك منحه لمن يحفظ ؟
ام هل راجعت لهم بعض المواد الدراسيه ؟
ام هل جلست وعلمتهم بعضا من الآداب والقيم والاخلاق؟
لا اطلاقا .. بل صرفت جل وقتك عنهم وفضلت الصحبة عليهم وماتعلم ان الصحبة فيهم كيف ..؟ عند المشيب !!! سينصرف ابنائك عنك كما انصرفت عنهم ؛ وماتزرع تحصد .

ـ افيقــــــــــــوا ..

يقول تعالى : (وما خلقت الجن والانس الا ليعبدون)

إخوتي :
افيقوا لاتكونوا مُخدَرين كونوا فعّالين ,لايكن ديدنك اليومي تصحى من النوم للعمل للاستراحه لايوجد تفكير غير هذا
ارجوكم لاتكونوا مُغيَبين كونوا فعالين اني لكم من الناصحين .



والله يرعاكم ويهدينا وإياكم الى صراطه المستقيم .

[نجداوي]

من قآلك ان فيه نآس تروح للاستراحات كثير

اغلب الناس ببيوتها والشباب طقطقه على هالنت صار حتى مآفيه وقت استراحات وخرابيط زي اول

الا اذا انتي شآيفه حولك شي !

اقتباس: البعض لايعرف من ابنائه الا "اركب اوديك المدرسه" وبعدها لايعرف عنه شيأُ

ايوه البعض اللي انتي تشوفينهم

كل الابآء مشآء آلله تبآرك الرحمن مدلعين عيالهم ويادهينه لاتنكتين

اقتباس: حتى اذا كبر هذا النبات (الابن) وقف الاب يزمجر بإبنائه قائلا : فشلتون كلن يقول عيالك سرابيت ياحسافة تربيتي !

حشى العائله كلها مضطربه نفسيا وفيه تفكك عقلي من المدبر نفسه الي هو الاب

مادري مين المجتمع اللي انتي تقصدين

يمكن هالفئه ابوهم سواق سطحه والام فراشه بمدرسه

والا وش هالمطبآت العقليه اللي يسووونها بالبيت من تفكك وعدم ربط المسؤاليات مع الابناء

بصراحه عجزت استوعب الموضوع

شكرآ لك ..

[Qassimy]

مخضرم نجد : وين أنت عايش فيه ؟!
أذا كنت مالك استراحة أنت وأصدقائك لا تظن يا أخي أنكم المجتمع تسقط عليه الأحكام .
..
عنقرية
من قال لك أن من يتعلق بالاستراحة ينسف متطلبات البيت , الاستراحة مكان للتنفيس وقضاء بعض الأوقات
أما من تشغل جل أوقاتهم الاستراحات هم الشباب الغير متزوجين .

[نجداوي]

اقتباس: مخضرم نجد : وين أنت عايش فيه ؟! أذا كنت مالك استراحة أنت وأصدقائك لا تظن يا أخي أنكم المجتمع تسقط عليه الأحكام

الحمد لله عايش بالبيت ومبسوط ومستانس اطلع لاكان " مآسكن بالاسترحات زي ماحضرتك تسوي

على قولتك كثير يطلعون برضوه انت عندك مشكله نفس الاخت عنقريه

ومافي احد يجلس بالاستراحه وقت كثير الا عنده نقص او مشكله بالبيت

مو مرتاح بالبيت عنده مشاكل ووووالخ من الاسباب

وبعدين هذا نقآش مآله علاقه بالاحكام لاني ماعرفك وانتي ماتعرفني وهالموضوع عباره عن ساحه مفتوحه

شكرآ لك ..

[- msk ✩]

[align=center]ليته عالاستراحه ايييييه ....ربما الصمت ابلغ من الكلآم ..
الله مير يخلف }..[/align]

[العنقريه]

اقتباس: بصراحه عجزت استوعب الموضوع

سطر وراء سطر هذا وانت لم تستوعب الموضوع
كيف لوانك استوعبت الموضوع في يوم ما كم ستكتب من سطر !

وكل من كتب موضوع تدخل وتكتب مره مااستوعبت ومره مدري وش قصدك مثل موضوع "كور تحمل صور نساء"
اقول شكل الزهايمر لاعبن بك لعب ياخال

شاكره لك ..

اقتباس: أما من تشغل جل أوقاتهم الاستراحات هم الشباب الغير متزوجين .

بصراحه ودي اصدق كلامك لكن ماكتبت هذه المشكله الا لانتشارها بين المتزوجين للأسف ليس جميعهم لكن كثير منهم والله ماكتبتها الا لمعاناة كثير من النساء من هذه المشكله .

اقتباس: الاستراحة مكان للتنفيس وقضاء بعض الأوقات

في طرحي لم امنع الاستراحه بتاتا نعم هي متنفس وتغيير جو لكن يومياً او شبه يوميا ماتجي بالعقل
اللي مايحظر للاستراحه يتصل عليه : ( ليش ماجيت اليوم , من يوم ماتزوجت وأنت تسحب علينا بعض الايام ايه المدام متوطيتك وبعد هالكلمه يجيك يركض انا ماحد يتوطان انا وانا هههه شر البليه مايضحك .

شكرا لك برتقالي ..

اقتباس: [align=center]ليته عالاستراحه ايييييه ....ربما الصمت ابلغ من الكلآم .. الله مير يخلف }..[/align]

بالفعل خلي المستخبي مستخبى لايظهر وينتنا بريحته العفنه وإيييييييه على قولتك .

شاكره لك الشقرديه ..

[رواسي]

أحمدلله وأشكرهـ أن ربي أبعد رجآلنآ عن الإسترآحآت
أحد يملك زي حريمنآ ويقدر يبعد عنهم


معروف إن الوحدهـ قبل زوآجهآ تسأل عن زوجهآ رآعي سفريآت وإسترآحآت
إذآ نعم
فآلرفض أولى
لأن نهآية الزوآج يآحآلة نفسية للزوجهـ
يآطلآق
وقد تطلق البنت في أول شهورهآ

أختي الفآضلة
شكرآً لك

[دِيم]

[align=center]

.
.



للأسف , ماراح يعرفون قدر تفريطهم إلا إذا ...

حقدوا عليهم أبنائهم ..



تحيتي ..![/align]

[مقصود]

جزاك الله كل خير

نعم الرجال قوامون على الاستراحات

والاسرة قوام عليهاالسائق ومختص توصيل الطلبات والله المستعان

اصبحنا اضحوكة للبنقالية والهنود يضحكون عليها في الاستراحات وفي منازلنا

[زين نجد]

لقد أسمعت لو ناديت حياً *** ولكن لا حياة لمن تنادي

وما وراء هذه الاستراحة أعم وأكبر..

[| ~ ســمــو ~ |]

ههههههه معليش ماقلتي نكته بس ضحكتني كلمة ياخسارة التربيه فيكم
فــعــــــــــلا شي يقهر

لا واللي يدفع الثمن الزوجه المسكينه

[أبو الريش]

[align=center]

الله يعينكن على رجالكن ولا ابوتكن إللي كذا

من جد شيئ مقرف , بعض الناس آخذ إستراحته تقل معبد , ومشكلتهم لاطاحو بشيئ عبدوهـ عبادهـ

لو كل وضع جدول بحياته ونظم وقته ماصار كل هالتذمر , أعرف واحد دائماً بأستراحته ومدة جلوسه بالأستراحه خلتني أتخلى عن صفاته وطبعه لأن مهوب كل شيئ تحبه تركز عليه بالحيل , جرب أنك توزع وقتك [/align]

[Qassimy]

اقتباس:  المشاركة الأصلية كتبت بواسطة مخضرم نجد     الحمد لله عايش بالبيت ومبسوط ومستانس اطلع لاكان " مآسكن بالاسترحات زي ماحضرتك تسوي على قولتك كثير يطلعون برضوه انت عندك مشكله نفس الاخت عنقريه ومافي احد يجلس بالاستراحه وقت كثير الا عنده نقص او مشكله بالبيت مو مرتاح بالبيت عنده مشاكل ووووالخ من الاسباب وبعدين هذا نقآش مآله علاقه بالاحكام لاني ماعرفك وانتي ماتعرفني وهالموضوع عباره عن ساحه مفتوحه شكرآ لك ..

وش فيك الضغط ضرب فوق ؟!
أنا أتكلم عن تعميمك الذي لم تقم بمسح عام على الشباب لتصدر الحكم .

[الاخطبوط المرقط]

خل الناس تفلها بعيدا عن ضوضاء هات ، وجب ، ودني ، وصلح اللمبة ، الا ميييييييييير!! إ‘لا ميييير !! وهذي كثر منها خخخخخخخخخ
وعلى درب بعد خل الناس تترزق اعرف واحد دخله مئتين الف ريال ماشاء الله.
وبعدين اللي قلبه بالاستراحة اصلا ماهو نافع حتى لوقعد بالبيت وجوده مثل عدمه
وش ترجي من النفوس اللي داقتها رويس من غير جرس تنبيه.

[أبو الريش]

[align=center]

مخضرم نجد أتفق مع بعض الأسطر بردودك[/align]