خساره يضيع العمربا الا نتظار

[يكفيني حنانك]

مرحبا
بدش بالموضوع مباشره
بعض البنات ،،عندما يتقدم لهن خطاب يرفضن بدون حتى السؤال من هو
الخاطب،،،والخطاب هذا رايح وهذا جاي،،

ولا يبالن بذلك،،ولا يهتمن،،العمريروح،والفرص تروح،،
والمسيكينه قاعده تفكر بفلان،،متى يجي يخطبه

المشكلة لا حبت الوحده من اقرابه شخص

وهو مايدري،،
تقعد تنتظر لين يجي يخطبه،
والا لين تسمع خبر زواجه من غيرها،،
اللي راح ينزل عليه كالصاعقه،،


مجتمعنا محافظ ،،وهذا شي طيب،،

لكن كيف يجتمع هالراسين بالحلال

خاصه اذا كان عند هالبنت احساس
انه يبادله نفس الشعور،،
مجرد احساس

صعبه يضيع العمر بالانتظار

ماهو الحل بنظركم؟؟

[زين نجد]

اقتباس:  المشاركة الأصلية كتبت بواسطة يكفيني حنانك     صعبه يضيع العمر بالانتظار ولسان الحال يقول : ياشينها لا صرت بين اختيارين *** مستقبلك.. وإلا حبيب ٍ توده أنا بالنسبة لي تحقق لي ما أريد. فقد كنت ( حاط العين ) على بنت الجيران منذ أن كانت صغيره رغم أنها أصغر مني بتسع سنوات ولله الحمد تم لي ما أريد وأنا الآن أنعم بالسعادة لكوني أخذت البنت اللي أبيها. فعلاً لما يكون الأثنين حاطين العين على بعض راح يرتاحوا في حياتهم الأسرية. أما لو كنت أعلم أنها تريدني وأنا لا أفكر فيها فمن الظلم أن أتركها بدون لا أخبرها بطريق غير مباشر.

دمت بود،،،

[شيخوه]

عز الله صدقتي
يعني هو رجال يقدر يروح يخطبها
آما حنّآ يالبنآت :/ لنآ الله
يعني تحبين وإلآ مآتحبين محد دآري فيك
يعني من الاسآس لآ تفكرين بالحب إلآ إذا ضمنتي انه بيجيك
أو خلي الحب إلى بعد الزوآج احسن لك

[طبيبة القلوب]

[align=right].
.
الحل انها ماتفكر لا ببعيد ولا بقريب من الأساس ..

وإذا جاء من هو كفئ لهآ تتوكل على الله وما تنتظر ..[/align]

[سَـاكنة القـلب]

بالعكس يا حبيبتي .. اللي أشوفه في مجتمعنا العكس ..
إنها تطير بأول خاطب ولو كان في موافقتها تحطيم لكل آمالها ..
بس عشانها ماتدري بيجي غيره ؟
وإذا جاء يمكن يكون أسوأ منه !!

يعني خيارات البنت جدًا محدودة ؛ إن كان فعلًا لها خيارات ..

شكرًا حبوبة ..

[يكفيني حنانك]

اقتباس:  المشاركة الأصلية كتبت بواسطة زين نجد     دمت بود،،،

الرجل وضعه مختلف تماما
لانه بيده كل شي،،ويقدر يحقق اللي يبيه
مهب مثل البنت تقعد تنتظر


وانت كذلك دمت بود

[عادل الحبيتر]

انا أشوف أن البنت توافق .. اذا تقدم لها عريس محترم .. خاصة اذا هي مناسب عمرها للزواج .. لكن أنها تنتظر فلان يجي يخطبها .. فهذا الشئ مو من مصالحها .. خاصة أذا كان فلان ما فكر فيها ولا لمح لها ولا تقدم لها عند أهلها ..!

[يكفيني حنانك]

كل الشكر لكل من مر من هنا
هذا الموضوع حاصل لوحده من القرايب
تتوقعون تقدر تجازف وتاخذ غيره

ولو اخذت غيره تهقون تنساه

ياخوفي بس لا يفوط القطار وهي تنتظر