تطبيق قرار تدريس المعلمات للذكور طريق الاختلاط والانحلال

[الجبل الاسود]

صدر قبل 5 شهور قرار بتدريس المعلمات للذكور
ويهدف القائمين على هذا القرار هو الاختلاط والفساد
لكن يدعون ان الهدف هو ان المعلما

السؤال اللى يطرح نفسة اين غيرة العلماء والمشايخ
هل انتهت بوفاة الشيخ ابن باز وابن عثيميين رحمهم
الله اللى وقفوا بكل حزم ضد المنكرات ودعوات العلمانيين
الافسادية الغريب ان البعض ازعجنا بمسلسل طاش
وتكفيرة واقيمت الخطب ضدة لكن قرار تدريس المعلمات
للذكور لم نسمع الا معارضة بسيطة وعلى استحياء
ياخوان الا تروى ان السعودية في السنوات الاخيرة
دخلت في طور التغريب وتحرير المراة طبقت صورة
المراة على بطاقة والغيت بعض مناهج الدين وحذف
منها ودمجت ادرات تعليم البنيين مع البنات حتى
يتراسها نساء واليوم طبق قرار تدريس المعلمات
للذكور في المدراس وبعدة المدراس الحكومية
وبكرة بتشفون الرجال يدرسون في مدراس البنات
وهلم جرا ولاتنسون خروج السعوديات في وسائل
الاعلام ومشاركتهن في الفعاليات الخارجية واخيرا
قرات ان السعوديات بيشاركون في سباق المارثون
في بريطانيا وبكرة بتقلونها في المباريات وغيرها
لانقول الا رحم الله ابن باز وابن عثيميين

[عــديل الــروح]

اي اختلاط واي انحلال عساك منب قايل..~
تراه كله كم بزر بالابتدائي مع مدرسة يمكن كبر امهم
حطيته انحلال وفساد هههههه الله يرجك..
وبعدين ابفهم شي واحد...هذا قرار من فوقك وفوق اللي مارضى
بتقولون لا مثلا ؟؟؟
عطوا التغيير بالتعليم فرصه اذا كان للأسوأ لكم حق ادلاء ارائكم
ادلاء مو هياط هاه؟!
واذا كان للأحسن نقول واصلوا يارعاكم الله...
والتطبيق هالقرار مو بس عندك بكل المملكة يعني على راسك ريشة مثلا.؟؟
.
ههههه مثل اليوم قريت خبر داخلين على مكتب التربية والتعليم ببريدة
خير وين حنا فيه..وش رايكم تمسكون الحكم بعد.؟
لابوكم لابو من جمعكم...ترا فيه شي يعقل ونقول عليهم عليهم
وفيه شي يسمى مغالاة ولا يعقل .. يخليكم ربي ^_*

[شـــــادن]

.




مو مسألة إختلاط لأنهم صغارين بس فيه خطأ كبير
مفهوم الإختلاط موب كذا الله يصلحك

الحين بجده مدارس مطبقه هالنظام وخالصين
يعني100% إنه يبي يطبّق عندنا بدون شك
والتعليم بالذات لازم يصير فيه صجه ولجه وبالنهاية تصفي على ((غصبٍ عليكم يبي يطبّق)) << بس بطريقة لبقه
صراحة كنت أتمنى دمج الصفوف الدنيا ومأييده بقووووه
لكن بعد كلام واحد من قرايبي بـ 2 إبتدائي عن تصرفات طلاب فصله وإنهم يقولون .... ويسوون ....
وربي كرهت الدمج والحين معارضه << واقفه
مبزره يشوفون ويطبقون بمدارسهم

[بآلـخــآرج للغــدآء]

[align=center]طيب آنت هآللحين وش عليه حمق ..؟[/align]

[سماح الربدي]

هؤلاء المتعصبون يتروكون اشياء كثيرة مهمة ويذهبون للامور التافهه اي اختلاط يرحم والديك يعني مافيه اختلاط بالشغاله وسط البيت من الطفل نفسه الي يدرس عند المعلمه

وين راح عقولكم واكيد الي هم معارضون كل تفكيرهم جنسي بحت والخوف منهم وليس من الاطفال

[الرحـّـال]

السؤال الذي يطرح نفسه

لماذا لم يُناقش ويتم الإعتراض على (مرحلة الروضة)
وهي منذ سنوات يتم تدريس الأولاد والبنات بواسطة
معلمات ؟ !

كان الأولى أن يُطالب بعدم الإختلاط بالروضة وفصل الأولاد عن
البنات وعدم السماح للمعلمات بتعليم الأولاد ...

عندما يتم تعليم طالب الصف الأول إبتدائي من خلال معلمات
لايفرق كثيراً عن كونه طالب بالروضة (من وجهة نظري)

[رمز الحياة]

انا اشوف المسالة عادية جدا وخلونا نترك سوء الضن والتشكيك بالاخرين وناخذها من منضور التغيير الى الافضل يعني خلونا نجرب ونشوف والي مايبي يجرب ماحد غاصبه يدرس عياله والا يخلي حرمته تدرس بنفس المدارس الي تطبق النظام هذا

[ابو ريما الخالدي]

قرار جميل ورائع
انا من المؤيدن لهذا القرار وبقوه
ماذا أستفدنا من جبروت المدرس وبطشه غير كرهنا للمدراس والدراسه
المعلمه أحن وأهدى على الطالب من المدرس

[ابوغرام]

اقتباس:  المشاركة الأصلية كتبت بواسطة رمز الحياة     انا اشوف المسالة عادية جدا وخلونا نترك سوء الضن والتشكيك بالاخرين وناخذها من منضور التغيير الى الافضل يعني خلونا نجرب ونشوف والي مايبي يجرب ماحد غاصبه يدرس عياله والا يخلي حرمته تدرس بنفس المدارس الي تطبق النظام هذا

ههههههههههههه

مشكله لاصار الواحد تفكيره تحت رجلينه هذولا يحفرون بملعقه ويخططون لبعيد

[أبْغِي السٌمُوّ]

ليست المصيبة بحد ذاتها قائمة بكون المعلمات يدرسن الطلاب الصغار

المصيبة الحق هي (ماهي الخطوات القادمة) نسأل الله السلامة والعافية

ولا أظنكم تجهلون خطوات الشيطان كيف تكون..!!

واللبيب فقط هو من يرجع قبل أن يضع قدمه في أول طريق يجهل كيف تكون نهايته

[صريح بريده]

اقتباس:  المشاركة الأصلية كتبت بواسطة ابوغرام     ههههههههههههه مشكله لاصار الواحد تفكيره تحت رجلينه هذولا يحفرون بملعقه ويخططون لبعيد

كلام صحيح يكفي ردك فهو الحقيقة

[عـــــســـــولــي]

ماأكثر المغفلين هنا !!!!

[سماح الربدي]

كلمة صغيرة جدا لهؤلاء المعارضين

ماذا فعلتم لجامعه في السعودية معروفة المكان والاسم
وناس كبار وبالغين بنات مع شباب فيها مع بعض اختلاط ؟؟؟لم نسمع لكم حسا او صوتا (على ما اعتقد انكم فيكم شي من النفاق)

وجيتوا على الاطفال قلتوا اختلاط اجل وش تسمون السابق سنه (انتقائيين)

[نجداوي]

ياحبيبي كل عمرهم اطفال الروضه يدرسونهم مدرسات

وغير هالشي كله اطفال يعني مآفيه آستيعآب

وغير هالشي كله والاطفال كلهم يعني التدريس مفصول بمعنى انها مدرسه مو اختلاط بين الطلاب انفسهم

انا مو ضد القرار ولامعه لاكآني متخوف من شي واتوقع بيكون فيه حآلات كثيره

يعني مو مفتكين منهم الحين نفتك بعد تطبيق القرار ؟

هم اشباه الرجال " الخكآريآ "

يعني يكتسب من هالمعلمه الانوثه او جآنب ممكن تتكون جزئيه حيآته بسبب هالمعلمه

هذا هو خوفي الوحيد

آعذب تحيه للعقلاء والعقول النيره ..

[عذبـــــة]

المشكلة ان بزاريننا عفاريت
لو هم على نياتهم كان عادي لو درسوهم لين سادس ابتدائي
تلاقينها تدرسة اليوم ومن بكرا جايب لها ورده يقولها احبك
بلاوي هالبزارين طالعين على ابوهاتهم
الآن بحي الصفراء مدرسة أهلية ابتدت بالإختلاط عيني عينك
وياقرد البنات هناك .. تبي تصير الدعوى دردبيسة لأني سبق وقلت لكم عيالنا عفاريت .. جنانيا زرق .