آل تسوق آل !!

[جوهرة]

آل تسوق آل !!


حتسوقي يختي .. وحتســـــــــــوقي .. كللوش كللوش !!
بكره حنجلس جنب الحيطة ونسمع الزيطه !
بكره لا تجي تشتكي وتقولي .. وقفوني شوية شباب صيع في الشارع ..ضايقوني ..
أو واحد من إياهم شد كرتتي ( فستاني ).. هتك عرضي .. !!
بكرة لا تجي تشتكي من عيال الحارة !!
جلسوا على الكبوت وبقعوا السيارة !!
كسروا قزازها .. ما خلوا شي ما كسروه .. نسموا الكفرات .. لا تسبي وتقولي قلعتهم ! !
حقلك وقتها وها يندامه .. هو إحنا نقصين ..
سيارات الرجال مزاحمة الطريق تجي أنت تبي توقفي سيارتك ..كمان !!
وإلا أقولك شي .. شوفيلك رصيف توقفي سيارتك فيه .. وتسوقي عليه بالمرة .. أو فوق السطوح ..
أو فوق السيارات عشان محد يشوفك !!
وبالمرة تعلمي كيف تدافعي عن نفسك عشان تشرشحيهم كل أبوهم .. وربي لك شوية عضلات عشان تخارجي نفسك
من عيال ستين في سبعين .. وتوقفيهم على رجل وحده .. أولاد الايه !!
بس أقولك أول .. تعلمتي يختي .. الإشارات ومتى توقفي ومتى تشدي البريك ( انتبهي لا تظنينه بالجنبة وتكلينه ) !
ومتى تضربي الفرامل ميه وستين ضربه على عينه !!
تعلمتي يختي .. كيف تمسكي التعشيق ( القير ) عشان تحركي السيارة !
تعلمتي .. كيف تتفادي الصدمات .. وكيف تغاوزي بين السيارات !!
بكره يختي حنشوفك مع المفحطين من جملة حقوقك المهضومة !!
وبعده ما وصيك طسيهم على طول .. سواقة الطيارة .. وليش لا .. وأنت شويه في البلد يعني !!
وبعده لا تنسي تطلبي .. سواقة الصاروخ هم اللي وصلوا المريخ أفضل منك يعني !!
ولا تنسي بالمرة الدباب الصاروخي ابو مرايتين لماعي .. والبسكليته المزركشه بكلفه بمبي !
والقطار خذيه بالمرة من ضمن حقوقك .. خليهم يطحنوا ابو اشناب ولا يهمك احد !!
حيرفزوهم ( يطردوهم ) بره ويعينوكي .. لا تشيلي هم .. الآن صارت الغلبة للأقوى وأنت الأقوى !!

آل تسوق آل !!

اطلبي ولا يهمك احد .. بكل حقوقك الإنسانية واللإنسانية وانفخي نفسك عليهم مثل البالونة وخلي اللي ما يشتري
يتفرج .. وي يختي تعبتي حبس في البيت .. وجيبي وودي .. مفي أحسن من الحرية !!
هو أنت قليلة ولا قليلة يعني .. وها بس !
اطلبي واطلبي وخلي أتخن ثخين يعترض .. أمامك مجلس حقوق الإنسان فاتح بابه ..
يقولون ما يقصر مع أي حرمه !!
متعرفي إن صوتك أسرع من صاروخ 2030 .. خليهم يهاتوا لمن تنشف حلوقهم وتتعب ألسنتهم !!
المهم تنبسطي أنت وتخرجي من الكبت اللي كنت فيه .. وتشوفي العالم ويشوفوه بعيونك أنت وبس !!

آّل تسوق آّل !!
:
ولكن لو نظرتي بعين العقل والبصيرة .. لعرفتي إن هذا كله زائل وما يبقى لك إلا عملك الصالح
ومكانتك عند ربك ( من خلقك وهو القادر على تصريف أمرك ) لهانت عليك هذه البهرجة التافهة وتمسكتي بما يرفعك عند ربك ..
ولكن هيهات دعاة الرذيلة يهدا لهم بال أو تغمض لهم عين !!
والأيام دول .. إن ما مشوكي عارية في الشوارع بدعوى التحرر وقتها تقولي قالت جوهرة !!
ما أجمل ما جبلت عليه المرأة ..
كما في قولة تعالى : { وقرن في بيوتكن ولا تبرجن تبرج الجاهلية الأولي }
ما قال هذا الكلام الله تعالى إلا لحكمة هو اعلم بها .. وليت من تكابر وتعارض هذه الحكمة تتقي الله في نفسها ..
ومن سوف تتحمل آثامهم إلى يوم القيامة ..!
فالأمر ليس لعب بل هو حق .. وكما قال تعالى :
( قُلْ كُلٌّ يَعْمَلُ عَلَى شَاكِلَتِه )
ومعناها أي على ما يشاكله ويناسبه ، فهو يعمل على طريقته التي تناسب أخلاقه وطبيعته، وكل إنسان يجري على طريقته ..
ومذهبه وعاداته التي ألفها وجبل عليها .
فالفاجر يعمل بما يشبه طريقته من مقابلة النعم بالمعاصي .. والإعراض عن المنعم ،
والمؤمن يعمل بما يشامله من شكر .. المنعم ومحبته والثناء عليه، والتودد إليه والحياء منه، والمراقبة له وتعظيمه وإجلاله.
التفسير القيم لابن القيم
آّل تسوق آّل

:

كتبته / جوهرة
يوم الخميس الموافق
24/8/1431هـ

:

تصميم


:

:

[قـتـالـه]

يالبا شبيهة سيارتي الفليكس ويجن يانااااس اموت عليهن ,,
ذكرتيني بذيك السنه يوم اسوق بالبرازيل وحدوني عصابات الالماس الاسود على سطحه كانت واقفه ومير ينعفط رفرف السياره الفوشيه واحول وانبطح على الرصيف اصيح
هناك من اشغل نفسه بتوليم العصابه قبل يلقط غيرهم حصا الفلقه !
ماراح يوزعون مفاتيح سيارات على الحريم وفجأه يقولون سوقن ,,
بيجي زمن السواقه لناس متهيئه يعني باقي على ذاك الوقت عقد ونيف وجيل وحول وبرهه ومنذو مبطي .. جيلنا خليهن ياخذن الحقوق اللي قبل السواقه همن نفكر
نشغل انفسنا بأمور السيارات بس هذا لا يمنع اني من الحين شاريتن لي ميداليه
ومتولمه وابشري عربجية صابر عامل الاستراحه اللي جنبنا اضبط اموري
لين ربي يقول كن وياليل اللييييييل

[عزازيل]

مكسينة المرأة في السعودية ، الحمد لله أنني أحتفظ بذكورتي إلى الآن .

[لمعةالألماس]

تسلمين أختي جوهرة..

ندري إنه مايصلح نسوق تفاديا للمشاكل,, بس أحيانا أتمنى إني أسوق !!


.............

اقتباس: مكسينة المرأة في السعودية ، الحمد لله أنني أحتفظ بذكورتي إلى الآن

>> مسكين أصيبعك اللي انعفط وأنت تكتب !!

[زمن الغرباء]

ياأختي ..
حنا مشكلتنا نناظر الموضوع من جانب واحد فقط ؟
اقولك ليش

اتركينا من البنات اللي ماهمهن الا انهن بس يدورن ويتسكعن بالأسواق
أنا ماأتكلم عنهن ..
أنا اتكلم عن الحريم العاقلات اللي فعلا محتاجات للسوق والمشاوير المهمة
شوفي وشلون يتذللن للناس عسى ربي مايحطنا مكانهن

وش فيها انها تروح وتجيب أغراضها بنفسها

وبعدين لو جينا للواقع
فيه شباب كثيرين ماينفع لهم السيارات
مجرد تسلية وتضييع للوقت والبنزين

ياأختي ..
اتقوا الله وحسوا بالحريم اللي ماعندهن احد مو بس تناظرون أخطائهن وتنسون همومهن

وجهة نظري

احترامي لك وبالتوفيق

[طموح انثى]

اقتباس:  المشاركة الأصلية كتبت بواسطة عزازيل     مكسينة المرأة في السعودية ، الحمد لله أنني أحتفظ بذكورتي إلى الآن .

مَنْ قَال أنَّها مِسْكِينَة يا أَخْ عَزازِيل ..؟!
تُوجدْ فِئة قَد تَكُون مِسكِينَة حَقّاً .. وَفِيه مَن (( تَتَمَسْكَن لِيُعْطَف عَلى حَالِها ))


~ْ

[حكاية شموخ]

كل حرف كتبتية انا معتس فيه

وكل كلمة وجملة ماكذبتي فيهاانتي قلتي الواقع.. والي بيصير مستقبلآ,, فعلا

اعوذ بالله من زمن الفتن .. الحين ماسلمنا من بلاويهن بدون سواقه يجن يسوقن وقسم تصير فوضه استغفرالله
الله يهدي كل من تسول لها نفسها الوقوع في الفتن..
ويارب يجعل كيد الكائدين في نحورهم والحريم مالهن الا البيت...
او القبر
تسلمين وسلمت يدك ياغالية واسال الله بمنه ورحمته ان تجدي ماكتبتي في صحائفك يوم تلقين الله

قولي امين[/[/color]

[جوهرة]

اقتباس:  المشاركة الأصلية كتبت بواسطة قـتـالـه     يالبا شبيهة سيارتي الفليكس ويجن يانااااس اموت عليهن ,, ذكرتيني بذيك السنه يوم اسوق بالبرازيل وحدوني عصابات الالماس الاسود على سطحه كانت واقفه ومير ينعفط رفرف السياره الفوشيه واحول وانبطح على الرصيف اصيح هناك من اشغل نفسه بتوليم العصابه قبل يلقط غيرهم حصا الفلقه ! ماراح يوزعون مفاتيح سيارات على الحريم وفجأه يقولون سوقن ,, بيجي زمن السواقه لناس متهيئه يعني باقي على ذاك الوقت عقد ونيف وجيل وحول وبرهه ومنذو مبطي .. جيلنا خليهن ياخذن الحقوق اللي قبل السواقه همن نفكر نشغل انفسنا بأمور السيارات بس هذا لا يمنع اني من الحين شاريتن لي ميداليه ومتولمه وابشري عربجية صابر عامل الاستراحه اللي جنبنا اضبط اموري لين ربي يقول كن وياليل اللييييييل

قتاله

مجتمعنا المسلم لا يحتاج عربجيات

يحتاج ملوك

وانت في صونك لنفسك وجلوسك في بيتك ملكة

فلا تتنازلي عن عرشك لا ي سبب !!

خليك قوية بملكك .. ترى النعمة زواله !

ادام الله عليك النعم .. وبارك لك فيها ^_^

تحياتي

:

[جوهرة]

اقتباس:  المشاركة الأصلية كتبت بواسطة عزازيل     مكسينة المرأة في السعودية ، الحمد لله أنني أحتفظ بذكورتي إلى الآن .

عزازيل


ليه مسكينة المرأة السعودية ؟؟!!




:

[سـمـاء]

{وليس الذكر كالأنثى}
من تطالب بان تجلس امام المقود
فقد أعلنت التخلي عن الانوثة فيها
ماعهدنا من الانثى تزاحم الرجال وتقوم باعمالهم
وتسووق وتقضى وتمر سوق الخضرة وتجيب البزران من المدرسة
عجبي
!!

[قلم وردي]

....

يعني المرأة المسلمة في كل الدول الاسلامية ( تنازلت عن عرشها ) ..؟!
السعودية هي فقط الـ ملكة ..؟!
والجميع يسعى جاهداً لبقاءها في عرشها ..!

تذكرت بطاقة الأحوال يوم خلاها البعض جريمة في حق المرأة عشان الصورة ...
والحين ما نستغنى عنها ..!

المجتمع راح يعرف يتعامل مع الموضوع مثله مثل غيره ..
والموضوع مهو اجبار ..!

الله يجيب ذاك اليوم بس ..


...

[جوهرة]

اقتباس:  المشاركة الأصلية كتبت بواسطة @جمرة@     تسلمين أختي جوهرة.. ندري إنه مايصلح نسوق تفاديا للمشاكل,, بس أحيانا أتمنى إني أسوق !! ............. >> مسكين أصيبعك اللي انعفط وأنت تكتب !!

جمرة

انا معك في هذه ولكن في حالة واحده

ان كانت لتسعفي مريض معك ولا يوجد احد غيرك يمكن ان يسعفه

وقتها ممكن وبعد تكوني انت وياه في خلا خالي يعني مش في المدينة وحصل لا قدر الله شي لمحرمك واستعدى انك تسوقي بداله

نعم .. هذه ضرورة يحتاج فيها الشخص ان يقف موقف شجاع فيها او بطولي

اما المدينة فالموزينات على قفى من يشيل << مثل ما يقال

والله لا يحوجنا غير لوجهه الكريم

تحياتي

:

[جوهرة]

اقتباس:  المشاركة الأصلية كتبت بواسطة زمن الغرباء     ياأختي .. حنا مشكلتنا نناظر الموضوع من جانب واحد فقط ؟ اقولك ليش اتركينا من البنات اللي ماهمهن الا انهن بس يدورن ويتسكعن بالأسواق أنا ماأتكلم عنهن .. أنا اتكلم عن الحريم العاقلات اللي فعلا محتاجات للسوق والمشاوير المهمة شوفي وشلون يتذللن للناس عسى ربي مايحطنا مكانهن وش فيها انها تروح وتجيب أغراضها بنفسها وبعدين لو جينا للواقع فيه شباب كثيرين ماينفع لهم السيارات مجرد تسلية وتضييع للوقت والبنزين ياأختي .. اتقوا الله وحسوا بالحريم اللي ماعندهن احد مو بس تناظرون أخطائهن وتنسون همومهن وجهة نظري احترامي لك وبالتوفيق

زمن الغرباء

اقدر مرورك الكريم

ولكن هل تقدري ان تستخلصي حجات النساء في السنة الواحدة

تصل بالنسبة لكم !!

وايضا تستخلصي النساء المحتاجات من غيرهن ؟!!

وايضا النساء الجادات من المستهترات ؟!!

وانت تقولي اش فيها تروح وتجيب اغراضها بنفسها

وهذا اللي حاصل الان بلا سيارة وتروح بلموزين

هل امنت الفتنة ؟!! << هذا هو السؤال

لا نضحك على انفسنا ونتغافل عن واقعنا العربي او مجتمعنا السعودي

نحن تربينا على شي معين وفوق هذا عندنا ثوابت شرعيه المفروض ان نلتزم بها

فما رايك بناس لا تتحمل ان تثقف نفسها ثقافات عامة

ولا تتقيد بنظام بسيط وحياتها فوضى وتمشي على كيفها

وكسرت كل قواعد التعامل البشري

وترى بعين واحده فقط .. وهي عين المنافع والجري بلا هدف

اخيه

اعطيك مثال صغير عندما دخل النت عندنا صحيح تعلمنا كيف نشغله

ونحمل ونلف فيه ولكن لم نتعلم كل قواعد الحماية منه سواء خارجيه

او داخليه .. لذالك خرج جيل منقسم لا يحب يثقف نفسه

ولكن مجرد ان هذا شي جديد له شنة ورنة واصبح التعامل معه جهجهوني

بلا نظام ولا تقييد

هل تعلمي ان وضع الجهاز على الفخط يضر بالصحة << الاب توب

هل تعلمي ان الجلوس امام الجهاز لا بد ان يكون بساعات محدده

والسببب كيد وكيد << هذه مجرد امثله فقط لا غير

الانبهار بالجديد وضرب بالحائظ كل التعليمات للسلامة

وتعلمها والتقيد بها لن يؤدي بالشخص الا للهاوية

التسرع مهو بالزين

:

تحديد حاجات النساء لن يتعدي العشرة في المائة

وليس شرط ان تقضيها في يوم واحد بل ان لم تقدر اليوم تقدر غدا وان لم يتوفر المحرم اليوم يتوفر غدا

المهم قواعد السلامة في تخطئ اي خطوه مستقبلية

عشان ما نجلس عند الحيطه ونلطم لا قدر الله

!!

وفقك الله وحماك

:

[..همسة عتآآب..]

اجنبيه كانت تتحدث عن السعوديات وتقول..:ما أسعدهن فهن كالملكات..هناك من يقود لها المركبه ويلازمها ويعتني بها..

واذا قلت هالكلام يطلع لي واحد او وحده..افرض الزوج ميت والعم كان في الحمام لديه امساك والاخ الكبير يلعب بلايستيشن والاصغر يلعب كورة ..فتعبت البنت الصغيره ولم يوجد من يقود المركبه الا الام..

من يفهم؟؟ لا احد..

[سحايب نجد]

اللي يسمعك يقول سمحو بالقياده للمرآه
لاتتحمسين يطق فيك عرق