لايفوتكن حــال الشباب في يوم العــيد

[كلي غرور]

خلونا نستـعرض اهم الاحـداث اللي تصـير للـشباب قبل العيـد و بعـده ..

1- عند الخـياط ..

لازم كل شاب يستـلم ثوبـه الجـديد بليلة العيـد .. لان كل الشباب يتذكرون انهم مافصلـوا مـلابس الا بـآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا

غبي وراك عفطته .. والثاني ينشق حلقه وتطلع بلاعيمه ويناشق لان الايهم اخذ ثوبه بالغلط .
.
عمور ماسكن انسان من رقبته عشان يتأكد ان اسم انسان مكتوب على الورقة المعلقة برقبة الثوب
..
و خلودي منسدح من القهر على بطنه لان ثوب ولد عمه مصقوع طلع اطول من ثوبه ..

واللي يشق راس الخياط بالمقص عشان سعر الفاتورة ...

واللي يصن الخياط ببقس على دميحته لانه طالب قماش غير والخياط مفصل له ثوب من خامة تريكو ..
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..








2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس من صج حالتهم تقطع القلب ..)))))))))))))

واحد يجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له تكفى خل

لي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة

حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

و تحياتي ..بعد حيي والله جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ..




3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش

وعبدالمجيد يتهاوش مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

و قايد يسطر منقاش ... لان منقاش لبس طاقيته المشخله بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالة شماغه..

وبعدين يرتفع صوت الصراخ .. لان الاستشوار حق مزنه احترق... ولازالت كشة مهند واقفه و تسبح لربن خلقها .

واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح .وشغالتهم


هاوشته ومارضت تكوي له ثوب غيره <<والله شخصيات شغالتهم تشكله..!وغيره محتار ومايعرف يختار نسفة لشماغه ..


4-برى البيت..

و شيخ قاعد يحش بخلق الله مع خويه انسان .. ويقول له ::رحمت عقال بدر اللي حاشي فيه شمآغـة..اللي يشوفه

يقول شاريه من بسطه في الاحساء

وانسان يرد عليه و يقول له ترى مصقوع يهون عن الايهم اللي كاشخ بثوب ابيض ثلجي .. لاحظ سرواله الاصفر لا مد

رجوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتصير الساعه 8 ...


تلاقي نص الشباب ..هات يا تفحيط و تقحيص


والنص الثاني طالع للبروعدة الصيد والشوي معه


وووووووووووووووووووووووبس..


ههههههااااااي الله الله بالردود السنعة

[دموع العشاق]

ههههههههههههههههههههه والله صادقه

[SAGA]

صادقة
يسلمووووووو

[كلي غرور]

يســــــلمممممو ع المرور فديتكن

[رِوَآيــّـہ ❀]

هههههههههههههههههههههههههههههههههههههههههههههههههه ههههههههه

بس بعضها فيها بهارات وتسذا


يسلمووو

[الزنون]

انا الحمدلله
ما اسوي اللي تقولون
انا اقعد بمسجدي اصلي واعبد ربي

[اوكسجين بريده]

هو القرق طويل قسسسم

بس خلهم يسون الي يبون وهو العيد باي وقت تحصصل

العيد عيد وبعد سنه يتكرر
<<ايقاله فكررت

يعطيك العافيه

[كلي غرور]

ايه هين ماتبي تووووووت هههه ربي يسعدك ياقدع



وين البقية ولا يقالهــــــــم ههههههههاااااااااي

[عـبدالله بـريدة]

هههههههههههه ياحبيلنا

[الامبرطوريه]

ههههههههههه حلوه
يسلموووووووو

[اسير المشاعر]

يسلمووووووووووووو الله
لكن مدري احسكم مزودينهاااااااااااا على الشباب وخصوصآ ,,, في موضوع الخياط .
وشكرآ

[غـــــزوووولــهـ]

الصراااحة القرق طويل وماقريت إلا اوله <<عجازة هههههههههههه


بس تقلنتس صااادقه خخخ ,,,,, شكرا عالموضوع حبيبتي

[جذابه بطبعي]

ههههههههه والله انك صادقه يقطعون القلب ..مشكورة لاهنتي

[كلي غرور]

تصدقون هذي
ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش


هذي صدزيه واتحداااااكم تقولون لا


تحياااااااااااتي للكل

[نونـــــــــــــه]

هههههههههههههههههههه
من جد والله انك صادقه بس على قولت هايدي في بهااااااارات هع