ـ 18 ْ

[" TWIX "]

أحد أصدقائـي ..
هزلـي بطبعـه لا أراه جادا في كلامـه عندمـا يتـحدث
يكـون بعيـدا عن العقـل والمنطـق ..
إنسـان يبحـث عن الابتسامـة حتـى في أحلك الظـروف وأشدهـا تأزمـا
تجـده يفتـش عن النكتــة ليضحك ..
عندمـا تأتـي إليـه وقد حلـت بك أي مصيبـة تجـد أن الـذي
أمامـك كتلـة ثلجيــة .. يقابلك ببـرود عجيب ..
لا يبـادلك الشــعور .. وربما يقــول من سماجتــه : سمعت آخر نكتـة ..!!
ليس ببعيـد عن رجل الشرطـة عندما تأتـي تسابـق الخطــى لتخبـره أن سيارتك سرقت
وفـي قرارة نفسك أن بريدة صيصيبهـا حالـة أستنفـار للبحث عن سيـارتك ويقاطعك
الجنــدي متصـلا على أحد مطاعــم توصيــل الطلبـات ليحضـر له بروستــد
حراق مع بيبســي ويكثــر الكتشب ...!!
وعندما أغلــق السماعــة قاطعــك مرة ثانيـة متصــلا..
فقال : أبكـ .. لا تنســى الشفـاط بتــاع المشـروب ..!!
هذه الشخصيـة ..
لا تعــرف الجديــة .. حياتـها هــزل فـي هــزل ..
نعــم ..لا أخفيكــم أنهــا شخصيــة محببــة إلـى النفــوس في حــالات
ولكنــها في حــالات ليـس لهـا مكانـا ..
شخصيـة ..غيـر منتجــة ولاهـي جـادة فـي أي عمــل يوكـل إليهـا
لاتمـلك طموحـا وآمــال تبنــي بها مستقبلهــا .. كل همهـا " آخـر نكتــة "
كثيـرة الرحـلات البريــة والسياحيــة حتــى أن لهــا رواجــا وسوقـا شغـال
طـول أيـام السنـة تجـد أن هـذه الشخصيـة محفوفــة مكرمــة في رحلتهــا
الداخليــة والخارجيــة لا تدفــع ريالا واحـدا..!!
مقابــل صناعــة النكتـــة ورســم الابتسامـة لمــن حولهــا ..

هل تتذمرون من هذه الشخصية كما أنا ..؟!!
ماهي مرئياتكم ..؟!!
بانتظار هذرتكم ....

مع أعذب تحية ..

[رآنيآ]

لا أتذمر بالعكس توسع صدري
بس احتمال كثير ما اجلس معها واشاورها بالامور الجاده

وحده من صديقاتي كذا الله يذكرها بالخير وكل ما ضاق صدري اروح لها بعدين دقايق والاقي خشتي مفتوحه وناسيه الضيق اللي فيني

الا ما سمعت آخر نكته ؟!
قم صل لا يكثر

[" TWIX "]

رآنيآ...

اقتباس: لا أتذمر بالعكس توسع صدري بس احتمال كثير ما اجلس معها واشاورها بالامور الجاده

يارانيا برغوث .. الله يهديتس بس
الكل يحب مقابلة الشخصية المرنة لكن فيه ظروف تحتم عدم تواجدها لأنها لا تستطيع
التأقلم مع هذا الظرف الذي يميل إلى الجدية ..

اقتباس: وحده من صديقاتي كذا الله يذكرها بالخير وكل ما ضاق صدري اروح لها بعدين دقايق والاقي خشتي مفتوحه وناسيه الضيق اللي فيني

وحدة ..
أنا عندي تريلة من ذا النمونة ..
لكن لا تفكرين إني الآن أحدثك من مستشفى المهابيل ..لا والله .

اقتباس: الا ما سمعت آخر نكته ؟!

لا مادريتا .. عنها
خلوها .. سمعينا يا رنوووووي

اقتباس: قم صل لا يكثر

عندي عذر فيني ...

[رآنيآ]

اوف برد ! درجة الحرارة ثمن طعش تحت الصفر !

اقتباس:  المشاركة الأصلية كتبت بواسطة ..twix..     رآنيآ... يارانيا برغوث .. الله يهديتس بس الكل يحب مقابلة الشخصية المرنة لكن فيه ظروف تحتم عدم تواجدها لأنها لا تستطيع التأقلم مع هذا الظرف الذي يميل إلى الجدية .. ايه أكيد وانا وش قلت ؟ قلت ما اشاورها بالامور الجاده ، تجمعن عليك البراغيث الله يصلحك >_< وحدة .. أنا عندي تريلة من ذا النمونة .. لكن لا تفكرين إني الآن أحدثك من مستشفى المهابيل ..لا والله . فكرت وتيقنت الحين ميه بالميه لانك جبت طاريهم واللي يخاف من الشي دايم على لسانه لا مادريتا .. عنها خلوها .. سمعينا يا رنوووووي ماصار شي عندي عذر فيني ... .!.!.! اخذت فكره !

[" TWIX "]

اقتباس:  المشاركة الأصلية كتبت بواسطة رآنيآ     اوف برد ! درجة الحرارة ثمن طعش تحت الصفر !

وين جالسه ...؟!!
بفريزر ثلاجتكم ...!!

[وميضُ البرق]

[align=right]صدقني الحياة بلا سامجين مالغة
يعني تخيل تجي "مشتب" واللي قبالك يشتب معك صدقني ملل بعكس لما يكون سامج وماعنده ماعند جدتي بالأمور الجدية تعصب عليه وتنسى مصيبتك! يمكن تقول راح تكون مصيبتين بس والله السامجين هم ملح الحياة.[/align]

[شموخـ إمرأهـ]

>>لو هو عندي واانا منطقره تسان يعقل خخ

ترى هذا موب دليل يصير شخص كتوم ويضحك قدامك وهو ملهد من الداخل>>ياكرهي للي يكتم مشاعره والله ياهو يتعب هو ويتعب غيره

الوسطيه بكل شئ حلوه وقت الجد جد وقت المزح مزح ونص المية 50 >>معلومه خطير خخخ

[أبو الريش]

هالنوعيه هذي تراه اغلبهم يضحك والله العالم وش الحزن والهم اللي داخله لكن اعتبره قوي ماشالله عليه يلعب على نفسه ينكت ويضحك يقاله مهوب مهموم

انا انبسط عليهم بس بحدود ,البعض منهم يتصنع والبعض لاشفت وجهه عرفت انه من قوم ناصر القصبي ترتاح له

اقتباس: نعــم ..لا أخفيكــم أنهــا شخصيــة محببــة إلـى النفــوس في حــالات ولكنــها في حــالات ليـس لهـا مكانـا

بالعكس مأدخل مجلس الا وقاعد بأحسن الاماكن

حتى لو نكت بوقت نقاش او شيئ مهم تحس انه يضيف بلسم عليه

شكراً حبيبي

[أحب نفسي]

هالنمونه من الناس ,,
آخذة بالسوآلف واللعب والمزح والسوآلف العادية ..
لكن لو وقعت بأزمة ولآ مشكلة لآسمح الله , لآ ألجأ له ولآ أبحث عن الحلول عندهـ ..-->>يمكن أفجّر به ..

أبو الريش/

اقتباس: هالنوعيه هذي تراه اغلبهم يضحك والله العالم وش الحزن والهم اللي داخله لكن اعتبره قوي ماشالله

صدقت والله ..
وحده من صديقآتي أعتبرة نكتيه نوعآ مآ, لكن مو بكل الظروف ,
عمومآ الأبتسآمه لآتفرق شفتآهآ والضحكه عنوآنهآ ..
ومرة تسولف علي وفجأة أنفجرت وبدت تبكي, والله يآنآ بديت أغلي من الحرآرة ..
وقآلت لي / أن أمي تعبانه له 6 سنين تعب غريب, ماهنآ ديرة مآودينآه له عشآن تتعالج وودينآه أمس لشيخ ويقول الشيخ أنه مسحورة ,, أنآ من غير شعور خميته وقعدت أصيح معه ,,

وأقول بقلبي / شلون قدرت تخفي هالهمّ وتبدله بإبتسآمة دآئمة ..

>>>>>>>>>>>>>>>>>>>والله يآنآ قرقرة .. خخخ
مشكور تويكس,مواضيعك أكششن ..

[دِيم]

[align=center].
.


ياكرهي لــ هالشخصية ..
لا يمكنني التعايش معها .. للأسف ..
صحيح أحب الضحك والتنكيت لكن لكل مقام مقال ..
,
تعجبني الشخصية المرحة لكن الهزلية بهذا الشكل ..
هذه يجب أن لاتطلب احتراماً من أحد ..
**
بعدين كثرة الضحك تزيل الهيبة ..
والرجل ماهو بلا هيبته ...


**
أما بقية التعليقات أتركها لمن هم خلفي .. [/align]

[تركـي]

الشخصيه الهزليه غالبا موجوده بكل مكان
ودائما تجدها عند البسطاء .......

وترى هذه الشخصيه ينفس عن همومه بالهزل والضحك وعدم آخذ الآمور بجديه
وتجد لهم سوقا عند بعض الآشخاص وهناك من يرغبهم ويبحث عنهم ....

ووجود الرسمياات دائما في كل مجلس سوف ينفر منه الناس وسوف يجد نفسه وحيدا .....
والمناسبه تفرض الجد من الهزل اللتي يكون فيها الحدث ....

وذكرتني بحوطي عندي بالدواام مستحيل مايسوي حدث هزلي يوميا هههههههههه
ولكن طلباته دائما مجابه لخفة نفسه ..

عااد مدري انا بالموضوع والا شطحت .......

تحيتي .....

[احمد النجم]

النخبوين لايروق لهم هذه (النوعيه) من البشر!!

الا في حالات محدوده !! ابرز مساؤئهم انعدم الرقي لديهم!
عقولهم وتفكيرهم مكانك سر!!
صحيح ربما يشعرون بطقوس فيه أٌنس اكثر من غيرهم
لكن هذا ليس معيار للسعاده!!

بأختصار : هم مثل أجتماع العائله الكبير ..!! يصلح تشوفهم بالسنه مره!! أو مرتين

مبدع تويكس لكن هذا المره طرح فيه عزف بألحان متعدده!!

[زمن الغرباء]

أخي ..
النوعية ذي يبون جبال من الصبر خاصة اذا كان الوحد حمق .. خطر ياانه يثور بهم ولا يثور بنفسه ..
عموما ..
الواحد لاصار يبي حل لمشكلة ولا يبي يناقش بجد مايرووووح لهم ..
شكرا ,, وبالتوفيق

[لعيون دودي]

عزيزي...
مثل تلك الشخصيه تتعايش معنا كثيرا ومن يعرفها عن قرب يعلم بان تلك(طبيعه)متاصله بها
تحمل بداخلها قلب ابيض قد تناسى التعب والهموم
انا لا احبذا (التعايش) معها في كل الاوقات لاني ارفع رايه المقوله(لكل مقام مقال) وهي لا تعيرها اهتمام.
دمت برعايه الله

[Qassimy]

عندها مشكلة أنها لا تعرف التوقيت المناسب , الذي يجعل موقفها أشد حرجا .