ماذا تفعل إذا رأيت شغالة هاربة ؟

[كـش مـلـك]

[align=center]ماذا تفعل إذا رأيت شغالة هاربة ؟

بسم الله الرحمن الرحيم

أيها الأحبة ....................... السلام عليكم ورحمة الله وبركاته وبعد :

** ماذا تفعل إذا رأيت (شغالة) هاربة تترقب وتحمل حقيبة على كتفها وتتجه نحو شارع عام وفي وقت مستور أو ضائع أو تقف على شارع عام تنتظر سيارة أجرة أو سائق ليركبها ؟

** طبعا أقصد الشغالات اللواتي يهربن من المنازل وسيعرف ويفهم ويلاحظ ذلك كل إنسان كيّس فطن نبيه غيور .. من خلال خروجهن في أوقات العورة وغالبا ما يكون ذلك في الصباح الباكر من أيام الخميس أو الجمعة ومن خلال ارتباكها وحملها لحقيبتها أو حتى من خلا سؤالك لها وعدم إجابتها عليك .. فالشغالة التي تخرج للشارع لو سلمنا بذلك فإنها تخرج لرمي (القمامة) أو لشراء غرض ما من محل قريب عند بعض الأسر المفرطة .. !!

** أنا لا أتحدث عن حقوق المواطنين التي تضيع بسبب هروبهن والتي يعاني ولا يزال منها كثير من المواطنين وأسرهم بسبب ضياع أموالهم وأوقاتهم ومصالحهم بشكل يبعث على الأسى والقهر ودون تعويض ولا حماية ولا ضوابط من قبل الجهات الرسمية .. وكل ما عليك هو أن تبلغ الشرطة عن هروبها و(تقلب وجهك) لتبدأ رحلتك الثانية الأكثر بؤساً مع الشقاء والتقديم والخسائر والانتظار لعاملة منزلية أخرى ربما تلحق بصاحبتها وتهرب بعد أن تنتظرها ثلاثة شهور أو أكثر (هذا إن كنت ميسورا وتستطيع أن تقدم على ثانية) مع العلم أن وصول الشغالة إليك يكلفك ما بين تسعة آلاف وحتى العشرة آلاف ريال وبراتب شهري قدره (800) ريال !!

ــ ولا أتحدث عن أسباب هروبهن إن كنّ ظالمات في هروبهن ويبحثهن عن الكسب السريع بإمتهان (العارة) أوالمتعة الحرام .. أو كنّ مظلومات من قبل الكفلاء بسبب المعاملة السيئة أو العبودية أو عدم تسليمهن رواتبهن أو سرقته أو جحده أو نحو ذلك ..

ــ حديثي فقط عن دورك أيها المواطن إذا رأيت (مشروع هروب) أمام ناظريك لعاملة منزلية سوف تجني على البلد وأنظمته وعلى ومواطنيه كثيرا من الرزايا في هروبها هذا سواء كانت مظلومة أو ظالمة ؟

** هل تمسكها في الشارع (وكيف) وتبلغ عنها أقرب دورية شرطة ؟
ــ أم تقف وتتحادث معها لعلك تصل وبطريقة حكيمة إلى حلّ يمنع هروبها ؟ وكيف يكون ذلك وأنتما في الشارع وربما لا تجاريك في ذلك ؟

ــ هل تراقبها وتبلغ عن الشخص الذي أركبها ؟ وربما كان صاحب سيارة أجرة لا يعرفها ..أو قد اتفق معها ..

ــ هل تبتسم لها وتسلم عليها وتمشي ؟

ــ هل تسوي لي فيها (حمش) وتوصلها لوجهتها ؟

ــ هل تنظر إليها وتهز رأسك وتمشي ؟

ــ هل تركبها وتأخذها إلى بيت أهلك فربما هم في حاجة إلى (شغالة) !!!!!! ؟

** أسئلة كثيرة يتحدد من خلال أجوبتها أدوارنا نحن المواطنين في حماية مجتمعنا ومدى صحة وعقلانية تعاملنا تجاه هذه المشاكل؟

** وهل أنظمتنا تشجع على روح المبادرة في القضاء على الفساد والقيام بما هو واجب على كل مواطن ؟

** الموضوع مهم وحيوي خاصة وأننا نشاهد هذا الموقف كثيرا في شوارعنا ولكننا نجهل أو نقف عاجزين عن التصرف ومنع مشاكل كثيرة ستترتب على هروب هذا العاملة سواء من ناحية الكفيل نفسه أو من ناحية المجتمع وحماية مقدراته وأخلاقه ..

** لدي قصص طريفة وبعضها محزنة عن هروب الشغالات ولكن لا أريد الإطالة فلعلكم أيها الأخوة والأخوات وبتفاعلكم تقدمون بعض النماذج منها .

ـــ الإثنين : 9/7/1431هـ

** تحياتي وتقديري ،،،

** أخـوكـم كـش مـلـك [/align]

[العالميه]

المفروض اللي يشوفونها هاربه..
..يعطيها الآمان
ويعرض عليها تشتغل عنده بمبلغ هي تحدده..
وإذا نجحت الخطه ...
على طوووول الشرطه....
صح ولا لا؟؟؟

[كـش مـلـك]

اقتباس:  المشاركة الأصلية كتبت بواسطة العالميه     المفروض اللي يشوفونها هاربه.. ..يعطيها الآمان ويعرض عليها تشتغل عنده بمبلغ هي تحدده.. وإذا نجحت الخطه ... على طوووول الشرطه.... صح ولا لا؟؟؟

ــ هلا بالعالمية .. وشكرا لمشاركتك

ــ طيب يمكن ما تبغاك ... ومواعدة أحد .. !!؟

[بنت منيره]

>>>اخذه واخلي تنظف بيتنا وتدهر بالبيت



همن اذا خلصت ادق على شرطة يجون ياخذوونه

[العود الازرق]

اتابعه وأبلغ حتى تجي الجهات المسؤولة وتستلمه
ودوري انصح المواطنين هنا وفي كل مجلس
ان يتاملون معهن على انهن بشر يتعبن ويصيبهن ضائقه
ويملكن احساس فلا تعامل معاملة البهائم ،،

شكرا لك

[نزف العيون]

كد شفتها تمشي بالشارع والشارع فاضي يوم الخميس الصباح
وقفت عندها فقامت تبكي تقول ان ماما ماتعطيني اكل ولا تعطيني راتب اعطيتها ماء وبسكويت فطلبت مني ان اوصلها الى الشرطه قلت ليش قالت ابغى اسافر وهي تبكي اعتقد انه من الظلم اللي يجيها عند كفيلتها فطلبت الدوريه وعندما حضرت الدوريه مشيت ومادري وش صار عليها..

[مازن الفارس]

اقتباس:  المشاركة الأصلية كتبت بواسطة بنت منيره     >>>اخذه واخلي تنظف بيتنا وتدهر بالبيت همن اذا خلصت ادق على شرطة يجون ياخذوونه

8
8
8
نذله

[مازن الفارس]

لو حصلت شغاله مثل ماقلت احمدالله واقول جاب الله شغاله بلاش واضفه للبيت

[فديكا التميمي]

اعرف شغالتن هاجه له 3 اسابيع وللحين مالقينا اللي يحصله يعلمنااااا

[خن بط]

اقتباس:  المشاركة الأصلية كتبت بواسطة فديكا بريده     اعرف شغالتن هاجه له 3 اسابيع وللحين مالقينا اللي يحصله يعلمنااااا

انا مرة شفت شغاله الصبح بدري قبل ثلاث اسابيع بطريق النهضه واصفط بجنبها واتصل على الدوريات وعشر دقايق ويجون وكانت تبكي ..شكلها يامضروبه ياحاصل لها بلى ..المهم سجلوا الدوريات بياناتي الشخصيه والغريب وقفوا عندها وبس .

[عمري انت]

اقتباس:  المشاركة الأصلية كتبت بواسطة فديكا بريده     اعرف شغالتن هاجه له 3 اسابيع وللحين مالقينا اللي يحصله يعلمنااااا

فديكا حنا شغالتنا
هاجه امس الله
لا يعطيها عافيه بس خسرتنا جديده
ماتمت 3اشهر لاتصير مع اللي قلتي
عنهم

[خن بط]

اقتباس:  المشاركة الأصلية كتبت بواسطة عمري انت     فديكا حنا شغالتنا هاجه امس الله لا يعطيها عافيه بس خسرتنا جديده ماتمت 3اشهر لاتصير مع اللي قلتي عنهم

نصيحه .ولد عمي شغال بوزارة العمل ويقول إكتشفنا حالات نصب كثيرة بمكاتب الإستقدام . يتفقون مع الشغاله انها تروح لكفيلها شهر او شهرين وبعد كذا تهج وتتصل على المكتب ويعطونها ناس ثانين بدون نقل كفاله وبعد مايستلمون الفلوس من ذولا تجلس شهر وهمن تهج وتتصل على المكتب وهكذا .. يعني همهم قبض الفلوس وهي تاخذ نسبه من هالفلوس .
احسن شي تسوونه تاخذون الفيزه واذا تعرفون واحد يسافر لأندونيسيا عطوه الفيزه ويجيب لكم شغاله لا نصب ولا غش ولا يحزنون ...ترانا سوينا كذا وارتحنا

[نونـــــــــــــه]

الشغاله اذا ارتاحت في البيت الي تشتغل فيه اتحداكم تهج اوتفكر بس عاملوهااا كابشر مو حيوان وشوفووو انا شغالتنا لهاا ست سنين تروح وتجي حتى اذا جت تسافر تبكي ماودهااا تروح عامل الناس كما تحب ان يعاملوك تحياتي

[ست الستات]

الشغـآله الهاربه لاشفتها ببلغ عليها

ذكرتني بشغالتن لنا هربــت بس والله فــكه اللي تهرب وتفكك من شرها

أحسن من اللي تقعد وهي حاقده وتنوي لأهل البيت بالأذيـه


خساره كانت مشلحه علبة المناكير حقتي كـلها عاد يوم شفت نفسها فيها خليتها معها هديه هع

[صرقعة جيل]

والله مير الحين كل من ملت من البيت هجتـ....