[poet font="Simplified Arabic,3,black,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
إجمع أحزانك .. وهمك .. والعذاب=
وهلها في وسط صدري ... هلها
لا تخاف من الملامة .. والعتاب=
دام أنا راضي .. سيوفك سلها
فدوتك روح ٍ .. رضت بالإغتراب=
تتجه للموت .. لو تأشر لها
تمشي بشورك .. ولو شورك خراب=
ولعنبو روح ٍ ... تعاند خِلها
وفدوتك قلب ٍ .. يحبك ما يهاب=
لو وطى نارك .. أبد ما ملها
إطعنه .. ثم إنزعه بروس الحراب=
أقتله .. وإقطع عروقه كلها
وأكتب بدمه على الرمضا كتاب=
قل قتله العشق .. وروحه تلها
غسله .. ثم كفنه ببيض الثياب=
وفوق جثمانه .. صلاتك صلها
إقبره .. ثم إدفنه تحت التراب=
والنصايب فوق قبره .. فلها
إتركه .. وإرحل مع ظلال السحاب=
عش حياتك .. والتعاسة خلها
لاااا تفكر بي .. ولا تحسّـب حساب=
وإعرف إن روحي .. بقت بمحلها
وإن قتلك الشوق .. من طول الغياب=
سكتي يا قاتلي ... بتدلهااااا
[/poet]
.
.
ما أدري ليش نزلت هالقصيدة ؟؟؟؟
.
فيه شي ..... وشو ؟؟؟ ما أدري 
.
.
عموما أتمنى تعجبكم ... برضه تراها قديمة ، يعني من أمهات يي ..،
.
.
تصبحون علي خير
.
وسامحوني
.
أخوكم /
فهد الفوزان
العرض العادي
