الجحادة عندنا وصلت العداااااااد

[SAGA]

[align=center] بسم الله الرحمن الرحيم[/align]
في التعداد السكاني لهذا العام وقبل عدة أعوام شهدت من بعض الأسر
عدم إدلائها بالمعلومات الصحيحة للعداد
وجحادة <إنكار>بعض الممتلكات كعدد خطوط الهاتف الذي يمتلكها المواطن وعدد أجهزة الحاسب الآلي وعدد الخادمات والبعض بشق الأنفس يدلي بإسم زوجته أوبناتهَ!! حقيقة لاأعلم ماهدفهم من ذلك
هل تؤيدون هؤلاء أم لا


دمتم بود..

[خن بط]

انا ماقهرن إلا واحد من حقين التعداد طق على بيت واحدن منتف وبيته خرابه ويقول له : كم عندك من خدامه ؟؟ وهل لديك سائق ؟؟ وهذاك المنتف طايرتن بوهته .

[أروجه]

وشوله يسألون كم جهاز كمبيوتر بالبيت؟ ودي أدري شرافه بس

[عذبـــــة]

اتذكرت وحده ساكنه هي وبنتها في البيت ومامعهم احد
ويسألها الموظف يقولها كم انتم بالبيت؟
قالت انا وبنتي وثلاثة جذاعين
يوم سألناها ليش قلتي عندك عيال وانتي تكذبين؟
قالت تبونن اقولهم انا وبنتي لحالنا يقمز علينا تالي الليل ؟ ههههههه
ياحبيلها هالعجيز تفكر لبعيد
وانا اجزم ان اكثر العوائل يسوون مثلها واكثر

[أســماء]

تحجر فكري لا اكثر

[شـموخ انـسـآنـہ]

هههههههههههه
هي وقفت ع التعداد السكآني وبس
بكل شي يجحدون وكل ششي يبين
ويقولون لي مآيصلح ترا كل شي يقال آآآه اذا ماعرفوا من بيعرفون من غيري تطلع من أحسن
تفكيرهم منغلق

[X 7oor S3od X]

اقتباس:  المشاركة الأصلية كتبت بواسطة عذبـــــة     قالت تبونن اقولهم انا وبنتي لحالنا يقمز علينا تالي الليل ؟ ههههههه

ههههههههه يابعدي هي .. قطعة براءه

ياحبهم للنشده هالتعـداد خخخ
والله من التشليق عليهم من هالسكان

أقص إيدي مع الكتف إذا كل هالسكان بيجاوبون بذمه
قولي إيه بس ..
عاد الله أكبر وإذا قالوا عندنا عشر بنات وخمس جذاعين وثمان أجهزه محمول
وخمس دورات مياه - أعزكم الله - وشغالتين وسواق ؟
وش بيسوون ؟

[أبو الريش]

يجحدون اييش يعني مازال التخلف بهالأرض معشش مايبون يتطورون,,

قصمان لو تطورت بنجلاديش ماتطورو,,

[عذبـــــة]

تقول اختي انهم يقولون لنا شغالتكم متزوجة ؟ عندها عيال ؟ وش جنسيتها ؟

وش دخل الشغالة مادري !!

[تركـي]

لو كانت هناك نشرات توعويه في الآعلام عن التعداد والهدف منه ........
لأصبح كل يدلي بالحقيقه ...........
ولكن مالهدف من الاسئله اللتي لاتقدم ولاتؤخر ؟؟؟
وكل العوائل لاتجيب بالحقيقه لأنها امام شيء غامض ولا يوجد له هدف ..

وعند الشورى الخبر اليقين ...


تحيتي 0

[" TWIX "]

عذبـــة ..

اقتباس: اتذكرت وحده ساكنه هي وبنتها في البيت ومامعهم احد ويسألها الموظف يقولها كم انتم بالبيت؟ قالت انا وبنتي وثلاثة جذاعين يوم سألناها ليش قلتي عندك عيال وانتي تكذبين؟ قالت تبونن اقولهم انا وبنتي لحالنا يقمز علينا تالي الليل ؟ ههههههه ياحبيلها هالعجيز تفكر لبعيد وانا اجزم ان اكثر العوائل يسوون مثلها واكثر

[زخات المطر]

اقتباس: قالت تبونن اقولهم انا وبنتي لحالنا يقمز علينا تالي الليل ؟ ههههههه

ياحليلها ، صاحية صدق

اقتباس:  المشاركة الأصلية كتبت بواسطة تركي 22     لو كانت هناك نشرات توعويه في الآعلام عن التعداد والهدف منه ........ لأصبح كل يدلي بالحقيقه ........... ولكن مالهدف من الاسئله اللتي لاتقدم ولاتؤخر ؟؟؟ وكل العوائل لاتجيب بالحقيقه لأنها امام شيء غامض ولا يوجد له هدف .. وعند الشورى الخبر اليقين ... تحيتي 0

قلتها ياتركي ، لو فيه نشرات تُوضح السبب و الهدف من التعداد السكاني ..

افضل شي لمجتمعات متحفظَّة مثل هالمجتمع ، ان يكون موظفي ( التعداد الميداني ) ، مقيم عربي ..عشان الأسر تتجاوب معه بكل مصداقية و اريحيه ...

[الــمــقــلــع]

التعداد اخبره كم عدد الاولاد وعدد البنات

والله ماشاء الله تطور وصار كم عدد الاجهزه وكم التلفزيونات والله يستر من التعداد الجاي<< معقوله بيصير كم عدد ملابسكم

[ونة خفية]

يمكن خايفين من النحاته ،ودولتنا الموقره وش حقه يسألون عن عدد الخدم و الحواسيب !يعني ماكفاهم حال الشعب المزريه وإلا يبون المزيد من البخس والتنتيف

[رتوش]

اقتباس:  المشاركة الأصلية كتبت بواسطة عذبـــــة     اتذكرت وحده ساكنه هي وبنتها في البيت ومامعهم احد

اقتباس:  المشاركة الأصلية كتبت بواسطة عذبـــــة     ويسألها الموظف يقولها كم انتم بالبيت؟ قالت انا وبنتي وثلاثة جذاعين يوم سألناها ليش قلتي عندك عيال وانتي تكذبين؟ قالت تبونن اقولهم انا وبنتي لحالنا يقمز علينا تالي الليل ؟ ههههههه ياحبيلها هالعجيز تفكر لبعيد وانا اجزم ان اكثر العوائل يسوون مثلها واكثر

أحلى مافي الموضوع هالرد
الكع من القصيميات ماشفت