--------------------------------------------------------------------------------
كثير من الاصحاب يستغربون تفضيلى للجلوس مع كبار السن عن جلساتهم ينعتونى احيان
بالتخلف او (الشيبه)!!! رغم تلك النعوت الا انها تزيدنى اصرارا على متابعة (وحشر ) نفسي معهم
في جلساتهم بشكل يومى ...كان جدى رحمة الله عليه بعد صلاة الفجر (يسحب من الحطب)
ويشب النار (بالحوش) والدخان يتصاعد بالحى وكأنه (مشويات شاميه ) ولا يشرب القهوه الا من
الدله على النار كنت اجلس عنده وهو يقوم (بطبخها) وكان يطيل النظر فيها وهى تطبخ
على النار ..وكان يقول لي (انت ماوراك تعلوم) يعنى مدرسه !!! ولانى ملقوف وقتها سالته
ياجد انت تفكر بشو ؟؟؟ نظر الي ..وكانه مستحقرنى ..المهم رحت (التعلوم) في نفس اليوم
وبعد المغرب شاهدته على(شبة)النار جلست ايضا يطيل النظر مثل مافعل بالصباح
التفت الي وقال ...(ياوليدى احس بي ضيقه )وهو يحرك بعصاه الجمر ..قلت ياجد الله لايجيب الضيقه
قاطعنى وقال(ياوليدى مو ضيقة قلة الدين الا بالله ضيقة الونيس الرجال اللى في سنى ماعاد بقى
منهم احد !!! واللى يقى مادرى وين راحت به الايام هو شرق او غرب ؟؟؟ يوم تشوفنى سارح
ياوليدى كنت افكر فيهم وبالايام اللى كنا فيها مع بعض..السنين تطرد ياوليدى والله يعين عليها
الوقت هالحين لكم مو لنا ...الشياب لما يجلسون مع بعضهم يحكون قصصهم القديمه
والمواقف اللى تعرضو له ...ياوليدى الشياب يستانسون لما احد يفكرهم بايامهم )...انتهى
لاتخلو بعض البيوت من كبار السن لكن لما يحبون الانطواء لوحدهم ...وما ان اتى اليهم شخص
يتحدث اليهم..تحدثو بشغف ..بتلك الابتسامه الجمليه كلون الصباح ..وكأنه مسجون في غرفه وتم
اطلاق سراحه!!!! لكن من الملاحظ ان جميع احاديثهم عن القصص القديمه الرائعه ممزوجه بالقصايد
والحكم لا غيبه او نميمه (فلان وفلان لفو على فلان في الديره الفلانيه ) والخ من القصص والاحاديث
في وقتنا الراهن اغلب بعض الاسر يهملون كبار السن ليس بالرعايه وانما بالجلوس ومداعبتهم
والحديث معهم ..احساسهم بانهم ثقيلين على اهل البيت بسب عدم الجلوس معهم ...كبار السن
مثل الاطفال في احساسهم يحبون احد يلتفت لهم وييشعرهم بالاهتمام ..بالاضافه الى الاستفاده
من الحكم القصص التى يحملوها ..متعة الجلوس معهم لها طعم خاص ..وماشين على الفطره
احيان تجدهم يجلسون خارج البيت على عتبة الباب يتأملون الناس ...والبعض منهم
(كالبشكه اللى اجلس عندهم ) يتجمعون عند احدهم بعد المغرب او العصر يتبادلون الاحاديث
القديمه ..علما (طردونى اكثر من مره لمشاغبتى لهم وتعليقاتى على قصصهم ) بس ارجع
لهم . ..يا اخوان كبار السن لايشكون ابدا ان ضاقت خواطرهم من شي بل يصمتون حتى
لايشعرون احد بانهم ثقيلين عليهم قلوبهم كالاطفال وانتم تعرفون مايحتاجه الاطفال من حب
حنان وعطف ..وليس ان ناتى اليهم بالاكل ؟؟!!! انما بالجلوس معهم ونحسسهم بالاهتمام
(كبار السن هم بركة المنازل )
تــالمت لذلك الزمــان ((جدي))
العرض العادي
