ودي اذكر كيف كانت ضحكتي لامني ضحكت...

[pepsi]

[align=left]



أمس ضقت ورحت أقلب ذكرياتي وانتهيت ..
عندصورة طفل صوته مثل صوتي لاانجرحت



وش مثل لاوالله الاهذا أنا يوم ابتديت ..
أنطق حروف تلعثم في لساني لاانمدحت


هذا أنايوم الحياة بنظرتي عشرين بيت ..
ومسجدين ومدرسه من طين كم فيها اصطبحت


هذا أنا وأصبحت أتمتم هذا أنا حتى بغيت ..
أختنق بس القدر عيا على موتي وطحت


وصاح صوت الطفل فيني انت من وين ارتميت ..
قلت أنا المستقبل اللي فيه كم همت وطمحت


أمس كنت أبيك تكبر بس والله لودريت ..
اني اللي عشت لجله مت عندك واسترحت


لودريت ان الزمان يجر رجلي ماعديت ..
ولودريت ان البحور بلا مواني ما سبحت


كان دربك لي طويل وكل ماشفتك هويت ..
قلت لك كبوة جواد وماكبيت الا وجمحت


ليه تسمعني وتمشي آآآآآه ليتك مامشيت ..
و آآآآآهـ ليتك من كثرعثرات الأيام انتصحت


ضاعت أحلامي وظل الحزن فيني واهتديت ..
للطريق اللي يوديني على دمعي ورحت


يالحزن ليتك مثل دمعي وتنزل لارقيت ..
بس أعرفك لو مسحت الدمع تبقى ماانمسحت


كان حلمي في وجود انسان يبكي لابكيت ..
وصارحلمي في وجود انسان يفرح لافرحت


كنت أشوف الناس مثلي كل ماجعت وضميت ..
مادريت ان الأوادم ناس فوق و ناس تحت


آآآآه يااول ذكرياتي خذني بحضنك نسيت ..
لسألك عن وجه أبوي اللي معه ياماسرحت


وخذني بحضنك أبغفى ياااه مبطي ماغفيت ..
وان لمحت دموع عيني سونفسك مالمحت

صعب لامنك فشلت وصعب لامنك لقيت
ان من يكره نجاحك يدري انك مانجحت

خذني بحضنك وبعثر في جروحي وان قضيت ..
هزلي كتفي وقل لي عيب تبكي لو سمحت


اضحك وعلم زماني من أنامن وين جيت ..
طق باب الحزن واصرخ في لامني فتحت


وضمني يمك وكمل ضحكتك لامن بكيت ..
ودي أذكركيف كانت ضحكتي لامن فرحت [/align]

[عادل الحبيتر]

كلمات وحروف رااائعه

اشكرك كل الشكر على الطرح المميز

لك تحياتي وتقديري

عادل

[pepsi]

الشكر لك اخ عادل علي التواجد الف عافيه خيووو

[طبيبة القلوب]

[align=right]رووح الأبدآع,,
قلبي الكبير


مدارات تجوب بها النفس

وتنهيدة بحجم السماء

فحروفكِ تنطق الآهات

وتسلل للنبض حد الاحتراق

اخرجتي للحزن لغه مختلفه

جميله واكثر رغم الالم

شكراً تتناسل من طهر وتهديك الورد والود

لجديدكِ بشوق ننتظر

لروحكِ الامان ..[/align]

[pepsi]

يسعدني حظورك
كل التقدير والامتنان لمرورك الرائع اختي