ممكن تساعدوني ضروري

[مضيعه بريده]

كل عام وانتم بخير


اريد مساعدتكم في رقم حرمه تصلح علاج شعبي للنفاس ببريده


محتاجته ضروري سمعت بها لكن ما اعرف رقمهااا


اختى راح تولد ومحتاجه الادويه تكون جاهزه ومصلحه


الي تعرف تساعدني


ولكم جزيل شكري

[بطلة العالم]

معلوووووومه اسمعه من امي دايم تهاوش اللي يشرن من الحريم تقول ماينفع يحطن به كل ماهب ودب

روحي للعطار واشري حلب مطحون

واشري رشاد

وش بعد مممممم

الرشاد يوكل مع عبيطة التمر<<<تلقى جاهزه عند محلات التمر

والحلب حطي ببريق ما وفوحيه حق يومين وتشربه الصبح وبليل

وتكثر من اكل الطحنيه واللحم والرز والمصابيب

وتقول امي خوا جوا وزيت زيتون مامثله

والصيدليه ماتهون

^^^^^^^^^^^^^^^^^^

كلام امي الله يخليه لي

وتقول امي عساه هي اضنت بس؟؟

وتقول امي ليتهم حولي ازين لهم؟؟<<<متضامنه

[مضيعه بريده]

بطله العالم

ما قصرتي والله يسعدك


ويسلم امك يارب ويحفظه مهب لي لاختي هي الي بتنفس

انا سمعت عن حرمه يمدحونه تبيع العلاجات 200 ريال كل شي به حتى النقوعه للطفل

[عاشق الخير]

لا اعرف افضل من ام فريح ..

ما شاء الله عليها جربتها لزوجتي وبنتي في حالتين مختلفتين ..
وبعد زيارات للمستشفيات بلا فائده ..

تم التشخيص والشفاء على يديها بعد الله سبحانه ..

[جبل السكر]

الله يساعدها ويعينها ويقومها بالسلامه
منكم نستفيد مابعرف لدي الأشياء




تحيتي

[مضيعه بريده]

الف شكر لكم جميعا

ياليت احد يفيدني

[أسيل محمد]

بالعكس فيه نسوان شغلهم زين بس لو تصبرين علي شوي وارسلك الرقم بس انا الحين ماني متأكده اشوف امي تجيب لأختي وله ... والله شغله مضموووووووون مره بس اللي ماني متأكده منه مادري هس تسوي لكل احد وإلا لا ....

الله يسهل عليها يارب ...

[مضيعه بريده]

جندواناا


الف شكر لك وياليت ما تتاخري بالرقم لاني محتاجته ضروري
ما قصرتي انتظرك على الخاص

[المختبه]

شوفي ام فريح مثل ماقالو لك

اذا تبين رقمه ارسله لك

[مضيعه بريده]

هلا وغلا انا عندي رقم ام فريح لكن انا ابغى الي تصلح علاجات النفاس الف شكر لك ما قصرتي

[>ريانه<]

جاري البحث لك

[سهاد]

احذري علاج احد ماتعرفينه ..ربما يكون مخلط وفيه امور تضر او ربما يكون من زمان مطحون ويصبح نقمه عليك ...

انتبهي لروحك وروحي للفلاج وغيره واختاري الاساسيات (حلب ورشاد ومحلب وكمون وماش )وكولي كل واحد بوقت وابعدي عن الشر نصيحه ..ولاتخلطين ترى شيء يخرب على شيء

الماش اطبخيه كـ شووربه مع لحم ممتاز للظهر ولذيذ ..والحلب مع الحليب الصبحيه
والكمون مره باليوم كأس ..

القرفه (الدارسين)بعد خليه مشروبك العصريه ...وماتشوفين شر

الله يتمم عليك

[مضيعه بريده]

الف شكر لكم

بنتظار البقيه