حصلت لي وظيفة كل شروطها مقدور عليها إلا شرط .. شوركم ؟

[سَـاكنة القـلب]

[align=center]
يسعد لي مساكم ..

سبحان الله إذا بغيت الشي يجيك .. لاتدور عنه !!
الصيف امترضت وأنا أدور على وظيفه لو ألف ريال ماحصلت !!

والحين جاتني وظيفة ولا بالحلم ..
بقولكم المميزات وبعدين السلبيات .. وأمآآآآآآآآآنه حطوا حالكم بحالي وعطوني رايكم ..

المميزات ..
1/ الراتب أقل ماأقول عنه خورآآآآآآآفي وبدون أي مبالغة (فوق الخمس آلاف ) .

2/ شروطها كلها مقدور عليها إلا شرط واحد ومكانها قريب حيل من بيتنا .

3/ إذا حصلت على الشهادة الجامعية(بأي تخصص) يزيد راتبي .

4/ أحتاج للفلوس مو من ناحية أهلي مقصرين علي بشي ، لا أبدا بس أنا أحب أدلع نفسي ومابي أكلف على اهلي أكثر من طاقتهم
غير كذا بصير اهدي وادلعهم فيصير لي غلا خاص .

5/ أنا انسانة مزاجية ونفسيتي أقدر أقول عنها تعبآآآآآآنه وكثير أتمشكل مع اهلي المساكين ويأنبني ضميري واعتذر وعلى هالحال
فأحس الوظيفة بتملا علي وقتي وتشغلني وتشغل بالي ..

وفي مميزات ثانية فالوظيفة وفي وضعي بس هذا أكثر شي هامني ..

السلبيات ..

1/ كشف الوجه ولاحول ولاقوة إلا بالله !!
أول مره فحياتي أشوف ناس مايشترطون خبرة ولاشهادة ولاتخصص معين ويشترطون الكشف !!!

2/ أغلبهم أجانب ..
وأنا عندي حسآآآآآآآآسية من شي اسمه اجنبي من حرتي عليهم !!
الخير خيرنا وهم اللي ماكلينه .. أنا رواتبنا على ألف ونص وكرف الحمير ودوام طويل .. وهم سيارات آخر موديل والوظايف الزينه لهم !!
والمطاعم والملاهي والمقاهي ماترسها الا هم !!
فممكن أتمشكل معاهم لأني ماأطيقهم أبدا ومااتحمل يصير يتامر علي اجنبي ولدرجة أني أحط هالسبب بقوة السبب الأول عندي .


بالأخير أقول .. أنا طبعا مارح أحط مكياج ولا اتعدل بس خايفه انه يكون حرام .. ولو صار حلال خايفه أتمادى لأن تعرفون كثرة الامساس تميت الاحساس وانا قد صارت لي تجربة فالاختلاط اللي كنت متهوله منه وخايفة وتبلد احساسي مع الوقت !!

والله ضايق صدري وأحيانا أقول حرام ماني متوظفه مع ان والله مو من طوعي بس خايفه يكون حرام وأكون سنيت سنة سيئة للي يعرفني ويقلدني وأحيانا أقول اجل أجلس واتمشكل مع اهلي المساكين واترك هالاجانب يلهفونا ومااااادري صراحة اشلون

اهلي كلمتهم الوحيدة اللي ماتتغير .. بكيفك !
والاستخارة واستخرت والين الحين محتارة
شوركم ؟


اللهم اغننا بحلالك عن حرامك وبفضلك عمن سوآك .







[/align]

[تركـي]

شوري ونصيحه

لاتكوني طعم لهم
حتى لو كان راتبهم عشرة الاف
الاختلاط وماادراك الاختلاط

وآقتدي بقول الله عز وجل (( ومن يتق الله يجعل له مخرجا ))
ويمكن انتي جاوبتي بقولك

اللهم اغننا بحلالك عن حرامك وبفضلك عمن سوآك .

الله يرزقك الوظيفه اللي تخليك تتدلعي وتنبسطي 0



تحيتي 0

[eivl girl]

تاركه ابوك واخوانك وجايه تشاوريننا!!!!!!!!!!
ببريده تسذبين مافي شرط كشف عطيني مكان توظيف يطلب هالطلب

[نور سينM]

طيب قولي وش اسم هالوظيفه؟...لان ماعمري سمعت من بين الشروط في جميع الوظائف كشف الوجه..يعني حتى الطقاقه واهي طقاقه ماتكشف...

[إلينـ اليوم]

كاشير بالسوبر

[علشانك بس]

توظفي عندهم بس وانبسطي ,,
منها تاخذين خمس الآف ومنها تفتشين بلا غطاء بلا هم وكتمة ,,
وغير هذا جنب بيتكم ,,
يعني عادي تطلعين من دوامك لبيت اهلك بدون ماتتغطين حتى تكملينها فاتشة الين بيت اهلك ,,
لاتفوتين الفرصه بس وتوظفي فيها ,,
واذا ماجازت لك علميني انا اتوظف فيها ,, لأني ودي بوظيفة مافيها غطاء ,,

















من ترك شيئا لله عوضه الله خيرا منه ,,

[سَـاكنة القـلب]

[align=center]
أخوي تركي /

بس أنا أبيها بقوة وأنت قريت الموضوع وقرت اسبابي ، وغير كذا لو اتشوف الأجانب هذاهم ماشيه حياتهم ولا احلى ولااحسن صاروا طعم !!

والله ردك جآ عالجرح وانت صادق بكل كلمة
بس الواحد متى تحصل له !!

أشكرك جداً لاهتمامك ودعواتك .. ولك بمثل يآرب


eivl girl /

الأخت الفاضلة .. حسن الخلق لايكلفك شيئاً ويرفع من مقامك عند الخلق وعند ربك .
أنا لست ببريدة الحبيبة .. شكراً لاهتمامك .
[/align]

[نور سينM]

ننتظر نبي انعرف وش اسم الوظيفه...

[Modern]

،








مدري ليه الاعضاء يحسبون لازم بكل موضوع يتميحلون ؟؟

اللي يكذّب صاحب الموضوع واللي يسأل اسئله مالها علاقه ولا تزيد ولا تعيد بالموضوع بس بيسوي ابو الكفيّش !

اذا منت مصدق او مو مقتنع بهالكلام ليه تكلف على نفسك وترد !

مادري ليه ماتستحضرون النيه الطيبه قبل النيه السيئه قبل تردون !


ماعلينا ،،


بالنسبه للموضوع اعتقد اشتراط الكشف مقدمه لشروط لاحقه مجهزه مسبقاً..!

ليقينهم بأن القبول بالكشف داخل مجتمع كمجتمعنا كفيل بقبول اي شروط اخرى !

ايضاً كفيل بالتنازلات مهما كانت عميقه لاحقاً !


وبالنسبه لي ماشوف بهذي الوظيفه ذيك الفرصه الذهبيه والمغريات الثمينه اللي تخليك تندمين لو ماتوظفتي فيها !








،

[سَـاكنة القـلب]

نور /

مكان الوظيفة ، نوعها ، وماسوى ذلك هو مايخصني شخصياً ولايضيف للمستشار شيئاً .. !
بل إنني حتى لم أذكر كل المميزات وكل السلبيات ، لأنها لاتفيد في المشورة وإنما ترضي معشر (الملاقيف) .

شكراً لاهتمامك حبيبتي .

الين اليوم /

شكراً للاهتمام .

علشانك /

شكراً للاهتمام .

[نور سينM]

8

8

اذا كنت تقصدني انا بالعكس انا اسأل اسئله مهمه عشان ننصحها..يعني لازم نعرف الوظيفه وانشوف هي تناسبه اولا

[سَـاكنة القـلب]

Modern /

طبيعي تشوف أمثال هالردود ، وقيلت سابقاً .. من لايملك إلا مطرقة فسيتعامل مع كل شي على انه مسمار !


بالنسبة لمشورتك ..
خلني أكون صريحة معاك وأقولك أنا خاطري فيها وخاطري أحد يريحني من تأنيب الضمير وبس.. بصراحة يعني .

أخي الكريم ..
لو تلاحظ كلامك قوي وحسستني إني رايحة لمكان مشبوه مو وظيفة محترمة رسمية !!

أما من ناحية إذا تقصد بعض المضايقات والتحرش فهذي تحصل فكل مكان بدءاً من الأسواق وليس نهاية بالمستشفيات !!

التنازلات أبداً مارح تكون بإذن الله ، لأني مو مغصوبة على شي ولو ماارتحت أترك الوظيفة وانتهينا !!

أما مااتوظف عشآن (يمكن) يصير شي ، فهذا اللي بيخليني أتحسر طول عمري .

تقول مااتشوف فيها فرصة ذهبية ، وأنا أأيدك !
لأنها فرصة ألماسية !
أخوي احنا مو فالإمارات ولا قطر !
الشباب عاطلين باطلين والشاطر فيهم حصلت له وظيفة بمطعم وسواه !!
وحتى الوظيفة المواجهه اجتماعياً كم رواتبهم ياحسرة ؟!!
هذا وهم رجال ..


أما الوظايف اللي متوفرة للحريم وكرفها اللي يهول ورواتبها المشرفة فمايحتاج أتكلم عنها !!

أما لو توظفت واستغليت الفرصة ..

مامعي شهادة وراتبي فوق الخمسة !
بالشهادة بيزيد !
مميزاتها روعة !
التخصص مو مطلوب وهذي من يحصلها ؟؟
مكانها قريب يعني بضمن أبوي أو اي احد يوصلني ومااضطر لسيارة خاصة ووجع الراس
والباقي ذاكرته أنا بالموضوع واهو مهم جداً بالنسبة لي .. و أنا أبي أنشغل أصلاً .. يجيني شغل بهالمميزات الخيالية وأعافه ؟!!!

شكراً لردك رغم إنك عطيتني إشارات حمرآ واكتفيت بها .. يعني أحسك خوفتني بدون ماتذكر سبب معين واضح ..

يبقى الشكر كل الشكر لاهتمامك ..
لاحرمت الجنان .

[غــــلآ]

إختي ..
لو أسبآبك معآنآة من قلة الدخل أو إنك تعولين أسره بحآجتك ومآلهم غير الله ثم أنتي يمكن يهون إنك تقولين أبي هالوظيفه ..
بس أسبآبك مآدري احسه موب مقبوله ..( تدلعين نفسك .. وتبعدين عن مشآكلك مع أهلك )



من ترك شيئاً لله عوضه الله خيراً منه

تقبلي كلآمي بصدر رحب

[غَسَقْ,]

اللي مَضايقك كشف الوجه والإِختلآط بس !
لا يآخيتي توكلي على الله وخوذيها لاتطير منك , حنا الشباب عاطلين مالقينا وظايف
أَمسكيها لاتطير منك بس .. "يالله أَستر على بناتنا ولاتبلاهن"
حنا خلاص بَآخر الزمان

[eivl girl]

مافي اي جهه بالمملكه ككل تطلب او تشترط كشف الوجه
ولك حق ترفضين هالطلب مع بقاء الوظيفه لان الحجاب بند من بنود الدوله السعوديه
ولا يمكن بنت تجبر على خلعه!!!!!!!!!!!!!