بحر + حرارة = ماء مشوي >>يالله انك ترحمنا (! _ !) صور وبلاوي

[برق الوسم]

بسم الله الرحمن الرحيم

.

.

السلام عليكم ورحمة الله وبركاته

رمضان مبارك وعيد سعيد وحج مبارك وتقطعون ضحياكم بالعافيه<
مرة وحدة خخ يااااه رمضان يالله الواحد يفضى يحك خشيمه ,, من أول ماتقوم يالله يمديك ع البلع ثمن تراويح بعدين قيام ثمن بلع مرتن أخرى

ياسرع رمضان ذالسنة بس الله يكتبنا من صوامه وقوامه ومن قرّاء قرانه عساكم ختمتوه بس وأهم شي بتدبر وفهم آياته مب يشلوطه شلوطه والا وش الفايدة من قرائته المهم وأنا جالس أقرا هالسنة مريت بقصص الاقوام اللي قبل عاد و ثمود و فرعون كيف كانوا يعصون الله ووش صارلهم من تعذيب انهم ماتوا بالريح والا بالصاعقة والا بالطوفان كيييف مدينة كاملة أُغرقت يعني قوووية وماأتخيل :/ بس لما فكرت فيها لقيت انه صارلنا هالحوادث أو الكوارث في زمننا الحالي

طبعاً كلنا مانقدر ننسى تسونامي
كنت دايم أفكر وش هالتسونامي ووشلون ماتوا وهي مويه عادية وبحثت عنها عشان أعرف صارت لآآآآآآ السبب همآآآ المويه حقت البحر انحسرت تحت الأرض وتحت الأرض وش فيه ? حمم ومواد منصهرة فصارت موية بحر بنكهة مشٍوي وحآآآرة ..
بعذرها الموية طالعة سوداء
( افتحوا أي مقطع في اليوتيوب باسم تسونامي )لاء ماحنا بفاتحين !!

عاد فيه واحد من الدعاة راح للمدينة اللي صارت فيها الكارثة حبّ يشوف بنفسه وش صار شاف شي صراحة يهوّل على قولته ( يوم القيامة ) الجثث بالأكوام والشجر المقطع والبيوت المهدمة وريحة الموت والجثث تعمّ المكان قال في نفسه ذولا ماجاهم شي الا من شي هايل مسوينه :/ ..

أصوول الأشجار قُلّعت :/

اثآر الدمار كلش انهدم الا المساجد سبحان الله

من الحقايق ..

- عدد اللي ماتوا أكثر من 160 ألف شخص
- أكثر من مليون مشرد
- أكثر من 12 ألف أو 15 ألف مفقودين مايدرون وينهم

شلتها عشان مشاعركم

^^

هذي صور لجثة مسلووووقة مررة ( طبعا بلباس البحر ) من غير هدُوم
اللهم انّا نسألك حُسن الخاتمة

من كثر الجثث حفرولهم حفرة كبيرة ونطلوهم فيها وطبعاً شالوها بالدركتر عشان ماتتفتت على قولتهم

طبعا الشيخ أنهبل من المنظر اللي يروّع وسأل أحد الصيادين اللي يشتغلون عالشاطئ وش السبب من هالكارثة اللي صارت هل هي البلاوي اللي تطلع من السيّاح ?

قال والله من المسلمين أنفسهم
على كلامه حرفيا ( أصبح المسلمين ياتون الفاحشة على مرئاً ومسمع من الجميع و يأتي الكفار ويزنون ببنات المسلمين على الشواطئ والمسلمون ينظرون ولايتحرك فيهم شيء )

صُعقت الصرآآآآآحة يوم دريت بهالشي توصل معهم لفآآآآحشة خلنا من مسألة حرام وحلال استح على وجهك يآآآخي يعني مدري صراحة الموقف يحزّن ماأقدر أقول الا ( ياجسرك )

سووا زنا وشربوا خمر وانتهكوا المحارم والأدهى والأمرّ انهم راضييين وساكتييين وماكان فيه هيئةالأمر بالمعرووف والنهي عن المنكر وهنا المغزى من هالشرح المؤلم كله والسبب من اضافتي لموضوع جديد يكمن هنآآ

وينكم ياحقين سب الهيئة كل ماطق عود حصاة قاموا يقولون فيهم ومافيهم وبعدين حتى لو صار فيهم بلى فهو القليل منهم وأصلاً المفروض تتكتم عنه ولاتعممه وهذا الشي ماخذين حكمه من ثالث ثنوي آآه فيني منقهر منكم بس اصبروا خلوني أخلّص قصة الرجال وجايكم

المهم انهم وصلوا لدرجة شنيعة من المعاصي حتى أغضبوا الجبّار و حلّ بهم العذاب

{ فَلَمَّا آسَفُونَا انتَقَمْنَا مِنْهُمْ فَأَغْرَقْنَاهُمْ أَجْمَعِينَ }

وختم الرجال كلامه للشيخ بقوله.. ( أين أنتم ؟ أين الدعاة ؟ سبحان الله .. لايأتي منكم إلا من يزنون ببناتنا !! ) ..

من جد كلمته تعوّر وتحز بالقلب دولة كبيرة ومسلمة وتعتبر أكبر رمز للأسلام !
شوهوا سمعتنا حثالة مجتمعنا

وش عقب تقفيلة تايلند عنّا ذيك الفترة :/ < بس اعجبتني تقفيلة
الله يهديهم..

يالله رجعتلكم والله ثم والله انتم في نعمة غيركم وأبسطها مثال تسونامي ..
يعني والله مالنا غناة عنهم والله اني استانست آخر العشر الأواخر من رمضان في السوق يوم دخلوا الهيئة يالهم هيبة الله لايخلينا يكفي انهم أول مادخلوا قاموا يتغطون الحريم وكلن قام يضبط عبايته .. والله انها ليلة 28 ومنظر العبايات الملون والمزركش وشي شيفون وتحته ستان ملوّن قسم بالله حرام عليكم عالأقل عشان حرمة هالشهر وعشر أواخر بعد
هذا غير اللي يفتشون مع تطليع باقة من خصيلات الشعر

والله ياخوفي يصير بنا ماصار لتسونامي وحنّا ساكتين
قسم بالله ذاك اليوم وحدة ماشاء الله عبايتها ساترة وقفازات والله انها جنب وحدة وملاصقتها وحدة أنواع الزركشة في العبايات وساكته ولانصحتها ولا قالتلها شي ليه حنّا كذا ليه صار الأمر بالمعروف والنهي عن المنكر شي صعب وأولكم أنا ليه تسكت واستحي >>>خايف من الكعب يجي على راسي..

عن النعمان بن بشيرعن النبي صلى الله عليه وسلم قال:
( مثل القائم في حدود الله والواقع فيها كمثل قوم استهموا على سفينة
فصار بعضهم اعلاها وبعضهم أسفلها، وكان الذين في أسفلها إذا استقوا من الماء
مروراً على من فوقهم، فقالوا: لو أنا خرقنا في نصيبنا خرقاً ولم نؤذ من فوقنا ،
فإذا تركوهم وما أرادو هلكوا جميعاً ، وإن أخذوا على أيديهم نجوا ونجوا جميعاً )
رواه البخاري

يعني تعرفون وش معنى هالحديث

كما بين النبي صلى الله عليه وسلم ..
** أن الركاب إن (داهنوا) أو (سكتوا) عنه هلكوا جميعاً .. ( الله لايقوله )
** وإن أوقفوه عند حده وقاموا بتغيير هذا المنكر وتحذير الناس من هذه الفعلة الشنيعة
نجوا جميعاً .. ( بـإذن الله )

وهذا اللي صار بتسونامي أُغرقُوا كلهم

لا وطلعت ألحين شي يُفتخر فيه وتجاهر بالمعصية أسمع أغاني كذا ,, البس عباية كذا ,,اشرب كذا اطلع مع فلان تفتخر أكلّم فلان وعلّان ادخل المسن مع خويي وهذا أخطر من المعصية نفسها الله يستر عليكم تقوم انت وانتي وتفضّحون بعمركم
أذكر حديث يتكلم عن هالشي خلني أجيبه .. هذا هو ..

((( { كل أمتي معافى إلا المجاهرون } باتوا وقد ستر الله عليهم ثم هتكوا ستر الله فويل ثم ويل وويل لهم من عذاب يوم القيامة وأما الذي يفعل المعصية ويستر الله عليه فلا يكشف ستر الله عنهم ويستغفرون الله يقول لهم الحق يوم القيامة عبدي أتذكر ذنب كذا وكذا فيعد له ذنوبه فيقول العبد والله لقد هلكت فيقول له الحق جل وعلا عبد ألا وقد سترتها عليك في الدنيا وها أنا اليوم أغفرها لك أذهبوا بعبدي إلى الجنة )))

يعني عندنا المجاهرة مثل شربة المويه مثل يجيك واحد يقول خلاص ناويها تايلند مثلا لا ويسوي فيها بطل ويجيه الثاني يقوله اخس ياحركآآآت هذا بدال ماينصحه والا يقوله شي

والا حقين المغرب حاجه ثانية ذاك اليوم في اليوتيوب عن حليمة بولند وماأدري ايش يجيك الناصح ووش يقول .. أنا مجمعلي كمّن قرش متى تجي العطلة ونروح المغرب مشتاقلها مووت

< أحس هالفيس راكب مرررة

من ألحين نبي نبدأ حملة معاً حتى لانكون تسونامي أبدئي انتي انصحي اللي تمونين عليهم من خالاتك وبنات خالاتك وعماتك وبناتهم ,, جيرانك وراح تجرئك على شوي شوي لين تشوفين نفسك رحت تنصحين اللي ماتعرفينهم قوّي نفسك قولي أقدر أسوي انكري الشي بلسانك ويدك وحاولي لاتقولين ماأقدر ونصيحتك لازم تكون باسلوب موب تروحين تنازقين عليها (( ولو كنت فظاً غليظ القلب لانفضوا من حولك))
واذا ماقدرتي قلتي استحي وماأتجرأ واني اذا نصحت يشبّون علي ويسبوني حاولي طيب تكون نصيحتك كتابية يعني نشرات توزعينها سواءً عن العباية أو الصلاة أو الاغاني الشي اللي تشوفين منتشر في مجتمعك وراح يُكتب لك ان شاء الله أمر بالمعروف .. بس أهم شي لاتسكتيييييييييييييييييين .. ولاتزعلين اذا جاك رد قوي من وحدة هذا شي طبيعي لأنك واجهتيها بغلطها والانسان بطبيعته مايحب يعترف بغلطه وصدقيني في قرارة نفسها بتفكر فكلامك .. وأصلاً أحس انهم خلاص معد أحد يرد عليك رد شين الا الناقص كلهم يقولون الله يجزاك خيير ..

وفيه طريقة بعد مرررة سهلة اللي عن طريق النت والمنتديات تكتبين موضوع بكتابتك ض1
واذا عجازة حطي بتوقيعك مررة ماتخذ منك وقت واذا منتيب فاضيه انسخي الموضوع والصقيه ..
وتقدر بعد عن طريق رسايل جوال مثلاً ..

وانتم يالشباب بعد لاتقولون مانقدر والله ان المنكرات منتشرة عندكم مع اني متأكد ان شاء الله ان فيكم خير ذاك اليوم في تراويح العشر الاواخر يقول اخوي ياكثر الشباب الصغار المعتكفين مرررة فرحت الله يثبتهم ان شاء الله ..

وبس غيض من فيض أتمنى انكم وصلتوا لهالنقطة وقريتوا الكلام وتطبقونه بعد مو تطلعونه من الاذن الثانية وماأسوي فيها داعية بس عن قوله فذكّر ان الذكرى تنفع المؤمنين .. لأن السكوت عن المنكر يساعد المنكر على الانتشار والتمادي فيه وأبسطها عندنا يالحريم (زركشة العبايات) أول شي استنكرناه على وحدة الحين شف الامّعات وش كثرهم في الاسواق

وأتمنى ان الموضوع عجبكم واستفدتوا منه وأتمنى ان الموضوع ينتشر سواءً في المنتديات أو الايميلات ..

هذي اعصار جُونو حق عُمان رحمت اللي خذه السيل

تكفوون مابي يجينا الدور

وقفـــة : راح رمضان والكل بذل ان شاء الله جهده بالطاعات ‘‘ طلع رمضان من هنا وقفنا انّا من هنا .. ليش ماتحط في بالك انك تغيّر فيك عمل معين يقربك لله وانك تستمر عليه لما بعد رمضان .. مثلا ماكنت تصلي صلاة الليل صل ركعة وحدة من بعد الساعة وحدة .. ماكنت تقرا قرآن احرص على انه مايمر يوم الا وانت قاري لو وجه واحد على الأقل .. ماكنت تصلي الا الفروض ابدأ صل السنن لأنها ترقع الصلاة المفروضة ولها أجر كبيير .. أو تكفلّك يتيم ,, أي شيييي المهم انك تحس انك استفدت وطلعت من رمضان بشي مفييد .. وكل سنة زد شي وهكذا .. والله يعيد علينا رمضاان علينا وانّا بصحة وعافية

اٌنًتًهَىِ

مما اعجبني ونقلته وعدلته

برق الوسم

[دانة الروح]

الله يعطيك العافيه
ذكرتني بمحاضرت شيخنا خالد الراشد اسئل الله العضيم ان يفك أسره
يوم كانت ببريده ابصراحه كانت جدآ مئثره راحت كله بكــاء
وفعلا صور وقصص مؤلمه
وما حصل لهم من عقوبه الا من ذنوبهم
ان الله لا يغير ما بقوم حتى يغير ما في انفسهم
الله لا يرينا ما نكره
وجزاك الله خيـر على النصائح الذهبيه لا حرمك الله أجرها
آسفه للأطاله
تحياااتي لك

[ساس الوفاء]

[align=center]جزاك الله خير
موضوع للعبره [/align]

[مامانورة]

جزاك الله كل خير وسلمت اناملك على الموضوع الاكثرمن روعه-

[عادل الحبيتر]

اوه لا حول ولا قوة الا بالله
اشكرك برق الوسم على موضوعك الرائع

[روح البراءه]

الله اكبر لهذا الحــال..!
فلولا ذنوب مثل هذه يرتكبها سكان الأرض لما عذبهم الله
وهذا العذاب ما هو الا بعد معاصي اغتاظ البحر لأجلها ..
طرح رااائع و وعظ مؤثر.
فجزاك الله خير الجزاء اخي البـرق وبارك فيك وأفاض عليك من نعمه ظاهرة وباطنة
وأسأل الله باسمه العظيم الأعظم أن ينير بصرك و بصيرتك
بنور اليقين
وأن يجعله فى ميزان حسناتك.
ويقينا وإياك من عذابـــــه .

موووودتي واحترامي

[برق الوسم]

اقتباس:  المشاركة الأصلية كتبت بواسطة دانة الروح     الله يعطيك العافيه ذكرتني بمحاضرت شيخنا خالد الراشد اسئل الله العضيم ان يفك أسره آسفه للأطاله تحياااتي لك

امين ياخيه

وابدا مافيه اطالة بالعكس ليتك تكثرين من هالكلام الطيب والدعاء الصيب اللهم امين ,,,

بس من جد انا استغرب المجاهرة بالمعصية واخرتها ما اذيع على بعض القنوات المنحله مثل قناة LBC من جد انهوا اسرة كاملهة بقضايا قذرة ومقابلات فاضحه بأسم تحت الخط الاحمر !!

وين ربعنا !! ليه ماقالوا اللي يتكلم بحرمات الله نوقفه عند خط احمر مو حنا اللي نتعداه ونفضح انفسنا ,,!!

النتيجيه غلق القناة والقبض على السعودي علما انه متزوج وله ولد وبنت على ما اعتقد ياخزياه بس >>>حسيت اني شايب !!

شخص يقول انا انسان متزوج لكني اعشق نساء واخرج معهن واقيم سهرات واضاجعهن !!!!

واين هذا على الشاشه وقدام الملأ وبتلفزيون يتولى ادراته ربعنا للأسف ,,

يالله اللحين وش استفاد اللي جاهر بالمعصية سجن وجلد وسمعه طين وخزي بالدنيا والاخره !!

ويبي يرقعها اخر شي ويقول انه ماتوقع انه يظهرون كلامه على الهواء >>>ياحيف بس ياحيف ,,

راح ارجع للردود وقصص حصلت مو من شباب بعد من بنات على الهواء وسمعوها كل الخلق>>>مجاهرة بالمعاصي يبي لها قصيده هاذي !!

دااااااااااااااااااااااااااانه

بارك الله فيك

[مجودي7]

جزآك الله خير ||


موضوع للعبرة ~ آللهم أغفر لنـآ وأرحمنـآ

[فراااااولة]

جزيت خيراا

طرح رائع...دمت بود

[برق الوسم]

اقتباس:  المشاركة الأصلية كتبت بواسطة ساس الوفاء     [align=center]جزاك الله خير[/align][align=center] موضوع للعبره [/align]

ساس الوفاء

اسعد الله صباحك

ما اجمل هذا المعرف دائما اتذكره !!


عموما بكمل واقول وش سووا البنات بالمجاهره ,,


ماشفتوا موضوع سمنسينا عن البنات اللي يحبن بنات >>مادري وش يحسن !!

طبعا مستضيفين لهم وحده من الشواذ وطايرين فيها مطاير مسوين لها كل التسهلات وعشان ايش!!


عشان تطلع بقناة ويتسالون عن شعورها بحب البنت من نمونة جنسها ,,,

والادهى ان فرحه قوه وتدعوا البنات عشان يحتذون بها ,,,

والله قنوات ومنابر مفسده وخنبقه ,,


بيثرون قضايا وما لقوا الا هالامور ,,


اللحين ع بالهم مسوين سبق صحفي او شي جرئ وما عمر احد تطرق له ,,,


انا مالوم هاللي جالسات او جالسين يعدون البرامج عندهم,,, بل الوم اللي وافاهم من ربعنا وصار مع الخيل ياشقراء...,



ساس ومرورك اساس

شكرا لك

[برق الوسم]

اقتباس:  المشاركة الأصلية كتبت بواسطة مامانورة     جزاك الله كل خير وسلمت اناملك على الموضوع الاكثرمن روعه-

واياك

وجعل الخير ينصاك ,,


يكفي ان ارى مثل هذا الدعاء ,,


اشكر تشجيعك وانارة الموضوع بتواجدك

[برق الوسم]

اقتباس:  المشاركة الأصلية كتبت بواسطة عادل الحبيتر     اوه لا حول ولا قوة الا بالله

هلا بك ياعادل وبالحبيتر كلهم ,,


اليوم خبرني واحد ان المجاهر بالمعصيه احكموا عليه واطلقوا صراح المذيعتين اللتين اعدتا للحلقة المفضوحه,,


وبكره بيفتحون القناة عندنا ويبدون يهمقون بمثل هالامور بس من ورى لورى ,,

والله راح فيها المسكين يعني هو تورط وشال الحمل عنهم ياعيني على التضحيه ,,,

وش نفعه اللحين !!

الله يكون بعون اسرته ويعينه على نفسه,,


شكرا للمرور خيي

[عازفة ألحان الليل]

جزاك الله خير موضوعك روعة

والله يكفينا الشر

[برق الوسم]

اقتباس:  المشاركة الأصلية كتبت بواسطة روح البراءه     .فجزاك الله خير الجزاء اخي البـرق وبارك فيك وأفاض عليك من نعمه ظاهرة وباطنة وأسأل الله باسمه العظيم الأعظم أن ينير بصرك و بصيرتك بنور اليقين وأن يجعله فى ميزان حسناتك.

روح البراءة

اللهم امين,,,

اشكرك على الطله وما تنهلينه دائما لي وللاعضاء من الدعاء الخير


هاذي صورة لتسونامي بوريكم اياه لا تهولون تراه دوامة زي كذا على احد الشواطئ العربيه ويصيرون تسثح مثل ورق الشاهي ,,

الله يستر علينا

تحياتي ومودتي

[برق الوسم]

اقتباس:  المشاركة الأصلية كتبت بواسطة مجودي7     جزآك الله خير || موضوع للعبرة ~ آللهم أغفر لنـآ وأرحمنـآ

مجودي

لك التحية ,,

مادري وشلون كتبت الموضوع كنت دايس صراحه ,,,
المفروض كاتبه صور وعبر وهاذي صورة عشان مرورك الطيب !!