قلبي قبل فرقاك ما ينقص الزيت ** واليوم ازيده في كل مشوار علبة..!!

[" TWIX "]

في يوم من الأيام وفي عز الظهر كنت أمشي على سيارتي ومن أشوف ما غيره(أسعد كنداسة)
يمشي على رجوله مخابيه مافيها إلا 6 تريل خمسه للتتن وريال للحمضيات وتانكي
البنزين حق سيارته له يومين ما فيه بنزين من الدجة ..!!
المهم .. كان يمشي لابس ثوب صيني اللي يشوفه من بعيد يهج يحسبه نمر والسبب ثوبه منقط
من الزيوت والشماغ ماسك طرفه بيده و يكنس بالأرض ويده الثانية فيها بكت مالبورو أحمر
والشوشة طايرة والطاقية بوسط غابة الكدش ضايعة ..!!
واللي يشوف براطمه من التتن صايرات لك تقل حوايف مخباة بنشري
وصدره صاير تقل فلتر مكنسة من الدخان ..!!
و تسمع صدره تقل بدوي يجر ربابته بخيمته ..!!
خلونا من البــدي وحالته الصحية ؟؟
دنياه الله يكون بعونه تافلة بوجهه ومحسرة فيه حسر وتشوف بشكله الكسافه والغرابيل..
ويمشي ويردد بليا شعور هالأبيات بصوت حزين ..
صك باب المعرفه وابعد ابعيد عني * غلطتي يوم أحبك وانخدع في عيونك
رح بفالك وانا باروح لا تمتحني * فرح قلوب ناسٍ همهم يفرقونك
غيروا طبعك الحساد واخلفت ظنّي * ليه طاوعتهم بي خلهم ينفعونك
رح مع اللي يحبك عش معاه امتهنّي * يوفقك ربي مع اللي انت تبغا ويبونك
من إولٍ اسهر عيوني منك ما يمرحنّي * ما هقيت هرّاج القفا يقدرونك
اشغل البال وقلبي من هواك امتعنّي * احسبك مخلصٍ بالحب مايخدعونك
قلت : وش فيك .. وعسى ماشر ..؟!
قال : الدنيا كل ما طقيتها صارت عوجاء ..
لا شغل ولا مشغلة ولا حبيب ولا وليف ..
قلت : طيب وش معك من المؤهلات العلمية قال ما أعرف للمدارس طريق ولا باب
لكن أعرف أفك وأربط ..وخبير بالمضاربات والسطو ع البيوت والاستراحات أما سطو البنوك
ما زلت طالب ناشيء قلت ما شاء الله كل المؤهلات معك ولا توظفت ..!!
قلت : طيب تو سمعتك تقصد بأبيات لـ فهد بن سعيد من اللي ساحب عليك ولا معبرك ولا قدر هالقلب الحنين
قال هذه عبارة عن مرثية ( وداع) لـ بنت جيراننا اللي أنكرت حبي تقول لي :
ما أبيك ولا أطيقك ولا أحب أشوف خلقك أنت مو آدمي أنت بقايا دينصور ولا أعرفك
ولا أنت من قبيلتنا وش تبي فيني ..؟!
قال لي : ملائكية هي وإلا مسبعة بالكوثر يوم ترفع خشمها وتقول الكلام .. ؟!!
قلت : لا ذي ولا ذيك شكلك منذ مبطي ما شفت فلم مرعب عطيته مرايه وتمنيت
له قايله ممتعة ..!!

تشاووو ,,

[To Be]

[align=center]

( هناك الكثير ) شبيه لأسعد كنداسة !

لكن الا تؤيد ان من حقه ان يحب ؟

في نفس الوقت :

لماذا المجتمع لا يؤيد ( ملائكية ) ان تختار بنفسها ؟


الله يعين سعد كنداسة على حياته

ويعين شريكته عليه


تحياتي لك[/align]

[إلينـ اليوم]

ايه يااسعد كنداسه
والله فرق بينه وبين اسعد عمر قلي ^_*
كثير من هم على شاكله اسعد كنداسه ليت المجتمع يقدرهم ويحتويهم وهم يزوجهم كنداسات مثلهم.
تشكرات توكس كنداسه خخ.

[تركـي]

ذكرتنا بالمرحوم0 والآيام الخوالي ماينلام هو وكنداسته 0

وش تكملة ابيات العنوان ياليت تكتب القصيده كامله 0


تحياتي 0

[" TWIX "]

اقتباس:  المشاركة الأصلية كتبت بواسطة To Be     [align=center] ( هناك الكثير ) شبيه لأسعد كنداسة ! لكن الا تؤيد ان من حقه ان يحب ؟ في نفس الوقت : لماذا المجتمع لا يؤيد ( ملائكية ) ان تختار بنفسها ؟ الله يعين سعد كنداسة على حياته ويعين شريكته عليه تحياتي لك[/align]

من حق كنداسة يختار لكن ما يرفع راسه فوق يطيح مزرعة القمل اللي في راســه ..
توبي ..
اللي سابحة بالكوثر ما تشوف أنها طاغيه بجمالها على هالمسكين وعطته القاز ولا قدرت
مشاعره وأحاسيسة .. المسكين ما أظن بعد اليوم بيلاقي في قلبه مساحة للحب خلاص هالحمل الوديع يبي يتحول إلى شرس وعدواني ..
لكن معذورة البنت .. بلاك ما شفت وجهه .. وجهه بس تعطيه 17 سنة سجن مع الأعمال الشاقة ..

[" TWIX "]

إلينـ اليوم

اقتباس: والله فرق بينه وبين اسعد عمر قلي ^_*

ومن يكون عمر قلي ذا ..؟!!

اقتباس: كثير من هم على شاكله اسعد كنداسه ليت المجتمع يقدرهم ويحتويهم وهم يزوجهم كنداسات مثلهم.

وش رأيك نحط مشروع خيري في صناعية السليم وإلا الرواف لتزويج الكناديس والكنداسات ونأخذ أجرهم ..
والله فكرة .. شاور نفسك وحط عندي خبر ..

اقتباس: تشكرات توكس كنداسه

تسلم يا إلين عمود كردان ..

[" TWIX "]

تركي 22

اقتباس: ذكرتنا بالمرحوم0 والآيام الخوالي

الله يغفر له ويسكنه فسيح جناته ..
شف ما دام جبت طارية فيه مستحيلات ما تكرر هذا واحد منهن
الله يرحمه ويتوب عليه

اقتباس: ماينلام هو وكنداسته 0

الله يلوم من يلومه ..
الحمار لو شافه بكالوضع كان رفع يديه لربه وقال الحمد لله إني حمار ..

اقتباس: وش تكملة ابيات العنوان ياليت تكتب القصيده كامله 0

هذا البيت يا تركي لأحد الميكانيكيين في صناعية السلي بالرياض
قال البيت وبعدها شرب موية نار ولا شاف الدنيا بعدها ..!!
الله يرحمه

["غرك غلاك"]

في هذا الزمن الكل يشكو حاله حتى أسعد كنداسة
أعجبني هذا البيت
قلبي قبل فرقاك ما ينقص الزيت ــ واليوم ازيده في كل مشوار علبة

[Queen of buraydh]

هالكناديس , يضيعون حياتهم وبالأخير يحلمون احلام فوق مستواهم ,
واذا ما تحققت احلامهم تقفّلت الدنيا بوجههم ,
مو انت اللي ضيعت ايامك بيدك ؟

طبخ طبختيه يالرفلا .. كوليه