طلب من الأخوات الفاضلات

[ابو هليل]

السلام عليكم ورحمة الله وبركاته

أخواتي الفاضلات ... سمعت أن هناك أحد المحلات في بريدة يبيع ( عجينة جاهزة ) إذا تعرفوا عنها .. أو المحل اللي يبيعها

طبعاً العجينة ليست ( عجينة ألفت ) التي في أسواق بركتين

ارجو ممن تعرف عنها شي ... تعلمني


( طبعاً لا تحسبوني أنا اللي أدور عليها ... لكنها مطلوبة من وزارة الداخلية )

[أبو الريش]

انا ادري وينه ....

بس مادامك تبي الجواب منهن تحراهن لمن يجاوبن هههههه

[Queen of buraydh]

تقول امي ترا فيه عجّانه ستيل عند الصانع سهلة الاستخدام للبيت >> تراها الوالدة مب انا ..

اخوي ابو هليل ماادري بالضبط وش تقصد , (عجينة فطاير وبيتزا ؟ )

فيه عجينة بيتزا مُثلجة عند بندة من ماركات متعددة افضل شي السنبلة

لكن عجاين البيت ألذ منها ولا بالفرق ..

[nmaa]

أخوي وضح وش تبي بالضبط

[شهلا]

الحين وزارة الداخليه ماتعرف تعجن خله تعجن
اعرف وين تباع بس اب قايله خله تعجن
لا هونت ابقول اي محل معجانات يبيعلك عجين

[ابو هليل]

مرحبا أخواتي الكرام

أولاً : أعتذر عن تأخري

ثانياً : بجيب تفاصيل أكثر عن العجينة من الوزارة {{ الله يخليها لي


يعطيكم الف عافية

[مشقاص]

اقتباس:  المشاركة الأصلية كتبت بواسطة ابو هليل     مرحبا أخواتي الكرام أولاً : أعتذر عن تأخري ثانياً : بجيب تفاصيل أكثر عن العجينة من الوزارة {{ الله يخليها لي يعطيكم الف عافية

ابو هليل

بلا عجين بلا كلام فاضي انت ايش عرفك بالأمور هادي

روح دورلك حليب جمال احسن لك ...

قال عجين راعي الخيمه يبغى عجين .....

[ابو هليل]

مرحبا

العجينة يا اخواتي تستعمل للفطاير

وتباع بأحد المحلات ببريدة

إذا تعرفونها وتدلوني .. تكسبون فيني أجر

[ابو هليل]

اقتباس:  المشاركة الأصلية كتبت بواسطة مشقاص     ابو هليل بلا عجين بلا كلام فاضي انت ايش عرفك بالأمور هادي روح دورلك حليب جمال احسن لك ... قال عجين راعي الخيمه يبغى عجين .....

والله إنك صادق اخوي مشقاص أنا وش لي بها الأمور

لكن مصيرك تتزوج وتعرف إني معذور

وإلا لو جت علي ما أكلت غير ( أبو كاس ) الله يخليه لنا

[شهلا]

سئلت عن العجينه وراح انزل رقم المصنع انشاء الله قريب بس مادري اذا هذا الي تبيه الوزاره الداخليه

[ل د ع]

متشكر أوي ياأبو هليل وماقصرت

[شي يقهر]

والله كان ودي اخدمك ...

بس اعطي المدام هالطريقة بتدعون لي ...



عجينة الفناجيل ...

المقادير :
كاس ماء دافي .
ملقعة أكل خميرة فورية (بس لا تكثرين )
فنجال سكر خشن

*يخلطن مع بعض ويتركن 3 دقائق*

نضيف عليه فنجل حليب بودرة
وفنجال زيت نباتي
وبراس الملعقة بيكنج بودر
وكاسين طحين ابيض ( يفضل الكويتي )

يعجنن مع بعض .. وتمثل و تكور .. و تكون الحشوة جاهزة و تحشى كفطائر .
ويكون الفرن حار .
تدخل الفرن و تترك 3 دقائق فقط و اذا نفشت تجرب السيدة بعود خشب ان كانت العجينة قد استوت او لا .

ومن ثم تحمر من فوق ...حتى تشقر .

وبهالهناء والعافيه .

ملاحظة العجينة هذي ... لا تخمّر و يجب ان يكون الفرن حامي . ... وبسرعه تخلص ما يبي لها وقت ابداً

اتمنى تعجب وزارة الداخلية .

[nmaa]

مخابز وحلويات رغد بعنيزة يبيعون عجينه جاهزة
أتمنى نكون أفدناك......

[طآغية الأنوثهـ]

عجآئن بيتزآ رغد في عنيزهـ ..

[عمدخ امل حياتي]

هههههههههههههههههه يابخت الوزارة حنا لو ايش مايبي العجاين الجاهزة

السمبوسة وبالموت اقتنع بها الله يتمم عليها نعيمه ويجزاك الجنة مريحها

وبالعافية .............