لا تأخذ وحده شعرها طووووويل

طير الوسيطي · 10-08-02, 02:09 pm

اثبتت الدراسات التي اجريت من قبلنا ان لشعر الطويل مساوئ جمه
اولا: تستهلك اسبوعياً شامبو هذا اذا صار شعرها ناعم
يعني لو خشن اضف للقائمه بلسم زيت وخلافه
يعني تحدد ميزانيه لنظافة شعر زوجتك ولمعانه وحيويته

.
ثانيا: تستهلك كميه كبيره من المياه اثناء غسل شعرها
تقعد تبربس في هالمويه وتغسل هالشوشه مدة لاتقل عن ساعتين ان مازادت
وتخلص المويه عن الحي وبلاخير تأثر على مستوى المياه في المملكه
وحنا دوله صحراويه وين ترشيد استهلاك المياه؟؟؟؟؟

ثالثا: تستهلك كهرباء
حط تحت هالنقطه عشر خطوط
تقعد تنشف في هالشعر وتستشور فيه 3 ساعات وتسحب من هالكهرب
وعاد مايبيلها كلام فاتورة الكهرب من اصلها مملوحه من غير شعر زوجتك
كيف معه تنفضك نفض

رابعا: فى المناسبات والاحتفالات الله يكون في عونك
شعرها طويل وش تسوي فيه لازم تسريحه لاتقل عن 500 ريال

خامسا: تتعبك نفسياً
يعني اذا جتك من عزيمه وطاحت شعره من شعيرتها تقعد تنوح اليوم كله
وتقول حسسسسسسسسسدونى
وتصجك وتجرك وراها من شيخ لشيخ من غير عاد الفلوس ا! للي بتدفعها
لزيت والمويه المقري فيها وغيروه
هذا اذا ماخلتك تمر كل بيت وحده حضرت العزيمه ومعك طاسه مويه
تخليها تتفل فيه

ولكم تحياتي مداعبه لطيفه خفيفه

وائل · 10-08-02, 03:27 pm

لالالالالالالالالا حبيبي

مستعد أخذها

وأجيب لها وايت ماء كل يوم

والاستشوار نبدله في ماطور الهواء حق البناشر هاهاها

انت اضمن لي المواصفات الأخرى بس

والشعر جمال في المرأة

<<<<<< واضح قروي مايدري في القصات والشغلات الحلوة :4:

راعي العنود · 10-08-02, 06:08 pm

السلام عليكم ........

اخوي الحبيب : طير الوسيطى ....................ياهلا بك والله ومسهلا على

مشاركاتك الطيبه ومداعباتك الجميله اخوي ..

لكن كل هالسلبيات اللي ذكرتها ماتوازي حسنه وحده من حسنات جمال الشعر..

والشعر من فوق الأكتافي ### لاتحرك صار له فيه

والشعراء عموما لايتغنون إلا بالشعر الطويل ............

وهذا رأيي مع احترامي لبقية الآراء ,,,,,,,,,

مع تحيا1111111111تي ..

الذهبي · 10-08-02, 06:14 pm

مثل ماقالوا
الشعر جمال المرأة -----------> ابوهم انت يالذهبي

فتاة الشرقية · 11-08-02, 12:41 am

حرام عليك تبيني أعنس عند أهلي .............. والله إنك سويت لي مشكله بهالمشاركه .................................................. .................................................. .................................................. .............................لكن مشاركه حلوووووووه وتسلم..

تحياتي : فتاة الشرقية..

:1: :1: :1: :1: :1: :1: :1: :1: :1:

طير الوسيطي · 11-08-02, 09:35 am

الاخ العزيز
وائل
شكرا لك علي المداعبه الحلوه
وتبي الحقيقه الحريم بدون شعر ولابريال
والقصات الجديده اللي طيحين فيه الوقت تحوم الكبد
ولك تحياتي .

طير الوسيطي · 11-08-02, 09:38 am

الاخ العزيز
راعي العنود
وعليكم السلام والرحمه
هلا بك يالغالي ومرحبا
اضم صوتي لصوتك جمال المراه في شعرها
ورايك نعم الراي
وتشكر علي الابيات الحلوه
وتقبل تحياتي .

طير الوسيطي · 11-08-02, 09:40 am

الاخ العزيز
الذهبي شكرا لك
ولك تحياتي .

طير الوسيطي · 11-08-02, 09:44 am

الاخت العزيزه
فتاة الشرقيه
شكرا لكي علي المشاركه
والله لا يقوله انشاء ما تعنسين
والله يبعث لك ابن الحلال اللي يسعدك
ولكي مني خالص الاحترام والتقدير
الطيـــــــــــــــــــــــر

بنت الرس · 12-08-02, 08:35 pm

شكرا على الموضوع الحلو.......
وانا بقولك رايي الخاص ....اهم شي يكون الشعر ناااااعم
واذا على الطول والقصر مقدور عليه انتم بس شوفو البنانيات يوم تجيك شعرها قصير ومن بكره يسحب واذا على الشمبو اشترلك بانتين الحجم العائلي
تراه زين ورغوته كثيره اقتصادي يعني (اسوي دعايه)
تاج جمال المرأه شعرها علشان كذا انصح البناات
في عدم الجري وراء المذيعات والمغنيات
الي كل يوم طالعين لنا بصرعه
مع خاص تحياتي