ســـــــؤال .. كيف احافظ على زوجي ؟

[بنده]

بما أني انسانه متزوجه واريد أن احافظ على زوجي لكي لايفكر بالزواج من أمرأه ثانيه

حبيت أسأل الرجال والنساء هنا

ماهي الدوافع التي تدع الرجال يفكرون بالزواج من زوجه ثانيه ؟

وماذا اعمل لكي ابعد زوجي عن التفكير بالنســــــــاء ؟

أتمنى أن اجد مايفيدني ويفيد غيري من بنات جلدي ,

وجزاكم الله خيراً ,

اختكم بنده

[Modern]

بتكلم بشكل واقعي وعلى بلاطه !


فلان عندي رقم خطابه خذه كلمها وشف وش عندها ،،

فلان مشينا سوريا ولا المغرب هناك تنق اللي تبي وبتراب الفلوس !

فلان خابرن لك بنت يحبه قلبك ،، ماعندها مشكلها تاخذها مسيار ومراح يدري بك احد !

فلان بنت اخت زوجتي بالدماغ ! زوجها توفى وتبي من يستر عليها !

فلان لاتفوتك اخت المدام ،، وترى اهلها ماعندهم مشكله تكون الثانيه

فلان خابرن لك مديره مدرسه راتبها 18 الف تبي بس رجل يستر عليها لانها عنّست !

بأمانه هذي واكثر هي سواليف الرجال بالاستراحات !


انا اجالس ناس متزوجين وغير متزوجين بأكثر من موقع ودايماً محور الحديث حول الزواجات !

ومايدخّل فكره الزوجه الثانيه في مخ الرجال الا اخوياه السملّق !

فأذا لك حيله بشله زوجك وتقدرين تشوفين حل ،، هنا اطمني بنسبه 50% انه مراح يتزوج عليك

50% الباقيه ، اضمني انه مراح يتزوج عليك اذا انه مووب مطوّع !

اذا زوجك لاراعي شلل ولا مطوّع اطمني بنسبه 100% بعدم زواجه عليك بأذن الله

هذا كله بعد تعاملك مع زوجك كما ينبغي منك كزوجه ،، من غير تطفيش !

[خط أحمر]

كوني صادقه ومخلصه ووفيه،،وأهتمي بنظافة جسمك؟؟

[نيزك]

[align=center] لا تكثرين القرق الي ماغير يفضخ الراس انت و انت و انت قلت.....ووو.
اهتمي به و بنفسك (جددي) .
بادري بكل مرغوب .
اهتمي بالأشياء الي يحب و عطيه (جـــو) و ارفعيه بمجتمعه.
احــــــــــــرصــــــــــــــــي على أن يكون مكان راحته في البيت (حــبـــبــيــه) بالبيت .
8
8
8[/align]
[align=center]شفتي ذولي إذا طبقتيهن أنت و كل زوجه تبي تشوفين النتيجة مهب بس له لصالحك أيضاً .[/align]

[الماسة محتاسة]

اقتباس: ماهي الدوافع التي تدع الرجال يفكرون بالزواج من زوجه ثانيه ؟

ضعف الزوجة وسلبيتها..
المرأة القوية يحسب لها زوجها الف حساب سواء بالزواج اوغيره..
الزوج اذا عرف ان زوجته ماعندها ردة فعل يتزوج عليها ولايحسب لها اي حساب..
(طبعا كلامي عن الرجال العقال فقط اما المستهترين فلايشملهم كلامي)

اقتباس: وماذا اعمل لكي ابعد زوجي عن التفكير بالنســــــــاء ؟

ماادري وش تقصدين؟؟وليش زوجك يفكر بغيرك..
من وجهة نظري ان الرجل اللي يفكر بغير زوجته غير محترم ومايستحق العشرة..
قبل ماتسألين هالسؤال احسني اختيار زوجك من الاساس فاذا كان رجل عاقل ماراح يخرب بيته عشان نزوات عابره..
واما ان كان غير ذلك فاللوم عليك انك رضيتي فيه..

[أبو الريش]

الاهتمام به

ولو ان الزوج ماينفع فيه

كل يوم يفكر بالزواج من ثانيه وهذي من طبيعة الرجل ملول يمل ويتجدد بعد كل فتره

يعني الزوج متى مالقى جلسه تهيجه للزواج من اخرى رسخت بباله فكرة الزواج

ومتى ماكان بيتوتي مايخالط الناس كثير مايفكر كثييير

يعني المساله مسألة مخالطة من حوله

لان اغلب الازواج مايفكر بالثانيه الا إذا جلس مع ناس يكثرون من الكلام بالزواج ويحرضونه

خصوصا اذا كان ماعنده نظره للمستقبل وسلبياته

اللي اعرفه ان اغلب الزوجات طايحات بحركه مايخلّن جيب الزوج مليان يحاولن يصرفنّه علشان مايجمع

وهذي يبيله وحده مكّاره تعرف تلعب صح

[علشانك بس]

الرجال متزوجين متزوجين الله لايعوق ,,
اذا هو مطوع اضمن لك انه بيتزوج ,, اذا ماكن علني فهو بيكون مسيار لأنه يخاف الله وماراح يخون بديرته وبسفره ,,
واذا هو سربوت اضمن لك انه مستحيييييل يتزوج على زوجته لأنه لاقي وناسته بالسفر والخيانة بعيد عن المسؤوليات والمصاريف اللي مالها داعي ,,
والـ 2% الباقين ماينضمنون بعد ,, صايرين على شفى حفرة من الزواج ,, اذا ماتزوجو بالثلاثينات بيتزوجون بالأربعينات ,,
وتوته توته خلصت الحتوته ,,

[Modern]

اقتباس:  المشاركة الأصلية كتبت بواسطة علشانك بس     والـ 2% الباقين ماينضمنون بعد ,,

طيب الـ 98% وينهم فيه

[علشانك بس]

اقتباس: طيب الـ 98% وينهم فيه

نصفهم المطاوعه والنصف الثاني السرابيت ,,

[Modern]

على كذا الـ 2% هم الزقرتيّه !

والله وراح زمان الزقرتيّه !


مير حلوه قولتك المطوّع يخاف ربه ومايسافر يخون زوجته !

فيه ناس تخون وتحلل لنفسها الخيانه ،،

واسألي رواد اندونيسيا عن هالشغله !

والله انهم من اهل الدين المعروفين يروحون يتزوجون شهر ويطلقون ويرجعون !

واتحدى ابن ابوه ينكر موضه زواج الشهر والشهرين ،، خصوصاً بـديار سومطرا

ابدري لمتى السعوديين منخدعين بقوله مطوّع !

لنا الله يالزقرتيّه

[كرزما]

ياحبيبتي توكلي على الله واكثري من الدعاء واجتهدي وثابري من اجل رضاه ولاتمدحين عنده احد سوا كانوا محارمه اوغيرمحارمه ولا تمدحينه اوتسبينه عنداحد وحا ولي تكتمين اسراركم الخاصه وغيرها الله يوفقك وتكونين اسعدزوجه

[علشانك بس]

اقتباس: مير حلوه قولتك المطوّع يخاف ربه ومايسافر يخون زوجته ! فيه ناس تخون وتحلل لنفسها الخيانه ،، واسألي رواد اندونيسيا عن هالشغله ! والله انهم من اهل الدين المعروفين يروحون يتزوجون شهر ويطلقون ويرجعون ! واتحدى ابن ابوه ينكر موضه زواج الشهر والشهرين ،، خصوصاً بـديار سومطرا ابدري لمتى السعوديين منخدعين بقوله مطوّع ! لنا الله يالزقرتيّه

ياابن الحلال كانه يتزوجها زواج شرعي فـ عساه بألف حل ,,
اللي قصدتهم بالسفر والخيانة اللي يسافرون ويلعبون ببناة خلق الله ويرجعون ولا من شاف ولا من دري ,,

[بنده]

جزاكم الله الف خير واتمنى المزيد من النصائح ,

[عاشق ديرتي بريده]

لاتحافضين عليه ولاشي اهمليه لان الرجل اذا لقى زوجته متمسكه فيه بدأ يتزقق خخخخخخخخخ

خليه يتزوج ثانيه اقل شي ترتاحين منه 3 ايام بالاسبوع هو وغداوه !

[أبو الريش]

اقتباس:  المشاركة الأصلية كتبت بواسطة بنده     جزاكم الله الف خير واتمنى المزيد من النصائح ,

لاتسمعين كلام بعض اللي ردّن

لان بعضهن يمكن لهن مواقف او صدمات نفسيه

لازم تحطين ان كل زوجه وزوج يختلفون عن الازواج الاخرين

يعني موقف صاير لزوجه مع زوجها

خلاص تظن ان الرجال كلهم مثل زوجه وتبدا تخرب على باقي الزوجات تحسب ازواجهن مثل زوجه

يوجد فورقات والرجل مب واحد

بس انتي لاتصيرين طيبه بالحيل الطيبه هي تخلي الرجل يسيطر ويلعب بذيله...

وبعض الرجل يموووت على الزوجه الدبشه علشان يلعب ويضحك عليه بشوية كلمتين


وبعض الرجل يحب الذكيه اللي تدبر اموره ولايمل منه

الله يوفقك ويخلي لك رجلك...

لاتكون حياتك مدارات وهم وتفكير ووساويس...