وش حجم (الحرامي) عندنا ياناس اللي اجبرنا على..........

[راصد جماعته]

وش حجمه الحرامي اللي اجبرنا على :

نغلق ابواب البقالات بعد منتصف الليل

نغلق محطات البنزين بعد منتصف الليل

نغلق الصيدليات ونبيع الادويه عبر فتحه صغيره بباب الصيدليه المغلق

ندخل السياره ( بالبايكه ) ان كانت السياره جديده

نلزم كل المؤسسات التجاريه بوضع حراسات امنيه خاصه بها

كل ذا خوف من الحرامي اللي يبدو ان حجمه كبر وصار عملاق *


والمفارقه ان (الشرطي ) هو اللي فرض علينا هذه الاحتياطات خوفا

من الحرامي السؤال الان من يخاف من من الشرطي او الحرامي

من اللي المفروض يخاف ويتقوقع ويتخفى الشرطي او الحرامي

وش اللي قلب المعادله !!!؟

هل (غيبة) السيف هي من قلب المعادله لا بارك الله بمنضمات

حقوق الانسان بدول العالم الثالث والتي صارت مشجبا لكل تراجع *

تقبلوا تحياتي

[السيد نجل]

حلول مؤقتة لتصبح دائمة, ولكن هل هذا يحدث وبسبب الحرامي .

تحية راصد,

[ورق]

انت مشرف وش عليك .. ياحبيبي .! اضامن الواسطه عند الريس ..!

بعيد وصلت للشرطة ..

حنا عجزين المراقبين في المنتدى توصلنا للشرطه..!!
انا انسحب من هذا لكن فيه حل..!!

رح وقل للحراميه خلوا عنكم السرقة ونعطيكم تشرون حوايجكم وانتهى الموضوع ..!!

دمت قويا

[الرحـّـال]

قالوها

المال السايب يعلم السرقه
و
الحرز لم يعد كمعناه الأول !

وتاليتها معكـ ياراصد جماعته <<يدري انكـ ماقتنعت

أخوي الغالـي

خطر على البال سؤال منذ متى ونحن نعيش هذه

الإجراءات ؟ ابختصر عليكـ

إذا كان جوابكـ من منذ القدم معناه ليه توكـ تنتبه !
و
إذا كان في السنوات القليلة الماضية . معناه فيه

خلل ما ويجب مناقشته على مستوى أكبر من

المُنتديات ,

دمت بخير

[Queen of buraydh]

لو رأينا حدود السرقة تُقام في بلادنا .. لما استفحل هذا الامر حد النخاع

[نصف الطريق]

ماكد شفنا حرامي يسرق والناس واقفه على حلالها عشان كذا الله واعلم ان اغلاقها عشان يتفرد فيها الحرامي او يبي يوفرون رواتب الشرطه

[نواره]

اخوي راصد
انت مادريت انهم بكذا يسايرون ويقلدون
الأنظمه العالميه والاوروبيه
ويحاولون يطبقون نفس نظامهم
وكأنه مانقصنا من تقدمهم
الا تسكير المحلات بدري

[جمان البحر]

وهل بعد كل هذه الاحتياطات سلمنا من أخبار السرقة ؟؟
بالطبع لا ..
إذاً ,, من الواجب أن يضع الانسان كل الاحتياطات الممكنة ليحمي نفسه من الضرر ولا يهمل ممتكاته فيفاجأ بسرقتها ..وبعد ذلك لا ينفع الندم ..

مادامت الضمائر غائبة لدى مجموعة لايستهان بها من المجتمع ومادامت الحاجة موجودة وقوى الأمن لدينا ضعيفة,, من الصعب على الشخص إن يترك مايملكه بلا حراسة وحماية ..

[عبود زمان]

غياب السيف ياحبيبي هو اللي مخلي عيال الشر ينطلون
ولا لو كل سارق تقطع يده بعد إنذاره مره أو مرتين كان سلمنا من كل شي من اللي قلت

ولا تنسى الشرع نصه شالوه من عندنا ومن كتبنا مادري من المستفيد

ياحول المسلمين
كلهم يعرفون وشلون يأدبون المخالفين بس ممنوعين

[ابو غريب]

اقتباس:  المشاركة الأصلية كتبت بواسطة نواره     اخوي راصد انت مادريت انهم بكذا يسايرون ويقلدون الأنظمه العالميه والاوروبيه ويحاولون يطبقون نفس نظامهم وكأنه مانقصنا من تقدمهم الا تسكير المحلات بدري

لي تعليق والله مهوب الظاهر أنه مسايرة الأنظمة العالميه والأوربية

أولا من يشوف بيوتنا اعوذ بالله أشبهها بالسجون الحديد على النوافذ و الأسوار العاليه والأبواب الحديد

يعني مافيه فرق بين المنزل في بلادنا والسجن في العالم

شوف العالم أبوابهم خشبيه مع ساتر زجاجي بسيط والنوافذ زجاجيه بدون حواجز بدون أسوار خرسانيه بل شجيرات حول البيوت

عندهم الأمن والأمان بقوانينهم بدون سيف ولاشئ ...

[أمــ الحب ــير]

مراحب حبيبي راصد

شوف حبيبي كان ياماكان كان فيه ملك اسمه فيصل كان حاكم شديد وآنت الحكاية وقرئت الروايه ,,

آورفوآر ,,

[ناصر 1418]

بس محلات ((((((((((((ميد)))))))))))) ماتخاف من الحرامي

[بنj بريداويه]

الحمدلله والشكر

[خربشآت نآعمه]

أمم..يمكني فهمت..لذلك..

قد نعود لزمن الحنشل والشرطه يصيرون أقليه تدروون له..


لأنه ..!!
كان ياماكان في قديم الزمان وسالف العصر والأوان :

كان هناك غابه تتوسط غابات كثيره ...وكل من هذه الغابات يحكمها اسود تتفاوت مستويات تلك الاسود يبدر ماتتمسك به من قوانين ..
برزت من بينها غابه عرفت بتطبيق أغلب القوانين ...وكان ملك الغابه أسد عليه من الهيبه والوقار مايجعل حيوانات الغابه تجله ...وبالمثل كان يجل كبيرهم ويرحم صغيرهم .....تعاقب على هذه الغابه أسود كلَ ..بحسب حكمه حتى اتى على الغابه زمان عين فيه الاسد مجموعه من النمور كي يعينوه على تلك المسؤوليه الملقاه على عاتقه ...

ومرت السنه تلو الاخرى حتى عاش الملك منعزلا ..لما رأى من ...حكمة نموره...مايجعله يطمئن اليهم ...

وفي احدى المرات وبينما كان الاسد ...يقضي اجازته ..أتى له النمور بنوع من كل فاكهه ...وثمره نظر الأسد مندهشا ...

الى نموره ..ماهذا قال هذه خيرات غابتنا ايها الملك ...قال :أوكل شعبي آكلين ماآكل ...قالوا نعم ...
فأتت له فيلته ..من كل حيوان قطعة من جلده مدبوغه قال: أوكل شعبي لابسين من هذه الجلود ..قالوا نعم ..
فاصطحبته ...الذئاب كي يروه ...منازلهم الذين اتخذوها ...للملك في انحاء الغابه قال اوكل شعبي لهم مثل هذه البيوت قالوا نعم ...؟؟!!

قال : قد امنتكم عليهم!

نظر الوزراء الى بعضهم ...تضاحكوا ...قالوا :الان ...

نام الملك وهو امن مطمئن على شعبه ...

فقام النمور والفيله ....وتصدوا للشعب ...
إن من سالمنا له الولاء ورغد العيش ...ومن عادانا له ....البراءه منا وضيق العيش ..

ثمراتكم بأيدينا....

محاصيلكم في مزارعنا ....


من كان له شكايه او مظلمه على احد يرفعها الينا نرفعها .(وقد خصصوا لهذا المظالم ..محرقه تحرق فيها )..الى الملك(الاسد)

وهنا تفرق الجمع المهيب وقد علم الشعب ان زمن الرفاهيه ورغد العيش قد ولى وان لهم ان يسترجعوا ما ذهب من قوانين أجدادهم ...أي قوانين الغــــــــاب ....


وسلامتكم....!!!

[yousef]

انه الفقـــــر والجهـــــــــل والبطــــــــــالة والفســـــــــــاد
وقبل هذا كله ركل النعمـــة وعدم شكرها ....
ياسيدي العالم المتحضــر يردد مع الامير الازرق ويقول
[mark=#FFFF99]
إحترامي .. للحرامي ii!!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ii..
وبعدها تَعدى محيطه ..
وصار في الصف الأمامي .. !
احترامي .. للحرامي .. ii!!

احترامي .. للحرامي ..
صاحب المجد العصامي ..
صاحب النفس العفيفة ii..
صاحب اليد النظيفة ..
جاب هالثروة المخيفة ii..
من معاشه في الوظيفة ii..
وصار في الصف الأمامي ..
احترامي .. للحرامي .. ii!!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ii..
إلا في جنح الظلام ..
صار في الصف iiالأمامي
احترامي .. للحرامي .. ii!!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ii..
يعرق ويرجي المثوبة ..
ما يخاف من العقوبة ii..
صار في الصف الأمامي ii..
احترامي .. للحرامي .. ii!!

احترامي .. للحرامي ..
صاحب المجد العصامي ..
صار يحكي في الفضا ii..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ii..
احترامي .. للحرامي ..
احترامي للنكوص ..
عن قوانين ونصوص ii..
احترامي للفساد ii..
وأكل أموال العباد ii..
والجشع والازدياد ii..
والتحول في البلاد ..
من عمومي للخصوص ..
احترامي للصوص .. ii!![/mark][align=center][/align]


شكرا َ راصـــــــــد ودمت بخير وفــــلاح،،