موقف طريف وفائده

[عبود زمان]

بسم الله الحرمن الرحيم

السلام عليكم ورحمة الله وبركاته

حياكم الله جميــــــــــــــع
بإختصار
أبي منك موقف طريف ومفيد
يعني يكون الموقف هذا مثلاً مشكله مرة عليك وهي في نفس الوقت مضحكه
وتبيّن لنا المضحك فيها أولاً وثانياً ماذا استفدت من الموقف

بما إنه الدنيا دروس عطونا دروسكم مع فكاهتكم

نبدأ بعيــــــني والله

في سنه من السنين عام 1418هـ تخبرون ذيك السنه أمطار وفقع وصيد وعلوم غانمة ولله الحمد والمنه

إتفقنا أنا وبعض الشباب نطلع للبر لثلاثة أمور
1- البحث عن الفقع
2- البحث عن الصيد
3- الوناسه وكسر الروتين

المهم وجهنا للحفر بما إنه اكثر المناطق تقريباً شهره بالفقع
ويوم صار ثاني يوم في ذيك العصريه
قلنا يالله ياشباب الفقع يحترينا <<<واثق الرجال << تكبر وتبين
ورحنا للمكان المتفق عليه ووقفنا السياره وقلنا للشباب (شوفو كلكم لاأحد يبعد عن السياره علشان مانضيّع بعض << طبعاً الكلام صادر مني أنا

عيني والله علطول مسك ذاك الحبس (حد المزرعه) وبدأ بالمشي على إتجاه معاكس للسيارة ومادريت إلا وماأشوف احد بالدنيا أبد علماً إنه يوم العلم كان فيه ناس كثير حولي
وربعي بس فجأه مادري وين راحو وهم بمكانهم ماتحركوا ابد
المهم اثري قطعت تقريباً 10 كيلو بعيداً عن الشباب وأنا بس منزل راسي احمل من الفقع
المهم اتلفت يمين ويسار ولا فيه سيارة بعيد شوي
رحت لمه وسلمت على راعية وقلتله انا ضيعت خوياي تدرون وشقالي
قالي انت منتب مضوبط انت فيك شي ولا هالمكان مافيه احد وين خوياك
قلتله والله انا مادري لو ادري ماجيتك
المهم ابيك تودين للخيمة قالي (لا) قلت مافيه احد بالبر والظلام حل وشلون تخليني هنا بين الذيابه
قال ماعلي منك قلت يارجال خلن عنك المزح
قال أنا اعرفك علشان امزح معك وخر بس عن السيارة ابمشي
فـ يمين يسار ياعدل يابدل رفض يشيلن ويودين للخيمه

فطلعت أم العنزين عندي وركبت سيارته وبصوت عالي قلتله امش لألعــ......... الطاهر مابك فخاف من ووصلن للخيمة وبغيت اصيح على العيال يوم شفتهم من الفرحه وأثرهم مبلغين الشرطه والدوله كله ومعه باكستان بعد
ياروح مابعدك روح يقولون ذروق ولا يقلون مات

الفائده
1- تدوير الفقع تراه خطر ماتدري إلا وانت رايح بعيد من غير شعور
2- وفيه ناس ماتخاف الله يشوفن بمكان كله جبال يبي يخليني بلحالي ويروح
3- لا زم يكون قلبك قوي لأنه لو ما رفعت صوتي على هالبرمائي هذا كان خلان بالبر .

[لِـيم’]

المكان محجوز

ياكثر المواقف بس الحين مافيه.. لاتذكرت جيت

[عبدالله بريدة]

قصــتي انا هــاذي ما ابطــت قبل رمضان بشهر شعبان دقت امي على ناس تبي تخــطب لــي منهــم وقلت لمي لا تعلمينهم اني اتتن أخاف يعيون المهم امي ( طبعا كبيرة بالسن) دقت وقالت مذكور لنا بنية حلال عندكم ونبيها لولدنا وولدنا تراه مهب يتتن انا كنت عندها يوم سمعت امي تقول هالكلام ضحكـت وصكيت اثمـي بيدي ميـت من الضحك المهم شكلهم اسمعوا صوت ضحك وشكــوا شكلهم قالوا ان هذولا يكذبون شكل ولدهم سربوت المهم مع الاتصالات قالت امهم لمي مايخالف خلي الولد يجي مع اخوانه يشوفون ابو البنت قلنا طيب !!! جاء اليـوم المحــدد طبعا معروف حزت بعد العشاء رحت العصر للحلاق قلت للحلاق خفف الشنب رقم 3 قال الحلاق خلاص غمــض علشان الشعر مايطير بعيونك دق جوال الحلاق وقام يكلم يمكن خمس دقايق وسكر وقالي غمض وغمضت واخذ يخف الشنب طبعا بالمكينه انا قايله رقم 3 يوم قضاء ونفض الشعر الي على وجهي قالي فتح يوم فتحـت (( اتصـــدقون ماعرفت روحـي بالمرايــه شايـل الشنـب رقــم صــفر)) وابلــش وشلون ابروح لهلي وشلون ابروح للناس وشلون اخوتي يبي يشفونن !!!!!! واروح للبيت قلت لمي دقي على الناس وقولي لهـم أن ولدنا قاطع اشارة والمرور حابسينه وليتكم اتخلون الموعد الاسبوع الي يجي !!!! طبعا راح اسبوع وعيــــو قالو ماتصلـح لنا براطمك زرق من التتن وبنتنا تبي تكمل الجامعــه 0000 والى هلحيــن 00 !!!!!!!

الفايــده (( الكــــــذب حـــــبله قصيـــــــــــــر ))

[عبود زمان]

اقتباس:  المشاركة الأصلية كتبت بواسطة #مسرعه بشويش#     المكان محجوز ياكثر المواقف بس الحين مافيه.. لاتذكرت جيت

في إنتظارك على احر من الجمر بس هاه الله الله بالعيار الثقيل ولو فيه فضايح شوي مافيه مشكله

[عبود زمان]

اقتباس:  المشاركة الأصلية كتبت بواسطة عبدالله بريدة     قالو ماتصلـح لنا براطمك زرق من التتن وبنتنا تبي تكمل الجامعــه 0000 والى هلحيــن 00 !!!!!!! الفايــده (( الكــــــذب حـــــبله قصيـــــــــــــر ))

ههههههههههه
صحيح الكذب حبله قصير جزاك الله خير
والله يرزقك ببنت الحلال اللي على يده تترك التتن علشان ماسصيرن باطمك زرق

[shahd2007]

موقف محرج وفشيله بصراحه

كنت بسوق بجده وامي وابوي واخواني معي طبعا طلعوا السلم الكهربائي وانا واختي الصغيره اخر شي يوم طلعوا من السلم مشوا مامعهم بنت يحترونه وانا يمسك عباتي السلم ويشد وعباتي مسكره من قدام وانادي واختي الصغيره تضحك ويجون شباب 2 ويجرون عباتي واخزياااااه
وافشيلتااااااه لاويجي ابوي ويمسكني ويقول وراه جدتنا ماتعرفين تطلعين السلم الكهربائي
هذا جزائي اللي انتبه لبنتكم الصغيره عشان ماتسرق بجده

نصيحه اللي تلبس عباة اذا وصلت السلم الكهربائي ترفع عباته الى الركبه ماعليك من احد ياروح مابعدك روح

ونصيحه ثانيه ماعليك من خواتس الصغار خلي امتس تنتبه لهم انتبهي لروحك بس

[عبود زمان]

8
8
8
هههههههههه

إيوالله ياروح مابعدك روح
اجل بغا ياكلك السلم
سلامات

وأختك هذي قهرتني انتي مبتلشه وهي تضحك آه يالقهر

[فتاة المستقبل]

اقتباس: نصيحه اللي تلبس عباة اذا وصلت السلم الكهربائي ترفع عباته الى الركبه ماعليك من احد ياروح مابعدك روح

أي والله وأنتي الصادقه ... أهم شئ سلامة أرواحنا ...
ابالنسبه لي إذا وصلت نهايه الدرج الكهربائي .. رفعت عباتي ومعه ثوبي ونطيت نطة ارنوب علشان مااحتك بنهاية الدرج


عيني والله ...شكلك لا تحمست للشئ صكرت درايشك مانتب لم العالم

بالنسبه للمواقف أممممممممممممم

ماتذكر شئ للحين إذا تذكرت شئ سدحته لكم هنا

[عبود زمان]

اقتباس:  المشاركة الأصلية كتبت بواسطة فاطسة ضحك     عيني والله ...شكلك لا تحمست للشئ صكرت درايشك مانتب لم العالم ماتذكر شئ للحين إذا تذكرت شئ سدحته لكم هنا

بعد هالموقف أكيــــــــــد اني من اللي يسكرون الدرايش
واصير اصقه

يارب متى تذكّر وتسدح موقفه هنا

[لِـيم’]

امس صار لي موقف يكنت

اولا انا مسجله بلعبة البلياردوا باسم ولد المهم جيت امس ودخلت اللعبه ودخلت بغرفة عجم مايعرفون عربي جيت انا اقالي اعرف انجليزي قلت hi رد واحد وقال hi قلت play قال ok
قلت start امر يبدأ يلعب ..

وهو يلعب قعدنا نسولف قال what is your name ?

قلت له abdo allh عبد الله >> اولف عليه

قال speak turki

عاد انا بلشت به ماادري وش اقول لانه يقول تحدث بالتركي وانا وش يعرفن للتركي

امر يدخل واحد عربي قال لي بلشت به ماتدري وش يقول

قلت شويه بلشت به

قال انا مترجم

قلت تكفى ترجم لي

قال انه يسبك

عاد حنا نحش به على انه مايدري وش حنا نقول .. طلع الولد عربي ومن جده بعد امر يرد على ذاك اللي قال انه يسبك قال تكذب انا ماسبيته عاد ذاك خاف وهج .. خخخ


ادري انكم مافهمتوا شيء بس موب لازم هههههههههه

[عبود زمان]

ههههههههههه
يعني كلكم ماتدرون وين الله حاطكم
كل واحد يبي يلعب على الثاني

تستاهلون اللي جاكم

[فتاة المستقبل]

إيه تذكرت موقف ...

هكاليوم علي أمتحان انجلش .. قاعدة أذاكـــــر بغرفتي بنص الليل ..والبيت كله خمود

أهلي نايمين ...

المهم اني مندمجه اذاكر ومعي هالألوان نوب اخط بالأحمر ونوب بلأزرق ونوب بالأخضر غدين مانسى ..

ومير اسمع خترشه بالسطح ... طبعا غرفتي له سطح خاص

المهم اني سفهته ..

وتكررت الخترشه قلت شكله هواء يخترش باحد الأكياس ,, وإلا قرطاسه ومير اسفهه

وتكررت الخترشه نوبتن ثالثه ورابعه

وقلبي يدق دوب دوب دوب دوب ..
سويت نفسي قويه وقلت يا بنت الحلال وراتس باتسر امتحان وترى الوقت يالله يمديك ..مير خلي عنتس الخرابيط الفاضيه

بعد شويه سمعت صوت قمزه ..صوت احد طب قلت شكلي موسوسه

عقبه سمعت طبه قويه ....وأطيييييير لأمي طيراااااااااان اقومه من نومه

يمممممممممممه يممممممممه حرااااااااااااااااااامي ببيتنا

قامت امي وايدينه تنافض ..

وتروح للتلفون بتدق على الجيران (بيت اختي) ومير تنسى الرقم ..قلت لا دقي على فلان (اخوي) وبرضوه تنسى الرقم واقوم ادق له ويديني تراجف

المهم ان اخوي جاء من بيته ..بيشوف وش السالفه

ورحن لباب الصاله نبي نطلع للحوش نتحرى اخوي يجي ..

ويوم درينا وينط البس من السطح حق غرفتي على الحوش اللي واقفين به ..

طبعا على دخلة اخوي ..

يوم شفنا البس تسنه برد على قلوبنا



بس حركات هالبس يعرف يخرع ابن اللذينا ...

[عبود زمان]

8
8
8
هههههههههههه
أنا خفت يابنت الذينا
والله لو انا من اخوك كان قلت ماعلي منك انا ببيت وانتم ببيت

المهم هالكلام يمر على أكثر من بيت لأنه يجي يوم بالشتاء من قوة البرد
تبدأ البساسه تحاول تدخل البيوت من قوة البرد

تعيشين وتاكلين غيرها

انا مارحمت إلا إمك هالمسكينه

[الصريح 2008]

والله المواقف كثيره بس اذا بغيته ماتتذكر ولا واحد

لكن بحفر الذاكره يمكن احصل واحد زين لان اكثرهن شينات

[عبود زمان]

8
8
ههههههه
في إنتظارك حياك الله