أنا وقعت في مطب على طريق الرياض القصيم!!

[طائر الأشجان]

[align=right][align=justify]بالله دلوني كيف الحل:الموضوع تم طرحه لكي لايوقع غيري..وإيجاد حل لما وقعت فيه!!
على خط الرياض -القصيم .وبعد المجمعه هناك موقف .وبقاله
قبل أن انزل من السياره ..سياره أخرى تحمل لوحات دبي ...وقفت بجانبي فيها رجل وأمرأه وطفلين..ناداني ذهبت اليه .قال أخوك من دبي وضاعت محفظته ولايملك حق البنزين والأولاد ما أكلوا ،وانا استحي فهل اجد فيك الخير ولو تعطيني حق البنزين اللي يوديني الرياض أو السفاره..
صدقته.تخيلت لو أني مكانه فعلاً وضاعت محفظتي ومعاي الاهل (مصيبه)
فتحت محفظتي وأعطيته مائة ريال..شكرني وذهب،قسم بالله مشيت وراه وأوقفته.ثانيه.وأضفت له مئتين ريال قلت للأطفال..ولم يتبقى بجيبي عدى 12 ريالاً لا غير ..حتى أني ماتركت لأكلي شيء بالطريق.وقلت يخلف الله .توقعت الرجل فعلاً وقع في مأزق..وهذا عابر سبيل ..وفرصه وهبني الله إياها..فلما لا أقوم بمعروف نحوه..والمعروف يقيك مصارع السوء. أنتهت القصه..بعد اسبوع رجعت الرياض وأنا أتغدى في مطعم ام سدره..لمحت سياره عليها لوحات الكويت.وفيها عائله ونفس الأسلوب ونفس الطريقه!معقوله كلهم ضاعت محفظاتهم ولوحات دبي والكويت..
مرت اكثر من عشرين يوم ..رجعت من الرياض ووجدت صاحب دبي عند موقف آخر وبنفس الطريقه يشحت.ونفس الأسلوب.قلت، انا وهبتها لله.وتركته وما تعرضت له .وبالطريق تحسرت أني ما مسكته،حرام يضحك على خلق الله بهذا الاسلوب .وندمت أني ما مسكته من زمارة رقبته...
أنا دائما اروح االرياض .وبالتأكيد سأقابله ..لأنه شغال بهذه الحركه على نفس الخط ..أبي منكم النصيحه الأخويه ..وش اسوي معاه ..كيف ارجع اللي أخذه ،وأعطيه درس؟؟هذا ما يستاهل..
مأ أمر أن يجعلك من صنعت له معروفاً..أضحوكه[/align][/align]

[عجوز سمنسي]

هلا بك ياعزيزي طائر الاشجان

لو كنت مكانك لامسكت به واتصلت على امن الطرق وابلغت عنه

الظاهرة هذا اصبحت معروفة من قديم والقليل من يثق بهم

نفس الموقف حصل لي وطردته

الغريب ان بعضهم يجعل المرأة تترزز وتظهر جزء من عيونها وتنظر اليك حتى تثير غريزتك او ربما نخوتك على حسب من امامها

انصحك في المرة القادمة ان تمسك بزمارة رقبته وتبلغ عنه امن الطرق وان لاتتركه حتى تتأكد انه سيأخذ جزاءه

دمت بحب

[طائر الأشجان]

اقتباس:  المشاركة الأصلية كتبت بواسطة عجوز سمنسي     هلا بك ياعزيزي طائر الاشجان لو كنت مكانك لامسكت به واتصلت على امن الطرق وابلغت عنه الظاهرة هذا اصبحت معروفة من قديم والقليل من يثق بهم نفس الموقف حصل لي وطردته الغريب ان بعضهم يجعل المرأة تترزز وتظهر جزء من عيونها وتنظر اليك حتى تثير غريزتك او ربما نخوتك على حسب من امامها انصحك في المرة القادمة ان تمسك بزمارة رقبته وتبلغ عنه امن الطرق وان لاتتركه حتى تتأكد انه سيأخذ جزاءه دمت بحب

[align=right][align=justify]قسم بالله يا أخي عجوز أني عرضت عليه أن يأتي بأولاده ويسكن مع الأهل حتى نستطيع ان نلاقي مايكفل سفره الى بلاده.من شدة تأثري.ورفض.:انا اول مره ساعتها اشوف هذه الحركه ووقعت فيها..ولا تهمني الفلوس ولو كانت تهمني ماعطيته ...بس اللي كدر خاطري أن يأتي إمعه مثل هذا يستغفلني ..ويضحك علي..بهذه الطريقه
نصيحتك قابله للتنفيذ بإذن الله ..[/align][/align]

[Queen of buraydh]

لهذي الدرجة وصل الاستغفال !!!


طيب المفروض ماينسكت عنهم , اعتقد من الضروري تبليغ الجهات المُختصّة

[ămōяẻ]

بصراحة ياكثر ماشفته صاحبك

وبالعادة معه لكزس


والله يستر

[طائر الأشجان]

اقتباس:  المشاركة الأصلية كتبت بواسطة Queen of buraydh     لهذي الدرجة وصل الاستغفال !!! طيب المفروض ماينسكت عنهم , اعتقد من الضروري تبليغ الجهات المُختصّة

والله ما أدري يا استاذه هل هو أستغفال مني أو أني تعاملت بطريقة أنسانيه لا أكثر..
وين نلاقي الجهات المختصه في الطريق السريع

[طائر الأشجان]

اقتباس:  المشاركة الأصلية كتبت بواسطة عموري     بصراحة ياكثر ماشفته صاحبك وبالعادة معه لكزس والله يستر

كلامك صحيح أخي عموري السياره لكزس ،الله لا يوفق صاحبها.وعليها لوحات دبي..وفي وحده ثانيه عليها لوحات الكويت
بس اللي أستغفلني على قولة أختنا المشرفه صاحب دبي .الله لا يوفقه
بس ماقلتي رأيك بالحل..بالله عطوني حل وأنا بنفذه

[Queen of buraydh]

اقصد بابلاغ الجهات المختصه يبدو لي فيه جههة مختصه للمتسولين .. اعتقد لو تكلمهم وتذكرلهم المواقف اللي حصلت لك والمكان واكيد هم بيراقبون المكان ويسوون اللي عليهم ..

[طائر الأشجان]

أنا في بالي طريقه تراودني ..أني ازيد وأكمل جميلي معاه .وألحق العيد رِجْلَه.وأعزمه على وجبه دسمه.وأحلف عليه
واشغله لين أتصل للشرطه أو أنسم الكفرات ،حتى أضمن بقائه لين تشرق الشمس من جديد،وأتأكد أني خلاص ماعادني مقهور على حركته..

[طائر الأشجان]

اقتباس:  المشاركة الأصلية كتبت بواسطة Queen of buraydh     اقصد بابلاغ الجهات المختصه يبدو لي فيه جههة مختصه للمتسولين .. اعتقد لو تكلمهم وتذكرلهم المواقف اللي حصلت لك والمكان واكيد هم بيراقبون المكان ويسوون اللي عليهم ..

جميل استاذتي وينهم نائمين بالعسل ...أفتكرت اني الوحيد اللي شاف هذه الحركه وخفت أحد يكذبني ..لكن أتضح الان أن العالم شافوها.
ياليت الأخ عجوز سمنسي وألأخ عموري طبّوا مثلي..على الاقل الاقي الي يعزيني وأعزيه، أو نتفق ونروح له نحن الثلاثه ،و نتصرف معاه بطريقه جماعيه.بس ما أدري كيف نفدوا بجلدهم ..ووقعت أنا.

[yousef]

حتى التسول له فنون وابداعات ..

ولكن ليس في الدول العربية..!!

هناك ..حتى المتسولين حضاريين..!!

اما .......نصب و احتيال ..مجرد عصابات..!!

وبأســـــــــــم العازة والحاجة والفقر...

المشكلة الاكبر كما طرح قبل فترة جبل عمر

الموجودين فــــــــي المدن وخاصة ..

العاصمة ..!!!

[JUBA]

المرة الثانية قله طابق موترك اعبي لك بنزين , واشري لك طعام للعيال
ولا تعطيه كااااااااااش

وبكذا تختبره

[طائر الأشجان]

اقتباس:  المشاركة الأصلية كتبت بواسطة yousef     حتى التسول له فنون وابداعات .. ولكن ليس في الدول العربية..!! هناك ..حتى المتسولين حضاريين..!! اما .......نصب و احتيال ..مجرد عصابات..!! وبأســـــــــــم العازة والحاجة والفقر... المشكلة الاكبر كما طرح قبل فترة جبل عمر الموجودين فــــــــي المدن وخاصة .. العاصمة ..!!!

حياك اخي يوسف..المسأله ليس فيها فنون..بقدر ماهو نصب وأحتيال
ويسرقك برضاك وأنت تضحك ،دون أن تعترض..وهذه هي المشكله.

[برق الوسم]

لا حول ولا قوة الا بالله

اخي طائر الاشجان كتب لك الاجر فيها ان شاء الله

والاعمال بالنيات.

وعسى ان يتم التبليغ عنهم وباعتقادي ان لا حياة لمن تنادي

دعهم يمنعوا هذه الظاهرة المتفشية في الديار

فما بالك

في الطرق السريعة وما فوق الجبال...

دمت اخي على الخير

برق

[من ولاية قصيمونا]

لا حول ولا قوة الا بالله

اخي طائر الاشجان كتب لك الاجر فيها ان شاء الله

والاعمال بالنيات.