سندويتشات كودو من عمايل يديا والله ... حياكم

@ المنتهي @ · 26-07-08, 08:19 am

سلام عليكم

هذي طبخه سهله مره طبخته قبل كم يوم بالأستراحه قلت اغير شوي طبخات .

المهم الطبخه سهله مره وحلوه ولذيذه وتعتبر بسيطه لكم للحريم ..

الطبخه عباره عن ساندوتشات كودو بالدجاج ......

المقادير عباره عن :-

دجاج صدورمقطع صغار مره + بصل مقطع مربعات + فلفل اخضر + بهارات + ملح +

زيت + صلصله صويا .

اللي تحب تحط جبن مع الطبخ ما يمنع انا ما اواطن الجبن بعيشة الله .

الطريقه تحمين الزيت وهمن طال عمرتس تحطين الصل لين يحمر شوي وهمن

تحطين البهارات وبعدها تحطين قطع الدجاج تطبخ شوي وهمن تحطين الفلفل

البارد علشان ما يذوب مع الطبخ خليه اخر شي ولما تحسين ان الدجاج قرب

يستوي حطي صلصله الصويا عليه لأنها بتعطيه طعم غير وللون غير .

اترككم مع الصور ............

وبالعافيه عليكم .....

بندر الحمر · 26-07-08, 08:29 am

جوعتينا

شكرا جزيلا لك وما قصرتي طبخه جميله ومنظمة

بالعافيه

@ المنتهي @ · 26-07-08, 09:26 am

اقتباس:


	جوعتينا شكرا جزيلا لك وما قصرتي طبخه جميله ومنظمة بالعافيه

العفو اخوي

تراي تمساح شككتن بروحي هههههههههههههههه

Queen of buraydh · 26-07-08, 10:37 am

لا اله الا الله عليك يااخوي

طبّاخ ماشاءالله .. ياحظ اهلك تطبخ لهم ماشاءالله

مشكور اخوي

غديــــــــــر · 26-07-08, 04:19 pm

ماشااء الله ..

وراه البصل وش كبره <<احسبه بطاطس هههه<< بتسطررر

بصراحه شكله النهااائي خقـــق ..وشوو ذااا ..ابي وحده ..<<قطرت سعابيلي ...ههههه

ومن زود سناعتك الله لايضرك بندر ماستوعب انك ولد ههه

انت مشروع مطعم ناجح وش رايك بس بالفكره ..

ميرسي اوي اوي ...بجربه اليوم واعلمكم وش صار علي ..الله يعطيك العافيه وتسلم يدياتك