لو دخل زوجك - أخوك معك المطبخ .. وش تسوين ؟!!

[أنـفأإأس أإأللـيل]

[align=center]

[/align]

[align=center]عزيزاتي رائدات المطبخ [/align]

[align=center][/align]

[align=center]قلت رواد يعني اللي تدخل المطبخ وتطبخ وتنفخ مو اللي ماتدري وين موقعه في البيت

غاليتي

وانتِ داخله المطبخ تطبخين الغداء او العشاء ، سواء للبيت ولا عندك عزومه

خصوصا ان رمضان قرب والله يعين فطور وعشاء وسحور .. حتى من الحظ اجازة والا كان مثل قبل نتحجج بالدوام
المهم نرجع لمحور الموضوع ..

لو كنتي في المطبخ تطبخين ..

وجاك زوجك ولا أخوك ودخل معك قال بيساعدك .. !!

تفرحين ؟

تتضايقين ؟؟

تعطينه شي يشتغل فيه ؟

ولا تقلعينه برى المطبخ بعد ماتصارخين عليه ؟

خلونا نشوف أرائكم والمواقف اللي صارت واللي ممكن تصير لو دخل رجل معك المطبخ

للجميع مودتي,,,[/align]

[بنت البدائع]

هلا بك أنفاس الليل ..

بالنسبه لي لو جلست أطبخ وجاء أحد إخواني .. راح أقوله إطلع ومن غير مطرود
يختي الطبخ يبي له فن ومو كل إيدٍ تغط فيه ..

جنوني ولا أحد يتدخل بطبخ لي لو هي على ذرة الملح ..

بس مايمنع لو صرتي تبين كشنه وخليتيه يساعدك .. أقصد فرم البصل وتحريكه على النار .. أو تقطيع وقلي خضار أو شي ومن هالكلام
أما غير فلا والله يكثر خيره ..

^

^

^
كلامي أعلاه بخصوص لو كنت أنا اللي أبطبخ الطبخه ..

أما لو هو بيبدأ فيها من البدايه .. راح أوافق .. وش ورانا نجرب طبخهم
هه << تذكرت أخوي أول ماشرى قدر الظغط " الكاتم " مسك الغداء إسبوع عن الوالده .. أذكر رزه يطلع خانس الله يملّح أيامه ..

مساعدة ست البيت وقت الظروره ماتمنع بس اللي يعرف وإلا لايتوهق بعمره ..



دمتِ بخير ..



؛

[صدى الصوت]

اقتباس:  المشاركة الأصلية كتبت بواسطة بنت البدائع     هلا بك أنفاس الليل .. بالنسبه لي لو جلست أطبخ وجاء أحد إخواني .. راح أقوله إطلع ومن غير مطرود يختي الطبخ يبي له فن ومو كل إيدٍ تغط فيه .. جنوني ولا أحد يتدخل بطبخ لي لو هي على ذرة الملح .. بس مايمنع لو صرتي تبين كشنه وخليتيه يساعدك .. أقصد فرم البصل وتحريكه على النار .. أو تقطيع وقلي خضار أو شي ومن هالكلام أما غير فلا والله يكثر خيره .. ^ ^ ^ كلامي أعلاه بخصوص لو كنت أنا اللي أبطبخ الطبخه .. أما لو هو بيبدأ فيها من البدايه .. راح أوافق .. وش ورانا نجرب طبخهم هه << تذكرت أخوي أول ماشرى قدر الظغط " الكاتم " مسك الغداء إسبوع عن الوالده .. أذكر رزه يطلع خانس الله يملّح أيامه .. مساعدة ست البيت وقت الظروره ماتمنع بس اللي يعرف وإلا لايتوهق بعمره .. دمتِ بخير .. ؛

صدتكن حنا نكشن ونقطع بصل ايه هين ياراعية البدايع

ابخليتس تقطعين قرع وانا اتفرج خخخ

[سكايب]

عليكِ السلام ..

داايم أخوتي وأولاد أخوتي يدخلون المطبخ ..

أذكر أخواني أول العطله هم يطبخون هههههههههههه .. طبعا الغداء بس ..


لانو ما ينتوهق بطبخهم فياكلونه اللي صاحين فقط .. ودايم احرص اني اكون مع الخامدين .



كذا ولد اختي دخل علي وانا اكشن الكشنه ,, فأضطريت اني اسمع كلامه انوه هو اللي يكشن ببيتهم ..

ثم خليته يكشن وهجيت ..


طبعا خليهم يتعلمون مره اخوي قلا الهمبرجر بنفسه . انا استانست لان القلي دايما من حضي ..



وطبعا اختنا في الله سكايب يصير عليها ( جلي الاواني) ..


مو كل شيء أحب يتدخلون فيه ..

مره كنت اسوي لامي قهوه الصباح (طبعا قيمه متأخره) فدخل أخوي والله وقد يطلع هذا ويزل القهوه ..

وانـــــــــا مـا أحب أحد يتدخل بتصليح القهوه غيري ..



دمتِ بخير ..

[أم خماس]

ماأبعدنــا ..

أمس أخــوي مرتز بالمطبخ يبشر جزر .. صح أنهم يحوسون الدنيـا .. بس شئ نفسي عـاد اسم انه ساعد .. بالنسبه له ولي ..

[أنـفأإأس أإأللـيل]

[align=center]

اقتباس:  المشاركة الأصلية كتبت بواسطة بنت البدائع     أما لو هو بيبدأ فيها من البدايه .. راح أوافق .. وش ورانا نجرب طبخهم هه << تذكرت أخوي أول ماشرى قدر الظغط " الكاتم " مسك الغداء إسبوع عن الوالده .. أذكر رزه يطلع خانس الله يملّح أيامه .. مساعدة ست البيت وقت الظروره ماتمنع بس اللي يعرف وإلا لايتوهق بعمره .. ؛

[/align]
[align=center]هلا ومسهلا ببنت البدائع
أنا اشهد ان طبخهم خانس ولا دله السنع
بس وشنسوي نبي نكرفهم معنا ونحسسهم
باللي نحس فيه
شرفتيني بمرورك ,, [/align]

[وحده من الوحدات]

ما فيه امل يدخلون يساعدون


واحد من اخواني يصلح شاهي طبعا لنفسه ونسميه السمح


وبلعكس برمضاان انا اطلب منهم المسااعده


لا جاء التقليط قاعدين يتفرجون اقوومهم قومو شيلو وتكتمل السفره ونا اتشحذهم يقومون ..


ولو بتزوج بخلي رجلي اللي يطبخ بلعكس وبشجعه ونفخ راااسه مايخلف لونه يطبخ الله يعز النعمه مطاريس


هماه يفكن من ريحه الطبخ

[أنـفأإأس أإأللـيل]

[align=center]

اقتباس:  المشاركة الأصلية كتبت بواسطة سكايب     عليكِ السلام .. داايم أخوتي وأولاد أخوتي يدخلون المطبخ .. أذكر أخواني أول العطله هم يطبخون هههههههههههه .. طبعا الغداء بس .. لانو ما ينتوهق بطبخهم فياكلونه اللي صاحين فقط .. ودايم احرص اني اكون مع الخامدين . كذا ولد اختي دخل علي وانا اكشن الكشنه ,, فأضطريت اني اسمع كلامه انوه هو اللي يكشن ببيتهم .. ثم خليته يكشن وهجيت .. طبعا خليهم يتعلمون مره اخوي قلا الهمبرجر بنفسه . انا استانست لان القلي دايما من حضي .. وطبعا اختنا في الله سكايب يصير عليها ( جلي الاواني) .. مو كل شيء أحب يتدخلون فيه .. مره كنت اسوي لامي قهوه الصباح (طبعا قيمه متأخره) فدخل أخوي والله وقد يطلع هذا ويزل القهوه .. وانـــــــــا مـا أحب أحد يتدخل بتصليح القهوه غيري .. دمتِ بخير ..

[/align]
[align=center]مراحب عزيزتي سكايب ,,
حرام عليك كان جاملتي اخوانك وذقتي طبخهم
هههههههههههههههههههه
وفعلا لو كل شئ تدخلو فيه الا القهوة
مو كل يد تضبطها ..
شاكرة لمرورك الرائع ,, [/align]

[أنـفأإأس أإأللـيل]

[align=center]

اقتباس:  المشاركة الأصلية كتبت بواسطة أم خماس     ماأبعدنــا .. أمس أخــوي مرتز بالمطبخ يبشر جزر .. صح أنهم يحوسون الدنيـا .. بس شئ نفسي عـاد اسم انه ساعد .. بالنسبه له ولي ..

[/align]
[align=center]ماشاء الله على السنع يبشر جزر
عساه على القوة
بس اكيد حاس المطبخ بكبره
عشان جزرتين
شرفني حظورك عزيزتي ,, [/align]

[بنت البدائع]

اقتباس:  المشاركة الأصلية كتبت بواسطة صدى الصوت     صدتكن حنا نكشن ونقطع بصل ايه هين ياراعية البدايع ابخليتس تقطعين قرع وانا اتفرج خخخ

واللي يطبخ غداك وعشاك وقت البرّان مين ؟! وأيضاً بالإستراحات
وكيف تطبخه .. بحصى وإلا ببصل وكشنه ؟!
يعني ماعمرك قطعت بصل ؟!!!!!!

إيه أنا صادقه .. شغل بعض الشباب برابيس وبعضهم " نمبر ون " ماأنكر هذا ..

[أنـفأإأس أإأللـيل]

[align=center]

اقتباس:  المشاركة الأصلية كتبت بواسطة وحده من الوحدات     ما فيه امل يدخلون يساعدون واحد من اخواني يصلح شاهي طبعا لنفسه ونسميه السمح وبلعكس برمضاان انا اطلب منهم المسااعده لا جاء التقليط قاعدين يتفرجون اقوومهم قومو شيلو وتكتمل السفره ونا اتشحذهم يقومون .. ولو بتزوج بخلي رجلي اللي يطبخ بلعكس وبشجعه ونفخ راااسه مايخلف لونه يطبخ الله يعز النعمه مطاريس هماه يفكن من ريحه الطبخ

[/align]

[align=center]وحدة من الوحدات
ابشرك ان اكثر الرجال الحين خبرة بالطبخ
طبعا يرجع السبب لايام العزوبية بالاستراحات
والكشتات طبخ ونفخ
ولا اوصيك خلي على الاقل يوم الخميس يمسك الطبخ
قولي له نبي نغير ونذوق طبخك

شكراً لك ولمرورك اللطيف ,, [/align]

[هند الوفاء]

الموضوع فله نسولف بالمطبخ احسن شي

قبل كل شيء وش هي الكشنة ؟؟!! << معلش اختلاف ثقافات يمكن اعرفها بس الاسم غير


بالنسبة لي..الرجال في المطبخ ..ودي استغله والله..وجربت ,,

بس فيه الي ودك تعطينه هدية عشان يطلع من المطبخ لان يخرب كل شي ..

وفي احسن الحالات..يسوي السلطة..شوي شوي..اعطيه اعمال شاقة اذا نجح..

يضرب الهريس عشان عنده عضلات..وما انسى اسليه بالسوالف ..يتخدر ..ويحرك كل ما على النار..

وما بنسى اخليه يقلي السمك ..مرفق بذلك سوالف ومغامرات عشان ما يحس بالاسغلال

تووووووت خلص الطبخ ..استحي اقله حط بالك على الرز ليخترب على البخار ...عشان بروح اتحمم..

يمكن يجيني القـــــــــــــــــدر على راسي سأكتفي الى هنا..

انفاس الليل ...شكرا لاتاحة الفرصة

[الفجر]

الرجال يحوسون فلذلك الفكه منهم غنيمه وانا اتضايق مرررره اذا شفت زول احد معي بالمطبخ

[غديــــــــــر]

أهليــــــــــــــــــن

موزوووووووع مراااااااا حلوووووووو


بالنسبه لي والله مااروح المطبخ وووووواجد ...ابوي مايبغى الا من يدين امي وش اسوي عااد << تصرف ..الله يخليهم لي ولايحرمني منهم ..

ومرات تجيني حركات السناعه ..واروح اتميلح عند اهلي ..

أما الشباب والله من المطاريس والمحاويق ياربيه كان اكره المطبخ ما اكل منهم كان يغمى علي والا يجيني تسمم

< بتسطر ......

بس اقول الصدق ترا....

وخاصه في رمضان يضيقون الصدر لابدوا يدورون بالمطبخ

مرررره انا في بيت جدتي في المطبخ بسوي لخالو حلا بيروح لشلته الا يدخل خالي طبعا ايقاله يبي يساعد << بالحيل يساعدون
الا لقافه ومطرسه

وكل شي وشو ذا وشو ذااا ويخلط معي ويبربس لمين خربت اخلاقي ..وزهقت ...

وقالت له يتوكل ..والا بهج انا
...


وووشكرا يااعسل على الموضوع الجميل

[تالا miss,,,]

بالعكس اذا دخل ويبي يساعد وناسه عطيه اي شي حى لو يغسل المواعين وينشفهم اي شي ...
انا المستفيده منها يساعد ومنها يسولف ...