اختي حصلت على معدل جيـــد وتريد ان تدرس الطـــب ورفضـــــت...!!!

[مــسفـ..ـهل]

السلام عليكم ورحمة الله وبركاته..

مساكم الله بالخير يا اعضاء منتدى بريدة المحترمين..

اخواني انا في حيرة من امري .. حيث ان اختي على موعد من الحصول على معدل متميز في السنة التحضيرية..(ماشاء الله تبارك الله) وهي الاخت الوحيدة..
(يعني انواع الدلال من الاهل) حيث اشترطت مكافاة التفوق واجتياز السنة ان تختار الكلية التي تريدها...!! فلم يسطتع ابي الوقوف امام رغبتها....

ولكن على عكسي تماما ..فاخبرت ابي وبالعامي (يا تهون عن الطب او لي كلام ثاني بالموضوع)..

فلا اعلم هل اصبت في قراري حيث اني صاحب قرار ايضا في البيت...

دمتم سالمين يا احبابي..

[دانيــــا]

أحييكـ لأنكـ طلبت الشور

حجز مقعد ولي عوده

[الـخنساء]

الرأي الأول والأخير لها مو لك
وغير كذا أبي طبيـــــبه تكشف علي مو طبيب.

[@ الجفولة @]

[align=right]

اقتباس:  المشاركة الأصلية كتبت بواسطة مــسفـ..ـهل     ..فاخبرت ابي وبالعامي (يا تهون عن الطب او لي كلام ثاني بالموضوع)...

المسفهل واحد ممن أقصى وسلب المرأة حقوقها !![/align]

[yousef]

يا اخي الكريم يحق لك ان تفخر بأخت مثلها
ولك الحق ان تكون حريصاَ على عليها
ولك الحق في ان تكون صديقا لها وان تبين لها
ان طموحها حقا مكتسبا وان لا احد سوف يتدخل
في قرارها .
وعليك ان تبين لها السلبيات الكثيرة في البيئة التعليمية المختلطة لدينا
في الخليج بشكل عام والسعودية بشكل خاص!!
..

لدينا وحوش بشرية (( طبعا ليس مستوى العموم )) حتى وان كانوا اطباء!!
..........
المهم ان اقول
االه يوفقها على حسن الاختيار.

تحياتي

[طالب وفا]

انا قبل لاتوافق ابسالك سوال بسيط

ماهو شعورك وانت تشاهـد اختك بمكان مختلط وتسولف مع واحد اجنبي زي دكتور وشباب سعودين ممرضين وتكون محط للانظار !!
اتوووقع مافيه رجل عاقل ولديه غيره على محارمه يرضى بهالمنضر
وعقلك براسك وتعرف خلاصـك

[قلب الأسد]

اخي مسفهل اولا اتمنى التوفيق لها انشاء الله
بعدين الطب هو الأفضل الأن ويوجد بعد تخرجها
اماكن تخلو من الرجال كأقسام النساء مثــــــلا
فأذا كانت تعشق الدارسه والعلم فلا تمنعهــــا.

[طلاع الثنايا]

اخي المسفهل السلام عليكم
قبل اتخاذ القرار بدراستها للطب من عدمه، عليك أن تتأكد بنفسك من البيئة الدراسية ، فإن كانت بيئة صالحة لا اختلاط فيها ولا قلة حياء ، فاختيارها اختيار موفق ، وبعد التخرج ستجد في أقسام النساء عملا مناسباً .
أما إن كانت الدراسة الجامعية مختلطة ، كما هو الحال في جامعة الملك سعود قبل سنوات ، فالفرار الفرار ، لأن الدراسة فيها مهزلة ولا يرضى بها من عنده خلق وكرامة ، فضلا عن الدين ، لكن الآن لا أدري كيف سارت الأمور ، عليك أن تجتهد بنفسك وتتأكد ، والله يوفقك ويوفقك أختك

.

[•°سـرىآ اللـيـل°•]

تجربة سأرويها لك ..

مررت بحال أختك وعقدت الجلسة لنقاش القرار ., وافق أعضاء المجلس الأعلى للبيت .,

لكن الرئيسة أم صالح إعترضت وقالت تصيرين طبيبة وتختلطين برجال

وحلف لاأنتِ بنتي ولا أنا أمك << كذا ياسرىآ تضيعين تربيتي

فضربت بيدها الطاهرة على طاولة النقاش الخشبية وقالت ::

أصلاً وش دخلكم أنتم ولا وااااااااااحد يهرج

أنا اللي حاملته وأنا اللي والدته وأنا اللي مرضعته وأنا وأنا وأنا يعني

إذن القرار يرجع لي وإللي بيخالف قراري يقوم من غير مطرود

طبعاً إنصعق الجميع من هذا الأسلوب القاسي الغير متوقع من أم صالح المتفهمة .,

فقال كبيرهم :: ماعهدناك هكذا ياخالة !! وحاول الآخر الإستطراد إلا أنه شاهد الوالدة تنهض للحديث نيو .,

فقالت وأعينها تكاد تصفعني :: ترانا مانفرخ بالكرب هذي بنتي واللي يطوله يطولن .,

لامجال للحديث سرىىىىىىىىىىآ <<< سمي من تحت الطاولة

قالت حاسب يعني حاسب وبس رفعت الجلسة ولامجال لعقدها من جديد :: صدق مايجيك الغثاء إلا من آواخر العناقيد .,

ونفذ المسؤولين عني في الجامعة رغبة الوالدة , واللحين أحس إني أزرع بالطاية لكن بيوفقن الله وربك كريم .,

المهم أقولك إفتح المجال لأختك حرام تقف حجر أمام طموحها << تراي ضايق صدري وهي أمي كيف لو أخوي .,

شكراً ,, أهذب تاهيه’

[فتاة 27]

أخوي المسفهل .. انا من رأيي انك ما تمنع أختك وهاذا مستقبلها وأن شاء الله ما عليها خوف ..
وأكيد انها على قدر من الاخلاق والدين وبأذن الله راح تفرض احترامها على اللي حولها ..
أنت عطها فرصه وأ ن شاء الله راح ترفع روسكم وتفتخرون فيها كونها طبيبه وتخدم المجتمع ..

[# الزلزال #]

اعتقد انك لو رفضت ..

ستندم على قرارك مستقبلا ..

الطب مهنة انسانية يــــشرفك الانتماء لها .. اما المعتقدات الاجتماعية الحالية ستزول مع الوقت ..

[شموع تحت المطر]

بغض النظر عن كلام المتشددين وغيرتهم.. لان كل شي يترتب على معدن الانسان الداخــلي.. ولو في الامـر ان كل بنت دخلت طــب فهي فاســدة كان مادخلن القسم بنات المشايخ وطلاب العـــــــــــلم..

يكفي انها مهنــهـ عظيمــة.. وانسانيـــة وشرف لكل من انتسب اليهــا في سبيل خدمة الناس وليس المفاخـــرة وتشوية صورتها لدى العــــــــــــامـــة..

الرفض في هالمجال يعني قسـراً الظلم والجبروت ..

[ندوش]

الفلسطيني يقول لدينا وحوش بشريه ؟؟؟؟؟؟؟؟؟؟؟

[فهدناصرالشمري]

يأخي الرأي الأول لها وليس لك شغل وأبوها على قيد الحياة .

[ندوش]

اقتباس:  المشاركة الأصلية كتبت بواسطة طالب وفا     انا قبل لاتوافق ابسالك سوال بسيط ماهو شعورك وانت تشاهـد اختك بمكان مختلط وتسولف مع واحد اجنبي زي دكتور وشباب سعودين ممرضين وتكون محط للانظار !! اتوووقع مافيه رجل عاقل ولديه غيره على محارمه يرضى بهالمنضر وعقلك براسك وتعرف خلاصـك

واذا جيتوا تكشفون على حريمكم ماتبون الا امرأه ؟؟؟؟؟وتدرون ان العنصر النسائي نادر خاصة في الأقسام الخاصه بالنساء ؟؟؟؟ وشلون طيب ؟؟؟