ماما تبغى رجل (لو مسيار )

[امرؤ القيس]

تحية للكل


هذي ماما الله يسلمكم مرة رجالية ولا كل الحريم وايضا ولا كل الرجال !

تطلع للسوق واي رجل بالشارع او مرة الا وتاخذ نعلة (اعزكم الله) الا وتصكه مع جبهته دون خوف او سبب مقنع

تدخل البيوت بالقوة ولا احم ولا دستور وتحوس وتدوس وتطلع ولا احد يكلمها

تجي الى واحد يبي يربي غياله على طريقته الخاصة فتقول ليش انت ماتعرف حقوق الانسان (ياكلب ) ثم على طول يخاف الواحد ويسمح لعياله وبالعكس يمكن يعطيهم هدية نظرا لتدخلات امي القوية !

تشوف اثنين بالشارع ماهم من حارتنا ولانعرفهم ثم تقول وقف وتنزل وتعطي واحد ركبة والثاني كف وتاخذ اللي معهم من الاشياء الثمينة وتركب وتتركهم يصيحون ويندبون حظهم على الهوشة !

تلقى واحد قوي ثم تقوله عليك بفلان تراه يبي يضربك ثم على طول يروح هذا ويتهاوش مع رفيقة ثم تجي تفك للضعيف وتلعن ابو اللي جاب القوي ثم تقعد عند الضعيف حتى لايجيه احد !! وهي اصلا تبيه من زمان لانها تدري ان عنده ورث وتبي تاخذه منه

تشوف واحد من بعيد عنده ني وناجض او يصلح عدة يبي يفك عن نفسه تجي وتدخل عليه بالبيت وتخرب كل اللي هو مزين وتطلع ولا كان شيء صار

امي هذي تبي رجل !! يكسر ظهرها


بس المشكلة هي كبيرة بالسن وصعبة يعني مايصلح لها الا رجل مسيار وخبرة


صحيح بيتنا بعيدة ولا احد يوصلها الا بشق الانفس لكن برضه فيها طمع !


بس ماعلي اذا فيه احد اخذها وذاق المر منها


عرفتوا امي >>>>تراي اقول امي من الخوف والا هي 0000!!



امرؤ القيس

[فيصل...........]

امرؤ القيس


والله بلشت فيك وفي امك مدري انت تعني امك او نفسك
لكن اذا تعني امك لا تخبر احد في محاسنها وبلاويها
لين تاخذ واحد ويبتليبها
تحياتي

[•°سـرىآ اللـيـل°•]

هذي أم هذي شيطان

لالا واللي يرحم والديك لاتدور له رجل أرحم من في الأرض يرحمك من في السمااء ,,

أمك هذي يبيله اسبوع في الحااير وتصير مضبوطه ههههههههههههههههههههه

أقول لاتصير أنت مثل أمك فرقى عين جدي << هج

[فتاة المستقبل]

بسم الله الرحمن الرحيم ...,

<< لاتحسبون ذي مقدمة ..

تراي أسمي على رويحتي ..منهبلة من أم أمرئ القيس


هاذي موب أنسيه << سرىالليل لاتهجين الحالك وقفي لي أبهج معك


علمنا منهي تكفى ....ترى ما عرفناه

[هامة حاسوبية]

[align=center]




رحم الله والدتك أخي أحمد وموتانا وموتى المسلمين

ولكن متى تعطينا حل اللغز ؟؟





[/align]

[كـامـو]

[align=center]أبو عدي

إذا فيها مسيااار أنا لها


بس أتوقع حل اللغز هو خب روضان

و شكل الجائزة سفن آب العايلة


أبو عدي جاري تغيير فيوز المخ لعلنا نفهم شي

وهــ بس[/align]

[الطاحونة]

امرؤ القيس..
كاتب سليط اللسان حاد الكلمة...
لا يرضى بمن يخالفه...
من يعطيه كلمة يعطه طنا من الكلمات البذيئة...
.
.
امرؤ القيس...
أرى أنك اخطأت بحق أمك ... ربما شخصا يقرأ موضوعك
ولا يعود إليه مرة أخرى ...
فيحمل صورة سيئة عن أمك...أو جدتك...
(فلا تقل لها أف) أرى أنك تجاوزت الأف
بالتجني عليها...

[مخي وحده لا يكفي]

يا ويلي يا حلوه اللبن اللي حطيتها مكان انسانة بهالتواصيف

[هامة حاسوبية]

[align=center]




تنبيه لمن عاب تسمية الكاتب للمرأة بـ (أمه)

اقتباس:  المشاركة الأصلية كتبت بواسطة امرؤ القيس     عرفتوا امي >>>>تراي اقول امي من الخوف والا هي 0000!!

أعتقد أن هذا السطر يبدد أي تفكير غير صحيح حول المعنى الذي يريده الكاتب من أنها أمه حقيقة





[/align]

[Queen of buraydh]

ايام نو آندرستاند ...

[مياسة]

[align=right]هذي اكيد ام الدواهي .. [/align]

[امرؤ القيس]

اقتباس: رحم الله والدتك أخي أحمد وموتانا وموتى المسلمين

جزاك الله خيرا اختي هامة حاسوبية



معقولة ماعرفتوا من هي الام لين الحين !!

[هامة حاسوبية]

[align=center]




والله أنا تخبرن منب لم الألغاز





[/align]

[فتاة المستقبل]

علمنا بأول حرف ..

تسنه بحرف العين فأنا جبته ,,,

[علشانك بس]

<<<< جــاري البحث عن زوج المسيار ذو المواصفات العالية وأهم شي يكون قوي ,,,